បន្ទាយមានជ័យ៖ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាល លោក លី សារី អនុប្រធានក្រុមការងារចុះជួយស្រុកអូរជ្រៅ ត្រូវបានប្រកាសកែសម្រួលតួនាទីជាប្រធានក្រុមការងារថ្នាក់ខេត្តចុះ
មូលដ្ឋានក្រុងសិរីសោភ័ណ នៃខេត្តបន្ទាយជ័យ កាលពីព្រឹកថ្ងៃទី ១៣ សីហា២០១៥ នៅសាលប្រជុំគណ:បក្សខេត្ត។
ឯកឧត្ដម គោស៊ុំ សារឿត ជាអនុប្រធានគណក្មធិការបក្សខេត្តបន្ទាយមានជ័យ ឯកឧត្ដម អន ស៊ុំ សមាជិកគណកម្មការកណ្ដាល និជាសមាជិព្រឹទ្ធសភាមណ្ឌលភូមិភាគ៥ និងសមាជិកបក្សក្រុងសិរីសោភ័ណជាច្រើនរូបទៀត។
លោក នង វុទ្ធី គណ:ចាត់តាំងបក្សខេត្តនិយាយថា: ក្នុងសេចក្ដីសម្រេចពីការបំពេញបន្ថែមនិងកែសម្រួលក្រុមការងារថ្នាក់ខេត្តចុះជួយក្រុងសិរីសោភ័ណ លេខ២៨០ សសរ.ខបជ ចុះថ្ងៃទី ៤សីហា២០១៥ ត្រូវបានប្រគល់ភារកិច្ច លោក លី សារី ជាប្រធានក្រុមការងារថ្នាក់ខេត្តចុះមូលដ្ឋានក្រុងសិរីសោភ័ណ នៃខេត្តបន្ទាយជ័យ។
ឯកឧត្ដម គោស៊ុំ សារឿត ជាអនុប្រធានគណក្មធិការបក្សខេត្តបន្ទាយមានជ័យមានប្រសាសន៍: ក្រុមការងារមានភារកិច្ចសំខាន់ៗ ដូចជាត្រូវពិនិត្យនិងតាមដានរាល់សកម្មភាពនានានៅតាមមូលដ្ឋាន លើកកំពស់គណនេយ្យភាពរបស់ក្រសួងស្ថាប័ន អាជ្ញាធររដ្ឋបាលថ្នាក់ក្រោមជាតិ ក្នុងការផ្តល់សេវាសាធារណៈនិងការអភិវឌ្ឈនៅតាមមូលដ្ឋានឲ្យមានប្រសិទ្ធភាព។ត្រូវសហការរៀបចំវេទិការសាធារណៈនៅតាមមូលដ្ឋានដើម្បីស្តាប់រាល់សំនូមពរនិងសំណើររបស់ប្រជាពលរដ្ឋព្រមទាំងយកចិតកតទុកដាក់ដោះស្រាយនូវរាល់សំនូមពរនិងសំណើរទាំងនេះដោយផ្អែកលើច្បាប់និងលិខិតបទដ្ឋានគតិយុត្តនានា។
ឯកឧត្ដម គោស៊ុំ សារឿតបានបញ្ជាក់ទៀតថាក្រោយភារកិច្ចថ្មីនេះ កៀរគរធនធានពីប្រភពនានាដើម្បីចូលរួមក្នុងការដោះស្រាយជីវភាពប្រជាពលរដ្ឋក៏ដូចជាការអភិវឌ្ឈន៍នៅតាមមូលដ្ឋាន៕
