ខេត្តបន្ទាយមានជ័យ៖ នៅព្រឹកថ្ងៃទី៨ខែសីហាឆ្នាំ២០១៥លោកឧត្តមសេនីត្រីឨបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបានដឹកនាំកម្លាំងកងរាជអាវុធហត្ថមួយក្រុមចុះសួរសុខនិងបាននាំយកអំណោយទៅឲ្យក្រុមគ្រួសារមេឃុំស្រះរាំងដែលជួបការលំបាក
ព្រោះប្រពន្ធរបស់លោកកំពុងមានជម្ងឺរ៉ាំរ៉ៃដេកនៅលើកន្ទេលដើរមិនរួចនៅភូមិ ស្រះរាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ។លោកឱបូរិន្ទមេបញ្ជាការកងរាជអាវុធហត្ថខេតបន្ទាយមានជ័យបាននិយាយប្រាប់ថាកម្លាំងកងរាជអាវុធហត្ថខេត្តនិងក្រុមការងារថ្នាក់ខេត្តចុះជួយឃុំស្រះរាំងដោយមើលឃើញអំពីការលំបាករបស់មេឃុំស្រះរាំងធ្វើការបំរើរាស្ត្រផងនិងមកដល់ផ្ទះខិតខំព្យាបាល ជម្ងឺជួនប្រពន្ធជាទីស្រឡាញ់ដែលកំពុងមានជម្ងឺរាំរ៉ៃដេកនៅលើកន្ទេលងើបមិនរួច។លោករិន្ទបានបន្តទៀតថាក្នុងនាមលោកជាប្រធានក្រុមការងារចុះជួយឃុំស្រះរាំងនិងក្រុមការងារមួយក្រុមបាននាំយកអំណោយនិងផ្តល់ថវិកា១.០០០.០០០រៀលជូនដល់ក្រុមគ្រួសារលោកមេឃុំផ្ទាល់ដៃដើម្បីឲ្យយកទៅព្យាបាលប្រន្ធដែលកំពុងមានជម្ងឺរាំរ៉ៃសម្រាកនៅនិងកន្ទេលដើរមិនរួច។លោកមេឃុំនិងក្រុមគ្រួសារដែលកំពុងមានទុក្ខធំប៉ុនភ្នំនោះក្រោយពីបានទទួលអំណោយលុយ១លានរៀលពីលោកឧត្តមសេនីយ៍ ត្រីឨបូរិន្ទនេះលោកនិងក្រុមគ្រួសារបានលើកម្រាមដៃ១០សូមបួងសួងដល់វត្ថុសាកសិទ្ធក្នុងលោកសូមឲ្យជួយបីបាត់ថែរក្សាដល់ក្រុមគ្រួសារឯកឧត្តមនិងមន្ត្រីក្រោមឨវ៉ាទទាំងអស់ឲ្យជួននិងតែសេចក្តីសុខកំឲ្យមានទុកបៀតបៀនបានឡើយ។លោកឨបូរិន្ទ ជាមនុស្សម្នាក់ដែលប្រជាពលរដ្ឋនៅក្នុងឃុំស្រះរាំងគោរពនិងស្រឡាញ់ជាពន់ពេកព្រោះរយះពេលកន្លងមកលោកតែងតែជួយដល់ប្រជាពលរដ្ឋក្នុងឃុំដូចជាជួយសង់ផ្ទះដល់គ្រួសារគ្មានទីពឹងជាច្រើនគ្រួសារកន្លងមក ជួយស្តាប្រឡាយឲ្យប្រជាកសិករបានទឹកធ្វើស្រែប្រាំងនិងវស្សា និងបានយកអំណោយទៅចែកជូនដល់ក្រុមគ្រួសាររងគ្រោះដោយខ្យល់កន្ត្រាក់ជាដើម៕
