ស្ទឹងត្រែង៖ នៅខែដើមខែសីហានេះ ក្រោយពីមានភ្លៀងធ្លាក់ ជាបន្តបន្ទាប់អភិបាលខេត្តស្ទឹងត្រែងបានដាស់តឿនឲ្យអាជ្ញាធរនិងប្រជាពលរដ្ឋត្រៀមបង្ការគ្រប់សកម្មភាពចំពោះគ្រោះបហន្តរាយទឹកជំនន់ថែរក្សារកូនចៅ ទ្រព្យសម្បត្តិ សត្វពាហនៈ កំលាំងអូសទាញចៀសវាងកុំ
ឲ្យបាត់បង់ដោយខ្វះការប្រុងប្រយ័ត្ន។
លោកកុលសំអុលអភិបាលខេត្តស្ទឹងត្រែងបានក្រើនរំលឹកដល់អាជ្ញាធរ និងបងប្អូនប្រជាពលរដ្ឋដែលរស់នៅតាមជួរដងទន្លេមេគង្គ ពេលមានទឹកជំនន់ត្រូវត្រៀមលក្ឋណៈ រួមមានទូកក្តាស្បៀងទីទួលសុវត្ថិភាព បង្ការទៅនិងគ្រោះមហន្តរាយការពា ជីវិតមនុស្សសត្វហើយអាជ្ញាធរ មានកងកំលាំងប្រដាប់អាវុធទាំងបី សហការជាមួយគណៈកម្មាធិការ គ្រោះមហន្តរាយខេត្តឲ្យមានសម្ភារៈសង្គ្រោះគ្រប់គ្រាន់ដើម្បីបំរើឲ្យការងារសង្គ្រោះ។
លោកអភិបាលខេត្តបន្ថែមទៀតថាៈករណីទាំងនេះបងប្អូនមិនត្រូវ ធ្វេសប្រហែសទេគឺត្រៀមបំរុងឲ្យបានសព្វបែបយ៉ាងដើម្បីទប់ទល់ ជាមួយសភាពការទឹកជំនន់ ហើយឆ្នាំនេះគឺនាំគ្នាបញ្ជៀស ឲ្យបាននូវគ្រោះមហន្តរាយ កុំឲ្យមានចំណុចមួយទៀត ការបង្ការគ្រោះបហន្តរាយ យើងដឹងទាំងអស់គ្នាហើយ ខេត្តយើងស្រុកយើងងាយរងគ្រោះដោយសារទឹកជំនន់ អញ្ចឹងទេត្រូវត្រៀមលក្ខណៈសម្បត្តិជាស្រេច មានទីទួលសុវត្តិភាពសំរាប់មនុស្សផងសំរាប់សត្វផង ត្រៀមបង្កាទូកក្តាកូនចៅតូចតាច កុំឲ្យលេងទឹកកុំឲ្យទៅឆ្ងាយ ពីខ្លួនហើយត្រូវខិតខំប្រមែរប្រមូលត្រៀមបំរុង ដើម្បីការពាររាល់គ្រប់យថាហេតុ ដែលអាចហ្នឹងកើតឡើង នៅក្នុងរដូវទឹកជំនន់ក្នុងពេលខាងមុខនេះ ប្រៀបធៀបហ្នឹងឆ្នាំទៅមិញ ខែ៧នេះទឹកមានរហូតដល់ទៅ១០.៧០ហើយ ប៉ុន្តែឆ្នាំនេះទើបហ្នឹងបាន៩ម៉ែត្រជាងទេថ្ងៃនេះ មានន័យថាយឺតជាងប៉ុន្តែមិនទាន់សន្និដ្ឋានថា ទឹកហ្នឹងតូចឬធំហើយមិនទាន់គិតថាលិចឬមិនលិចទេអញ្ចឹងត្រូវតែត្រៀម។
លោកប៊ុនម៉នប្រជាពលរដ្ឋរស់នៅភូមិអូរច្រឡង់ ឃុំអូរឬស្សីកណ្តាលស្រុកសៀមបូក បានទទួលស្គាល់ថា៖ពេលមានទឹកជំនន់ធំម្តងៗប្រជាពលរដ្ឋតែងព្រួយបារម្ភណ៏ខ្លះ ក៏ជួបគ្រោះថ្នាក់និងស្លាប់បាត់បង់ជីវិត ដោយសារការធ្វេសប្រហេស ដូចជាប្រវឹងស្រាទៅបើកទូក ធ្វើដំណើរពេលមេឃងងឹត និងខ្វះឧបករណ៏ការពារជាដើម។
លោកបញ្ជាក់ថា៖ការលើកកំពស់ការប្រុងប្រយ័ត្នវាពិតជាចៀសវាងបានពីគ្រោះមហន្តរាយហើយ ពេលនេះបានលោកអភិបាលខេត្តដាស់តឿនទៀតនេះ ក៏កាន់តែពង្រឹងបាននូវសុវត្ថិភាពការពារមិនឲ្យគ្រោះថ្នាក់ ប្រយ័ត្នសុវត្ថិភាព ដូចយើងបើកបរលើគោកឬក្នុងទឹកទី១ខ្យល់ព្យុះ ទី២មកខ្លាចទឹកលិចលង់គ្មានសុវត្តិភាព ដូចជាពាក់អាវពោងអាវអី ហើយហ្នឹងកាន់៣០លីត អីនឹង ដាក់តាមទូករហូតសំរាប់ការពារខ្ឡួនឯងអាវសុវត្ថិភាពពណ៌ក្រហម ការពារបានអញ្ចឹងសុវត្ថិភាពខ្ពស់កូនចៅអីហ្នឹងអត់ឲ្យវាទៅទេ ព្រោះវាឆ្លងទឹកឆ្លងអីទៅធ្វើនេសាទអី អត់ឲ្យទៅទេខ្លាចទៅទៅតែម្នាក់ឯងនិងធំៗបណ្តោយ។
សូមបញ្ជាក់ថា៖ទឹកជំនន់មេគង្គឆ្នាំ២០១៥គិតមកដល់ថ្ងៃទី៧សីហានេះ ទឹកមានកំពស់តែ៧.ម៉ែត្រ៩៣ បើប្រៀបធៀបទៅហ្នឹងឆ្នាំ២០១៤ ក្នុងរយៈពេលដូចគ្នាទឹកមានកំពស់១០.ម៉ែត្រ០០ ហើយបច្ចុប្បន្ននេះមន្ទីរធនធានទឹកទទួលបានស្ថានីជលសាស្ត្រថ្មី ដែលមានបំពាក់ឧបរណ៏ទំនើបសំរាប់ផ្តល់ទិន្ន័យ កំពស់ទឺក ធាទឹកក្នុង១៥នាទីម្តងផ្តល់ជូនប្រជាពលរដ្ឋជារៀងរាល់ថ្ងៃដើម្បីឲ្យលើកពស់ការប្រុងប្រយ័ត្នចំពោះទឹកជំនន់ទន្លេមេគង្គ៕
