ខេត្តបន្ទាយមានជ័យ នៅល្ងាចថ្ងៃទី៥ខែសីហាឆ្នាំ២០១៥នាសាលប្រជុំសាលាខេត្តបន្ទាយមានជ័យគណះកម្មាធិការទី៩ខាងរដ្ឋសភាបានចុះមកស្វែងយល់អំពីការងារមួយចំនួនរបស់មន្ទីរក្នុងខេត្តបន្ទាយមានជ័យមានមន្ទីរសាធារណការនិងដឹកជញ្ជូនមន្ទីរឧស្សាហកម្ម រ៉ែនិងថាមពល ទូរគមនាគមន៍ ប្រៃសនីយ៍ ពានិជ្ជកម្ម និងដែនដីនគរូបនីយកម្ម និងសំណង។ពីធីនេះមានការចូលរួម អ្នកស្រី និនសាផុន ប្រធានគណកម្មាធិការទី ៩នៃរដ្ឋសភា លោកគោស៊ុំសារឿត អភិបាលខេត្តបន្ទាយមានជ័យ លោកលីសារីអភិបាលរងខេត្តបន្ទាមានជ័យ និង
ប្រធានមន្ទីរជាច្រើននាក់ទៀត។លោកគឹមសុវណ្ណ ប្រធានមន្ទីរសាធារណៈការនិងដឹកជញ្ជូនបានឡើងអានរបាយការណ៍អំពីសកម្មភាពការងារផ្សព្វផ្សាយច្បាប់ចរាចរណ៍ផ្លូវគោកថាផ្អែកតាមការអនុវត្តន៍កម្មវិធីនយោបាយយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាលនីតិកាលទី៥នៃរដ្ឋភាក៍ដូចជាទិសដៅការងាររបស់ក្រសួងសាធារណៈការនិងដឹកជញ្ជូនព្រមទាំងអាជ្ញាធរខេត្តក្នុងការចូលរួមចំណែកយ៉ាងសកម្មដើម្បីឲ្យការអនុវត្តន៍មានភាពរលូននិងកាន់តែល្អប្រសើរនោះលោកបានធ្វើការផ្សព្វផ្សាយច្បាប់ចរាចរណ៍តាម វុទ្យុជាច្រើនលើកនិងនៅតាមកាសែត ទូរទស្សន៍ជាដើម។លោកគឹមសុវណ្ណបាននិយាយបន្តទៀតថាកន្លងមកមន្ត្រីរបស់
លោកបានធ្វើការផ្សព្វផ្សាយច្បាប់ចរាចរណ៍ផ្លូវគោកនៅតាមវិទ្យាល័យមង្គលបូរីដោយមន្ទីរទំនាក់ទំនងសភាព្រឹទ្ធភានិងអធិការកិច្ចអ្នកចូលរួមមានចំនួន៤៥០នាក់និងបានពិនិត្យយានយន្តជួសជុលកែច្នៃយានយន្តនៅក្នុងស្រុកមង្គលបូរីបានជាច្រើនកន្លែងនិងបានចុះអនុវត្តច្បាប់ចរាចរណ៍ផ្លូវគោកនៅចំណតរថយន្តក្រុងសិរីសោភ័ណទៀតផង។លោកបានបន្តទៀតថាមន្ត្រីរបស់លោកបាន
បើកវគ្គបណ្តុះបណ្តាលគ្រូបង្គោលក្នុងក្រុងសិរីសោភ័ណ ស្រុស្វាយចេក និងស្រុកថ្មពួករបស់មន្ទីរសាធារណៈការនិងដឹកជញ្ជូនបានចំនួន៦វគ្គមានមនុស្សចូលរួមចំនួន៦០៨នាក់ក្នុងនោះមានលោកគ្រូនិងអ្នកគ្រូវិទ្យាល័យចំនួន១៥៦នាក់អនុវិទ្យាល័យ៦២នាក់បឋមសិក្សាចំនួន២៤១នាក់បូលីសប៉ុស្តិ៍រដ្ឋបាល ឃុំ សង្កាត់១១១នាក់មន្ត្រីសាធារណៈការនិងដឹកជញ្ជូនខេត្តចំនួន៣៨នាក់វគ្គបណ្តុះបណ្តាលគ្រូបង្គោលនោះបានផ្តល់មួកសុវត្តិភាពចំនួន៦០៨នាក់ទៀតផង៕
