ខេត្តកំពង់ឆ្នាំង៖បុរស្រវឹងជោកជាំម្នាក់បានបង្កអំពើហឹង្សានៅក្នុងគ្រួសារ ខឹងប្រពន្ធជេរស្តី
តាមទូរសព្ទ័ ហៅអោយត្រឡប់មកផ្ទះក្នុងពេលកំពុងផឹក មកដល់ផ្ទះក៏បានដុតផ្ទះខ្លួនឯង និងទៅបោកទូរទស្សន៍១៤អ៊ីញ ១គ្រឿងរបស់ម្តាយក្មេកចោល ត្រូវបានសមត្ថកិច្ចនគរបា
លក្រុងកំពង់ឆ្នាំងតាមចាប់ឃាត់ខ្លួនទាំងយប់។ករណីនេះបានកើតឡើងនៅម៉ោង៨និង១០
នាទី ថ្ងៃទី០៤ ខែសីហា ឆ្នាំ២០១៥ នៅក្នុងភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង។
លោក ញ៉ោក ប៊ុនធី អធិការរងនគរបាលក្រុងកំពង់ឆ្នាំងបាននិយាយអោយដឹងថា៖
បុរសបង្កហឹង្សាខាងលើនេះឈ្មោះ ជា សុខហេង អាយុ២៤ឆ្នាំ មានមុខរបរមិនពិតប្រាក
ដ និងជាមុខសញ្ញាប្រើប្រាស់ថ្នាំញៀន មានប្រពន្ធឈ្មោះ ម៉ុង ធី អាយុ៣១ឆ្នាំ រស់នៅក្នុងភូមិកើតហេតុខាងលើ។
មុនពេលកើតហេតុបុរសនេះបានចេញពីផ្ទះទៅផឹកជាមួយមិត្តភ័ក្រ៣នាក់ តាំងពីម៉ោ
ង១២ថ្ងៃត្រង់ ដល់ម៉ោង៨យប់ ថ្ងៃទី០៤ ខែសីហា ឆ្នាំ២០១៥ អស់ស្រាតាប៉ែ ២លីត្រ និង
បីយ៉ែ ១កេះស្រវឹងជោគជាំ។នៅក្នុងពេលស្រវឹង ប្រពន្ធក៏បានទូរសព្ទ័ជេរថា តើនៅច្រាស់
ជ្រាំពេលណាទៀតទើបមកផ្ទះវិញ។ខណៈនោះបុរសនោះបានខឹង ចេញពីវង់ផឹកដើរត្រឡប់មកផ្ទះវិញនៅម៉ោង៨យប់ ក្នុងបំណងមកវាយប្រដៅប្រពន្ធដែលជេរប្រទិចរូបគេ។
លុះពេលមកដល់ផ្ទះ ប្រពន្ធបានដឹងខ្លួនខ្លាចប្តីវាយ ក៏បានរត់ពួនក្នុងព្រៃក្បែរផ្ទះ ពេ
លបុរសនោះរកប្រពន្ធមិនឃើញ ក៏បានទាត់ទៀនមួយដើមដែលកំពុងដុតបំភ្លឺនៅលើផ្ទះ
ក្បែរវាំងនន ក៏ធ្វើអោយភ្លើងទៀននោះឆាបឆេះវាំងនន និងរាលដាលឆេះជញ្ជាំងផ្ទះស្លឹកអស់មួយជំហៀង បានអ្នកស្រុកនិងសមត្ថកិច្ចជួយពន្លត់ទាន់ ដោយនាំគ្នាកាប់ជញ្ជាំងផ្ទះ
ស្លឹកនោះទម្លាក់មកដី។បន្ទាប់មកបុរសនោះបានទៅរកប្រពន្ធនៅផ្ទះម្តាយក្មេក ឈ្មោះ គឹម
ណែវ អាយុ៥៥ឆ្នាំ ដែលនៅក្នុងភូមិជាមួយ ពេលសួររកប្រពន្ធអត់ឃើញ ខឹងចិត្តក៏ចាប់
ទូរទស្សន៍១៤អីញ មួយគ្រឿងរបស់ម្តាយក្មេកកំពុងតែមើលបោកកំទេចចោលម៉ត់តែម្តង។
ក្រោយពេលកើតហេតុភ្លាមសមត្ថកិច្ចក៏បានអន្តរាគម និងចាប់ជនបង្កហឹង្សានាំមក
ឃាត់ខ្លួន និងកសាងសំណុំរឿងតាមនិតិវិធី។នៅព្រឹកថ្ងៃទី០៥ ខែសីហា ឆ្នាំ២០១៥ ជនបង្កអំពើហឹង្សាដុតផ្ទះខ្លួនឯង និងបោកទូរទស្សន៍ម្តាយក្មេក ត្រូវបានសមត្ថកិច្ចនគរបាល
ក្រុងកំពង់ឆ្នាំង បញ្ជូនសំណុំរឿងនិងវត្ថុតាងទៅស្នាងការដ្ឋាននគរបាលខេត្ត ចាត់ការបន្ត.
