សៀមរាប : បន្ទាប់ពីកម្លាំងការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តសៀមរាបបានក៏សាងសុំណុំរឿងនិងបញ្ជូនជនល្មើសឈ្មោះ លឹម ស្នេហ៍ គំនិត ហៅធូ ភេទប្រុសអាយុ ២៦ឆ្នាំរស់នៅភូមិវត្តស្វាយ សង្កាត់សាលាកំរើក ក្រុងសៀមរាប ដែលជាកូនថៅកែ
ស្ថានីយចិញ្ចឹមក្រពើ ទៅសាលាដំបូងខេត្តសៀមរាបដើម្បីចំណាត់ការទៅតាមផ្លូវច្បាប់បន្ទាប់ពីគេ បានប្រើអំពើហឹង្សាទៅលើប៉ូលិសចរាចរណ៍ភេទស្រីម្នាក់ដែលកំពុងតែបំពេញភារះកិច្ចរបស់ខ្លួនកាលពី ថ្ងៃទី០៤ខែសីហាឆ្នាំ២០១៥កន្លងទៅ ។ នៅព្រឹកថ្ងៃច័ន្ទទី១០ខែសីហាឆ្នាំ២០១៥ក្រោមការយកចិត្តទុកដាក់ដ៏ខ្ពង់ខ្ពស់ពីសំណាក់ នាយឩត្តមសេនីយ៍ នេត សាវឿន អគ្គស្នងការនគរបាលជាតិក្រសួងមហាផ្ទៃ ព្រមទាំងលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ផងនោះ ។ បន្ទាប់ពីលោក ស្នងការ ខេត្តសៀមរាប សត ណាឌី បានមានប្រសាសន៍ដាស់តើនក្រើនរំលឹកចំពោះការអនុវត្តនូវតួនាទីភារះកិច្ចស្នូលរបស់ខ្លួនជាកងកម្លាំងប្រដាប់អាវុធដល់មន្ត្រីនគរបាលក្រោមឱវាទរួចមក លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏បានពាំនាំនូវការសាកសួរសុខទុកនិងបាននាំយកថវិកាដ៏សប្បុរសរបស់ នាយឩត្តមសេនីយ៍ នេត សាវឿន អគ្គស្នងការនគរបាលជាតិក្រសួងមហាផ្ទៃចំនួន ៥០០ ដុល្លា និង ថវិកា ផ្ទាល់លោកស្នងការខេត្តចំនួន ៥០០ ដុល្លាថែមទៀត សរុប ១ ពាន់ដុល្លា ប្រគល់ជូនដល់កញ្ញា ទូច មុំ ដែលជាជនរងគ្រោះ ទុកដើម្បីយកទៅប្រើប្រាស់ ក្នុងការព្យាបាលជម្ងឺ ផងដែរ ៕
លោក ខេង ខេមរា
