ខេត្តសៀមរាប៖ លោកវរៈសេនីយទោ វ៉ាន់ វីរៈ នាយរង ការិយាល័យចរាចរណផ្លូវគោគ បានឱ្យដឹងនៅរសៀលថ្ងៃទី៧ខែសីហានេះ នៅថ្ងៃទី០៤ខែសីហាឆ្នាំ២០១៥ លោកត្រូវវេនប្រចាំការដែលបានដាក់ឱ្យមន្ត្រីក្រោមឱវាទដាក់តាមគោលដៅ ដើម្បីរឹតបន្តឹងច្បាប់ចរាចនៅតាមដងផ្លូវ
និមួយៗចំពោះម៉ូតូដែលគ្មានកញ្ចក់មើលក្រោយនិងពាក់ពួកសុវត្ថភាព ។
លោកបន្តថា ក្រោយពីដាក់កម្លាំងតាមគោលដៅរួចក៍បានឃើញ២នាក់ប្តីប្រពន្ធជិះម៉ូតូគ្មានពាក់ពួកនិងគ្មានកញ្ចក់ ពេលនោះសមត្ថកិច្ចចរាចរក៏បានហៅឱ្យឈប់ ប៉ុន្តែម៉ូតូនោះមិនបានឈប់ក៏ជិះវិលៗទៅវិលមកៗ៣ទៅ៤ត្រឡប់ រួចក៏ជិះទៅដល់គោលដៅម្ខាងទៀត ចំគោលដៅរបស់ចរាចស្រីក៏ហៅឱ្យឈប់ រួចជនបង្ក២នាក់ប្តីប្រពន្ធក៏ឈប់ ហើយដាក់ជន្ទុលម៉ូតូ ក៏លើកដៃក្រវាសដំបងរបស់នគរបាលស្រី ហើយវាយទៅលើស្មាដៃខាងស្តាំ១ដៃ រួចជិះម៉ូតូចេញ តែត្រូវនគរបាលស្រីដេញតាមចាប់ម៉ូតូជាប់ ពេលនោះជនបង្ក ក៏បានវាយថែម១ដៃទៀតទៅលើជនរងគ្រោះ ។លោកបន្ថែមថា ក្រោយពីជនបង្កបានវាយទៅលើកូនចៅ ពេលនោះកូនចៅដែលយាមនៅគោលដៅជាមួយជនរងគ្រោះក៏ទៅជួយឃាត់ ស្រាប់តែជនបង្កឃើញដូច្នេះក៏គេចខ្លួនចេញពីកន្លែងកើតទាំង២នាក់ប្តីប្រពន្ធបានទៅនៅសល់តែម៉ូតូជនបង្ក។លោកបន្ថែមទៀតថា ក្រោយមិនបានប៉ុន្មាននាទីផងស្រាប់តែជនបង្កនោះបានជិះឡានទំនើបមកដល់កន្លែងកើតហេតុ ក៏បើកកញ្ចក់ចុះរួចស្រែកជេរប៉ូលិសស្រីនោះថា ហ្ងែងបើមិនសុំទោសអញទេ ប្រយ័ត្នថ្ងៃណាមួយនៅក្រោមឡានអញ ពេលនោះជនបង្កក៏បើកឡានចេញបាត់ទៅ។លោកបញ្ជាក់ថា ក្រោយពីកើតហេតុភ្លាមៗកូនចៅ ក៏បានរាយការមកលោក រួចលោកក៏សុំយោលបល់ទៅថ្នាក់លើដើម្បីឱ្យជនរងគ្រោះដាក់ពាក្យបណ្តឹងទៅតាមផ្លូវច្បាប់។
ហេតុការណ៍នេះ បានកើតឡើង កាលពីវេលាម៉ោង៣និង៤០នាទី រសៀលថ្ងៃទី៤ ខែសីហា ឆ្នាំ២០១៥ ស្ថិតនៅចំនុចមុខរង្វង់មូលគាំពារមាតានិងទារក តាមបណ្តោយផ្លូវមាត់ស្ទឹងខាងលិច ក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ។
ពាក់ព័ន្ធទៅនឹងករណីកូនប្រសារអ្នកធំនិងជាកូន ថៅកែស្ថានីយចិញ្ចឹមក្រពើរ មួយកន្លែងស្ថិតនៅតាមដងផ្លូវទៅភ្នំក្រោម ក្នុងភូមិវត្តស្វាយ សង្កាត់សាលាកំរើក ក្រុងសៀមរាប ដែល បានវាយទៅលើនគបាលចរាចណ៌ស្រី ម្នាក់ កំពុងបំពេញភារកិច្ចក្នុងការអនុវត្តច្បាប់ចរាចរណ៌(ចំនួនពីដៃ) ដែលបង្កឡើងដោយជនបង្ករឈ្មោះ លឹមស្នេហ៍គំនិត ហៅធូ ភេទប្រុសអាយុ ២៦ឆ្នាំរស់នៅភូមិវត្តស្វាយ សង្កាត់សាលាកំរើក។ ចំណែកស្ត្រីរងគ្រោះមានឈ្មោះ ទូច មុំ មុខងារជាមន្ត្រីនគរបាលចរាចណ៍ជើងគោកនៃស្នងការខេត្តបានដាក់ពាក្យបណ្តឹងទៅការិយាល័យព្រហ្មទណ្ឌកំរិត ស្រាល ទាមទាជំងឺចិត្តចំនួន ២០០០ដុល្លា(ពីរពាន់ដុល្លាអាមេរិក)។
តាមប្រភពពីសមត្ថកិច្ចបានប្រាប់កោះសន្តិភាពនៅរសៀលថ្ងៃទី០៧ខែសីហាថា ពាក់ព័ន្ធទៅនឹងករណីនេះ កម្លាំងជំនាញកំពុងរៀបចំសំណុំរឿងបញ្ជូនទៅតុលាការ ដែលត្រូវចោទពីបទមានករណីទៅលើជនបង្កៈទី១/ប្រើអំពើហឹង្សាដោយចេតនាទៅលើមន្ត្រីនគរបាលចរាចរកំពុងបំពេញភារកិច្ច និងទី២/ចោទពីបទគំរាមកំហែងទៅលើ មន្ត្រីនគរបាលចរាចរកំពុងបំពេញភារកិច្ច។
គួរបញ្ជាក់ផងដែរថា ជនបង្កជាកូនថៅកែស្ថានីយចិញ្ចឹមក្រពើនិងជាអ្នកមានយ៉ាងស្តុកស្តម្ភនិងជាកូនប្រសារអ្នកធំនៅក្នុងក្រុងសៀមរាប នោះត្រូវបានមជ្ឈដ្ឋាននានាក្នុងខេត្តសៀមរាបរង់ចាំមើលថា តើស្ថាប័ណ្ណតុលាការមានចំណាត់ការបែបណាទៅលើជនបង្ករនោះដែលជាអ្នកមានលុយនិងមានអំណាចពិសេសជាកូនប្រសារប្រធានពន្ធនាគាខេត្តសៀមរាប៕ដោយ ខេងឧត្តម
