ខេត្តព្រះសីហនុ = លោកប៉ុល សារឿន សមាជិកគណ:អចិន្ត្រៃយ៍គណ:កម្មាធិការកណ្តាល និងជាប្រធានក្រុមការងារគណ:កម្មាធិការកណ្តាលចុះជួយខេត្តព្រះសីហនុ និង លោកអូស្មាន់ ហាស្សាន់ ប្រតិភូអមនាយករដ្ឋមន្ត្រី.ព្រមទាំងអាជ្ញាធរខេត្តនិងមន្ត្រីមកពីអង្គភាពមន្ទីរចំណុះ
ក្នុងខេត្តជាច្រើនរូបផ្សេងទៀតនៅព្រឹកថ្ងៃទី៩សីហាម្សិលមិញនេះបានអញ្ជើញចុះទៅសួរសុខទុក្ខ សំណេះសំណាល និងចែកអំណោយជូនប្រជាពលរដ្ឋខ្មែរឥស្លាមចំនួន៤៩១នាក់នៅសារាវបន្ទាយប្រីយ៌ ភូមិបន្ទាយប្រីយ ឃុំអណ្តូងថ្មរ ស្រុកព្រៃនប់ខេត្តព្រះសីហនុ។
នៅក្នុងពិធីនេះដែលប៉ុល សារឿន បានសំណេះសំណាលជាមួយបងប្អូនខ្មែរឥស្លាមនិងបានថ្លែងកោតសរសើរចំពោះ រាជរដ្ឋាភិបាលកម្ពុជាបានយកចិត្តទុកដាក់ដល់សុខទុក្ខរបស់ប្រជាពលរដ្ឋនៅទូទាំងប្រទេស ដោយមិនប្រកាន់ពូជសាសន៌ ជាពិសេសចំពោះបងប្អូនសាសនិកឥស្លាមដែលមានទំនាក់ទំនងជាមួយគ្នាល្អប្រសើនៅក្នុងសង្គមកម្ពុជាសព្វថ្ងៃនេះ។លោកប៉ុលសារឿនបានមានប្រសាសន៌ទៀតថារាជរដ្ឋាភិបាលកម្ពុជាបានចាត់ទុកបងប្អូនខ្មែរឥស្លាមដែលបានចាប់កំណើតនិងកំពុងរស់នៅក្នុងប្រទេសកម្ពុជាសព្វថ្ងៃនេះជាប្រជាពលរដ្ឋខ្មែរតែមួយដោយមិនប្រកាន់ពូជសាសន៌និងពណ៌សប្បុរអ្វីឡើយ។ ជាមួយគ្នានេះផងដែរលោកលោកអូស្មាន់ហាស្សាន់បានមានប្រសាសន៌ថ្លែងអំណរអរគុណចំពោះប្រមុខរាជរដ្ឋាភិបាលកម្ពុជាជាពិសេស សម្តេចអគ្គមហាសេនាបតីតេជោ ហ៊ុនសែននាយករដ្ឋមន្ត្រីនៃ
ព្រះរាជាណាចក្រកម្ពុជាដែលបាន ផ្តល់សិទ្ធិសេរីភាពគ្រប់បែបយ៉ាង ចំពោះបងប្អូនសាសនិកឥស្លាម ក៏ដូចជាប្រជាពលរដ្ឋទូទៅ គឺជាគោលនយោបាយដ៏ត្រឹមត្រូវ និងយុត្តិធម៌ក្រោមការដឹកនាំដ៏ឈ្លាសវៃបំផុតរបស់សម្តេចតេជោហ៊ុនសែន ។ លោកអូស្មាន់ហាស្សាន់បាននិយាយនៅចំពោះមុខប្រជាពលរដ្ឋខ្មែរឥស្លាមដែលមកចូលរួមស្តាប់មានចំនួនជិត៥០០នាក់ទៀតថាថ្មីៗនេះរាជរដ្ឋាភិបាលសម្រេច បញ្ចូលក្របខណ្ឌ និងផ្តល់ប្រាក់បៀវត្សដល់គ្រូខ្មែរឥស្លាម ក៏ដូចជាការលើកកំពស់វិស័យអប់រំ នៅ កម្ពុជា ដើម្បីបំពេញតម្រូវការចាំបាច់ផ្នែកអប់រំសម្រាប់យុវជន កុមារខ្មែរឥស្លាមដើម្បីអភិវឌ្ឍន៌មានធន់ធានមនុស្សឲ្យកាន់តែប្រសើរឡើមទៀត។
នៅចុងបញ្ចប់នៃពិធីសំណេះសំណាលនេះផងដែលលោកប៉ុលសារឿននិងលោកអូស្មាន់ហាស្សាន់បានអញ្ជើញចែកអំណោយបងប្អូនខ្មែរឥស្លាមដែលអញ្ជើញចូលរួមទាំង៤៩១នាក់ដោយក្នុងម្នាក់ៗទទួលបានសារុង១.អាវយឺត១និងថវិការ ៥០.០០០រៀលផងដែរ ៕
