កំពង់ស្ពឺ=កិច្ចប្រជុំលើរបាយការណ៍ប្រចាំខែស្តីពីការអនុវត្តការងាររបស់រដ្ឋបាលខេត្តកិច្ចប្រជុំសេចក្តីព្រាងរបាយការណ៍ប្រចាំខែ ស្តីពីការអនុវត្ត ការងាររបស់រដ្ឋបាលខេត្ត ប្រព្រឹត្តទៅព្រឹកថ្ងៃទី០៥ខែសីហា ឆ្នាំ២០១៥ នៅសាលាប្រជុំសាលាខេត្ត ក្រោមអធិបតីភាព លោក អ៊ូ សំអួន អភិបាលខេត្ត និងមានការចូលរួមពីតាមបណ្តា អភិបាលក្រុង ស្រុក មន្ទីរ អង្គភាពជុំវិញខេត្តផ្តោតជាពិសេសមើលលើការងារដកស្ទូងរបស់ពលរដ្ឋ។
លោក អ៊ូ សំអួន អភិបាលនៃគណៈអភិបាលខេត្ត មានប្រសាសន៍ថា ឆ្នាំនេះបើតាម របាយការណ៍ បូកសរុប ក៏ដូចជាទិដ្ឋភាពជាក់ស្តែង ការបង្ករ បង្កើនផលឆ្នាំនេះ បានលឿនជាងរាល់ឆ្នាំ ដោយហេតុថាប្រជាពលរដ្ឋបាន កែប្រែទម្លាប់ ពីស្ទួងធម្មតា មកធ្វើ ស្រែពង្រោះវិញ។
អភិបាលខេត្តមានមតិសង្កត់ធ្ងន់ទៀតថាមន្ត្រីរួម ក្រុងស្រុងទាំងអស់ត្រូវចុះ មើល ទឹកតាមបណ្តាប្រឡាយមេ ប្រឡាយរង នានា តាមទំនប់ស្ទាក់ទឹក ដែលមាននៅតាមស្រុករបស់ខ្លួនជាប្រចាំ ត្រូវជួយសម្រួល រវាងអ្នក មានដីស្រែជិតប្រពន្ធ័ទឹក និងមានដីស្រែនៅឆ្ងាយ ពីប្រភទឹក ធ្វើយ៉ាងណា ឲ្យពួក គាត់ បានប្រើប្រាស់ទឹក និងបង្កបង្កើនផលបានគ្រប់គ្នា។
មួយផ្នែកទៀមើលចំពោះផ្លូវ ថ្នល់ លោក លោកស្រីមន្ត្រីជំនាញ អភិបាល ក្រុង ស្រុក និងមន្ទីរពាក់ពន្ធ ត្រូវមើលដីដែល ជ្រុះឬខ្សាច់រាយប៉ាយ តាមដងផ្លូវ ពីរថយន្តដី ដែលជាហេតុបង្កឲ្យមានអ្នកដំណើទទួលរងគ្រោះ ថ្នាក់ ទាំង នេះតើនណា ជាអ្នកទទួលខុសត្រូវ?ជាពិសេសតាមផ្លូវលំដែល ពលរដ្ឋកំពង់បង្កបង្កើនផលនាំឲ្យសន្ទូងរបស់បងប្អូនប្រជាពលរដ្ឋ អាក់អន់ ចិត្ត។ និងត្រូវមើលចំពោះអ្នកលក់ដូរលើដងផ្លូវជាតិ៣ ផ្លូវ៤១ និងផ្លូវ ផ្សេងៗ អភិបាល ក្រុង ស្រុង ត្រូវចុះណែនាំដល់អ្នក លក់ដូរមិន យកចំណី ផ្លូវ ធ្វើជាកន្លែងលក់ ដូរ ឬធ្វើអាជីវកម្ម ជាហេតុធ្វើឪ្យផ្លូវរួមតូច បង្កដល់ការអភិវឌ្ឍន៏ផងនិងបង្កឲ្យ មានគ្រោះថ្នាក់ ចរាចរណ៍ផង ។ អភិបាលក្រុង ស្រុង មន្ទីរពាក់ពន្ធត្រូវចាត់ វិធានការ ជាបន្ទាន់ចំពោះភាព អកម្មនាពេលកន្លងមក។
លោកអភិបាលក៏បានលើកយក បញ្ហាផ្សារកំពង់ស្ពឺ មន្ទីរសេដ្ឋកិច្ច និងហរិញវត្ថុ ត្រូវពិនិត្យមើល និងចាត់វិធានការ ចំពោះក្រុមហ៊ុនវិនិយោគ ហោយាន ឡើងវិញ ព្រោះរយៈកាលកន្លងទៅ ក្រុមអាជីវករលក់ដូរក្នុងផ្សារ មួយនេះ ចេះតែមានបញ្ហាជា ក្រុមហ៊ុនជាបន្តបន្ទាប់ដែលជាហេតុធ្វើឲ្យពលរដ្ឋបាត់បងទំនុកចិត្តមកលើអាជ្ញាធរដែលបានប្រឹងប្រែងស្តាគ្រប់ហេដ្ឋារចនាសម្ពន្ធ័ក្នុងខេត្តឲ្យមានភាពល្អប្រសើរជាងមុន ។និងបានដាស់តឿនមន្ទីរពាក់ពន្ធត្រូវចុះពិនិត្យ ជនអន្តោប្រវេស ដែលកំពុងលាក់ខ្លួនរកស៊ី ខុសច្បាប់ នៅតាមដំបន់ទេសចរណ៍ ទីប្រជុំ ជន និងកន្លែងផ្សេងៗទៀត៕
