បន្ទាយមានជ័យ:ឈើគ្រញូងប្រភេទកូនក្រឡឹង ២៩៤ដុំ ស្មើរ១១០១គីឡូក្រាម ដែលលាក់ទុកនៅផ្ទះ ១ កន្លែងស្ថិតនៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ក្រោយពីទទួលបញ្ជារពីព្រះរាជអាជ្ញានៃសាលាដំបូងខេត្ត កម្លាំងចម្រុះរួមមាន ខ័ណ្ឌរដ្ឋបាលព្រៃឈើបន្ទាយមានជ័យ នគរបាលសេដ្ឋកិច្ច ខេត្ត-ក្រសួង និងអាជ្ញាធរមូលដ្ឋាន ចុះឆែកត្រួតពិនិត្យចាប់បញ្ជូន អោយមន្ត្រីជំនាញកាលពីថ្ងៃទី៩ សីហា ២០១៥។
តាមការអោយដឹងពីស្ត្រីម្នាក់ដែលត្រូវជាបងប្អូនម្ចាស់ឈើប្រាប់ថា: ម្ចាស់ឈើមានឈ្មោះ កុយ ចាន់វាស្នា ភេទប្រុស មានមុខរបរជាទាហាន នៅខេត្តឧត្ដមានជ័យ មានមិត្តភ័ក្តពីបីនាក់ទៀត ជាដៃគូរ ធ្លាប់បានចេញចូលផ្ទះនេះ និងរកស៊ីជាមួយគ្នា។ស្ត្រីដដែលបន្តប្រាប់ថា: ឈើទាំង
នេះម្ចាស់ឈ្មោះ កុយ ចាន់វាស្នា ទុកបិតផ្ទះដែលកំពុងសាងសង់នៅក្នុងខេត្ត ។មន្ត្រីរដ្ឋបាលព្រៃឈើប្រាប់ថា: ឈើគ្រញួង ដែលកុំពុងឆែកចាប់នាពេលនេះ ជាប្រភេទឈើកូនក្រឡឹង ដងពូថៅ និងឈើបន្ទះតូចៗ មានចំនួន ២៩៤ដុំ ស្មើរនិង ១១០១ គីឡូក្រាម និងកាំភ្លើងខ្យល់១ដើម ។ក្រោយពីបានរាប់ចំនួនជាក់លាក់ និងថ្លឹងរួចរាល់ សមត្តកិច្ចចម្រុះបានប្រគល់ជូនខ័ណ្ឌរដ្ឋបាលព្រៃឈើបន្ទាយមានជ័យដើម្បីរក្សាទុក៕
