សៀមរាប៖ អាជ្ញាធរជាតិអប្សរា គ្រោងរៀបចំអនុវត្តសាកល្បងតម្រង់ជួរភ្ញៀវ ក្នុងការចូលទស្សនាប្រា សាទតាព្រហ្ម នៅថ្ងៃទី២៤ខែសីហាខាងមុខនេះ ដើម្បីបញ្ជៀសការកកស្ទះ។
ដោយសាតែកំណើនភ្ញៀវទេសចរណ៏ មានការកើនឡើង ហើយច្រកចូលប្រាសាទតាព្រហ្ម
ផ្នែកខាងកើតកំពែងទី៣ ឆ្ពោះទៅកាន់ផ្នែកកណ្តាលនៃប្រាសាទ មានភាពតូចចង្អៀត(សណ្ឋានជាកដប)និងមានភាពកកស្ទះ អាជ្ញាធរជាតិអប្សរាត្រៀមរៀបចំអនុវត្តសាកល្បង ដោយបានចេញជាសេចក្តីជូនដំណឹងដល់សាធារណៈជន។
លិខិតជូនដំណឹងស្តីពីការចូលរួមអនុវត្តវង់ទស្សនាចរ សម្រាប់ប្រាសាទតាព្រហ្មលេខ ៥៥៤/រប.សជណ ចុះថ្ងៃទី៧ខែសីហាឆ្នាំ២០១៥ ចុះហត្ថលេខាដោយលោកប៊ុន ណារិទ្ធ អគ្គនាយកអាជ្ញាធរជាតិអប្សរា បានបញ្ជាក់ថា អាជ្ញាធរជាតិអប្សរាមានកិត្តយសជម្រាបជូនដល់។ មន្ទីរទេសចរណ៏ សមាគមន៏ទីភ្នាក់ងារទេសចរណ៏ សមាគមន៏មគ្គុទេសក៏ទេសចរណ៏ ក្រុមហ៊ុនទេសចរណ៏ មគ្គុទេសក៏ទេសចរណ៏ និងប្រតិបត្តិករក្នុងវិស័យទេសចរណ៏ទាំងអស់ឲ្យបានជ្រាប។ ចាប់តាំងពីការបើកឲ្យដំណើរការ វង់ទស្សនាចរសាកល្បងប្រាសាទតាព្រហ្ម អស់រយៈពេល៥ខែមកនេះជាលទ្ធផលឃើញថាមានដំណើរការរលូនល្អ។ ព្រោះការទស្សនារបស់ភ្ញៀវមានសណ្តាប់ធ្នាប់របៀបរៀបរយ និងបានជួយសម្រួលបញ្ជៀសការកកស្ទះបានមួយចំនួនធំ នៅផ្នែកកណ្តាលប្រាសាទតាព្រហ្ម ក៏ដូចជាជៀសវាងផលប៉ះពាល់ប្រាសាទនិងរក្សាសុវត្ថិភាពជូនភ្ញៀវផងដែរ។
លិខិតជូនដំណឹងបញ្ជាក់ទៀតថា កន្លងមកអាជ្ញាធរជាតិអប្សរា បានសហការជាមួយគម្រោងឥណ្ឌា ASI ដើម្បីពង្រីកទំហំកម្រាលឈើនៅត្រង់ដើមស្ពង់ ក្នុងកំពែងទី៣ភាគខាងកើត ប៉ុន្តែយើងសង្កេតឃើញមានការកកស្ទះត្រង់ចំណុចច្រកចូលខាងកើត កំពែងទី៣ឆ្ពោះទៅកាន់ផ្នែកកណ្តាលនៃប្រាសាទ ខណៈពេលដែលមានភ្ញៀវច្រើន ព្រោះច្រកចូលនោះមានភាពតូចចង្អៀត(សណ្ឋានជាកដប)។ ក្នុងបំណងសម្រួលដល់ការកកស្ទះនេះ អាជ្ញាធរជាតិអប្សរាត្រៀមអនុវត្តសាកល្បង ការតម្រង់ជួរភ្ញៀវ ក្នុងករណីភ្ញៀវច្រើន សម្រាប់ការចូលទស្សនាផ្នែកកណ្តាលប្រាសាទតាព្រហ្ម ដសើម្បីរក្សាបាននូវ
១ការអភិរក្សប្រាសាទតាមរយៈ ការគ្រប់គ្រងលំហូរភ្ញៀវឲ្យបានប្រសើ។ ២ ផ្តល់បទពិសោធន៏ល្អនិងសុវត្ថិភាពដល់ការទស្សនារបស់ភ្ញៀវ។៣បង្ហាញពីគុណភាពនៃការគ្រប់គ្រងរមណីយដ្ឋានបេតិកភណ្ឌពិភពលោក។
ការរៀបចំសាកល្បង ការតម្រង់ជួរភ្ញៀវ នឹងចាប់ផ្តើមពីថ្ងៃទី២៤ខែសីហាឆ្នាំ២០១៥តទៅ។ សូមលោកលោកស្រីប្រតិបត្តិករក្នុងវិស័យទេសចរណ៏ ស្ថាបន័ពាក់ពន្ធ័ ពិសេសសមាគមន៏ទេសចរណ៏ មេត្តជ្រាបនិងចូលរួមសហការ៕
ដោយ ខេង ឧត្តម
