ខេត្តបន្ទាយមានជ័យ៖ នៅវេលាម៉ោង១០យប់ ថ្ងៃទី៩សីហា ឆ្នាំ២០១៥
កំលាំងអាវុធហត្ថក្រុងប៉ោយប៉ែតចំនួន៥នាក់ដឹកនាំដោយលោកអនុសេនីយ៍ឯក ជា ដា មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានដឹកនាំកំលាំងចុះល្បាតការពារសន្តិ
សុខសណ្ដាប់ធ្នាប់ក្នុងភូមិសាស្ត្រក្រុងពេលចុះទៅដល់ចំណុចមុខវត្តបាលិលេយ្យ ស្ថិតក្នុងភូមិក្បាលស្ពាន២ សង្កាត់និងក្រុងប៉ោយប៉ែត ខេត្តបន្ទាយមានជ័យ។បានឃាត់ខ្លួនជនសង្ស័យបានម្នាក់និងបានដកហូតវត្ថុតាងមានថ្នាំយ៉ាម៉ា២ថង់តូចនៅក្នុងហោប៉ៅ។លោកឧត្តមសេនីយ៍ ត្រីឨបូរិន្ទមេបញ្ជាការកងរាជអាវុធហត្ថខេត្តបានឲ្យដឹងថាជនសង្ស័យមានឈ្មោះងួន រ៉ាវី ភេទ ប្រុស អាយុ២៣ឆ្នាំ មានស្រុកកំណើតនៅភូមិ ជ្រោយស្ដៅ ឃុំ ជ្រោយស្ដៅ ស្រុក ថ្មគោល ខេត្ត បាត់ដំបង។សព្វថ្ងៃរស់នៅភូម បាលិលេយ្យ២សង្កាត់និងក្រុងប៉ោយប៉ែត ខេត្តបន្ទាយមានជ័យ។លោកឨបូរិន្ទបាននិយាយបន្តថាកំលាំងអាវុធហត្ថក្រុងប៉ោយប៉ែតពេលដែលចុះល្បាតនោះឃាត់ខ្លួនជនសង្ស័យបានម្នាក់ឆែកក្នុងហោរប៉ៅបានឃើញគ្រឿងញៀនខេទឹកកកចំនួន២កូនថង់តូចជនសង្ស័យត្រូវបានកំលាំងអាវុធហត្ថក្រុងបញ្ជូនមកអាវុធហត្ថខេត្តដើម្បីធ្វើការសាកសួរ។ ជនសង្ស័យ ងួនរ៉ាវីបានឆ្លើយសារភាពថារូបគេបានទិញគ្រឿងញៀនពីឈ្មោះ ហុង ភេទ ប្រុស អាយុ ប្រហែល២៣ឆ្នាំមានទីលំនៅ ម្ដុំក្រោយវត្តបាលិលេយ្យក្នុងភូមិក្បាលស្ពាន២ សង្កាត់និងក្រុងប៉ោយប៉ែត ខេត្តបន្ទាយមានជ័យ។ ជនសង្ស័យ ងួន រ៉ាវី បានបន្តទៀតថា គ្រឿងញៀនដែលរូបគេទិញចំនួន២កូនថង់មានតម្លៃ១៣ម៉ឺនរៀលដើម្បីយកមកប្រើប្រាស់ជាមួយមិត្តភក្តិ។ជនសង្ស័យនិងវត្ថុតាងសមត្ថកិច្ចកំពុងកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់៕
