ខេត្តសៀមរាប៖ លោកទាគឹមសុទ្ធនាយខណ្ឌ័រដ្ឋបាលព្រៃឈើខេត្តសៀមរាបត្រូវបានគេសង្ស័យថាអាចនៅពីក្រោយនៃកាដឹកជញ្ជូនឈើល្មើសច្បាប់និងសង្ស័យមានភាគហ៊ុនជាមួយមេឈ្មួញឈើដុះស្លែដ៍ធំពីរូបគឺឈ្មោះ វ៉ានិង ឈ្មោះ ចាន់ ណាទើបគ្មានការបង្ក្រាបហើយថែម
ទាំងបើកដៃអោយពួកគេទាំងពីរូបធ្វើការដឹកជញ្ជូនឈើល្មើសច្បាប់ទាំងយប់ទាំងថ្ងៃដោយសេរីយ៉ាងអនាធិបតេយ្យស្ទើតែកក្រើកខេត្តសៀមរាបអស់រយៈពេលជាច្រើនឆ្នាំកន្លងទៅដោយគ្មានវិធានការបង្ក្រាប។
បើតាមប្រភពច្បាស់ការបានអោយដឹងថា មេឈ្មួញឈើទាំង២រូបខាងលើនេះមានរថយន្តដឹកឈើចំនួន៨គ្រឿងប្រភទកែឆ្នៃដែលក្នុង១គ្រឿងៗអាចផ្ទុកឈើបានពី៨ទៅ១០ម៉ែត្រគូបនិងមានរថយន្តប្រភេទ១បាំងកន្លះជាច្រើនគ្រឿងទៀតព្រមទាំងកាងឈើអោយឈ្មួញនាៗផងដែរ។
ប្រភពដដែលបានបន្តថាឈើល្មើសច្បាប់ដែលឈ្មួញទាំង២រូបធ្វើសកម្មភាពដឹកជញ្ជូនគឺចេញកមពីតំបន់ប៉ែកខាងលើភូមិអូអាកុកជាប់ព្រំប្រទល់ខេត្តសៀមរាបនិងព្រះវិហារដោយឆ្លងកាត់សង្កាត់និងផ្នែករដ្ឋបាលព្រៃឈើជាច្រើនកន្លែង តាមបណ្តោយផ្លូវលេខ៦៧(ហាយវ៉េ)ចូលមកលក់និងចែកចាយតាមដេប៉ូនានាក្នុងក្រុងសៀមរាប និងដេប៉ូផ្ទាល់ខ្លួន២កន្លែងផងដែរ។
មេឈ្មួញជើងខ្លាំងទាំង២រូបនេះបានអួតក្អេងក្អាងថាពួកគេដឹកជញ្ជូនឈើថ្វីត្បិតតែគ្មានច្បាប់ក៍ពិតមែនប៉ុន្តែគេបានរត់ការបង់លុយអោយសមត្ថកិច្ចជុំនាញរាប់មិនអស់ចាប់តាំងពីកន្លែងលើកឈើរហូតដល់កន្លែងលក់។
មេឈ្មួញដដែលបានអះអាងថាគេមិនខ្លាចសមត្ថកិច្ចណាទាំងអស់ព្រោះក្នុង១ជើងៗគេចំណាយលុយរត់ការអស់រាប់ពាន់ដុល្លាពិសេសគេមានខ្នងបង្អែកលោកនាយផ្នែកម៉ុង ប៊ុនលីមជាបងធម៍និងលោកនាយខណ្ឌ័ ទា គឹមសុទ្ធនៅពីក្រោយ។
ពាក់ពន្ធ័ការដឹកជញ្ជូនឈើខាងលើលោក ម៉ុង ប៊ុលីមបានអោយដឹងតាមទូរសព្ទ័យ៉ាងខ្លីថាគេដឹកបានគេមានច្បាប់ហើយបិតទូរសព្ទ័យ៉ាងគ្មានសុជីវធម៌។
ចំណែកលោក ទាគឹម សុទ្ធ នាយខណ្ឌ័រដ្ឋបាលព្រៃឈើសៀមរាបបានអោយដឹងតាមទូរសព្ទ័ថា លោកមិនដែលស្គាល់ឈ្មោះអ្នកទាំង២នោះទេប៉ុន្តែលោកបានបញ្ជារអោយខាងសង្កាត់រដ្ឋបាលព្រៃឈើនិងផ្នែកបន្ទាយស្រីមានចំណាត់ការហើយប៉ុន្តែមិនទាន់បានមួយរយភាគរយទេ
៕ 
ដោយ វេហា
