ខេត្តព្រះសីហនុ៖លោក នេន ម៉ាល័យ ប្រធានមន្ទីរអភិវឌ្ឍន៌ជនបទ មានប្រសាសនថា មន្ទីរបានអនុវត្តគម្រោងជួសជុលផ្លូវចំនួន ០៣ ដែលត្រូវធ្វើ ទី១ ជួសជុលផ្លូវបន្ទាន់ ០១ខ្សែ មានប្រវែង ២.២០០ម៉ែត្រ នៅស្រុកព្រៃនប់ ។ ទី២ គម្រោងថែទាំខួបផ្លូវ ០៤ខ្សែ នៅស្រុកព្រនប់
និងស្រុកកំពង់សិលា ខ្សែទី១ ផ្លូវក្នុងភូមិព្រៃប្រសិទ្ធមួយខ្សែប្រវែង ២.៥០០ម៉ែត្រ ខ្សែទី២ ផ្លូវស្ទឹងឆាយ ខាងជើងមានប្រវែង ៥.៨០០ម៉ែត្រ ខ្សែទី៣ ផ្លូវបឹងតាព្រហ្ម ប្រវែង ៣.៥២០ម៉ែត្រ និងខ្សែទី៤ នៅ ឃុំអូជ្រៅ បឹងតាព្រហ្ម ប្រវែង ២.២៣០ម៉ែត្រ ។ និងទី៣ គម្រោងថែទាំជាប្រចាំផ្លូវចំនួន ០៣ខ្សែ ក្នុង ស្រុកព្រៃនប់ និងស្រុកកំពង់សិលា ក្នុងនោះផ្លូវសំរោងព្រៃប្រសិទ្ធ ៦.៦០០ម៉ែត្រ ផ្លូវភូមិព្រៃប្រសិទ្ធប្រវែង ២.៥០០ម៉ែត្រ និងផ្លូវភូមិទួល និងភូមិកំពង់ស្មាច់តួកប្រវែង ៣.៥០០ម៉ែត្រ ។ ក្រៅពីការងារថែទាំជួសជុលផ្លូវ មន្ទីរបានជីកអណ្តូងស្នប់ប្រភេទ AFRIDEV ចំនួន ០៥អណ្តូង ហើយក្នុងអណ្តូងនិមួយត្រូវចំណាយថវិកាប្រមាណជាង ២.០០០ដុល្លាអាមេរិក ព្រោះអណ្តូងស្នប់ គឺយើងធ្វើទៅតាមស្តង់ដាររបស់ក្រសួងអភិវឌ្ឍន៌ជនបទ ព្រមទាំងបានជួសជុលអណ្តូងស្នប់ជូនប្រជាពលរដ្ឋបាន ចំនួន ២០អណ្តូង នៅទូទាំងខេត្តព្រះសីហនុ ភាគច្រើននៅក្នុងស្រុកកំពង់សិលា និងស្រុកព្រៃនប់ ។
លោក នេន ម៉ាល័យ បានឪ្យដឹងបន្តថា នៅក្នុងឆ្នាំ២០១៤កន្លងមក មន្ទីរអភិវឌ្ឍន៌ជនបទ បានបំពេញការងារមានដូចជា ការងារបញ្ចាប់សុពលភាពផ្លូវថែទាំខួប ដោយកែសម្រួលផ្លូវថែទាំជាលក្ខណខួបគម្រោងឆ្នាំ២០១៣ ប្រវែង ១២.៦០០ម៉ែត្រ នៅឃុំសាមគ្គី ស្រុកព្រៃនប់ ។ ការងារថែទាំផ្លូវជាប្រចាំចំនួន ០៣ខ្សែ ក្នុងនោះខ្សែទី១ប្រវែង ៨.០០០ម៉ែត្រ ក្នុងឃុំអូរឧញ៉ាហេង ឃុំបឹងតាព្រហ្ម ឃុំអូជ្រៅស្រុកព្រៃនប់ ខ្សែទី២ ប្រវែង ៤.៥០០ម៉ែត្រ ក្នុងឃុំចម្កការហ្លួង ស្រុកកំពង់សិលា ខ្សែទី៣ ប្រវែង ៣.៧០០ម៉ែត្រ ក្នុងឃុំឆាយ ស្រុកកំពង់សិលា ។ និងគម្រោងថែទាំផ្លូវជាលក្ខណះខួប ចំនួន ០២ខ្សែ ក្នុងនោះខ្សែទី១ ប្រវែង ៦.២០០ម៉ែត្រ និងលូ០១កន្លែង ភូមិព្រៃប្រសិទ្ធ និងភូមិស្ទឹងសំរោង ឃុំអូបាក់រទេះ ស្រុកកំពង់សិលា ខ្សែទី២ ប្រវែង ៣.៥០០ម៉ែត្រ ស្ថិតភូមិទួលកំពង់ស្មាច់តូច ឃុំទឹកល្អក់ ស្រុកព្រៃនប់ ។ គម្រោងការងារជួសជុលផ្លូវបន្ទាន់ ០២ខ្សែ ក្នុងនោះខ្សែទី១ ប្រវែង ១.៧៥០ម៉ែត្រ និងសាងសង់លូកាត់ផ្លូវ០១កន្លែង មានមុខកាត់០.៨០ម៉ែត្រ ស្ថិតក្នុងភូមិតាស្រី ឃុំបឹងតាព្រហ្ម ស្រុកព្រៃនប់ ខ្សែទី២ ប្រវែង ១.៣៧០ម៉ែត្រ និងសាងសង់លូកាត់ផ្លូវ ០២កន្លែង មុខកាត់០.៨០ម៉ែត្រ និងជីកប្រឡាយប្រវែង ៧៥០ម៉ែត្រ ស្ថិតក្នុងភូមិបឹងវែងឃុំវាលរេញស្រុកព្រៃនប់ ។
លោកប្រធានមន្ទីរបានបញ្ជាក់ថា ក្នុងឆ្នាំ២០១៤ ការជួសជុលថែទាំផ្លូវជនបទដោយថវិកាមន្ទីរ ផ្លូវក្រាលក្រួសក្រហម ០២ខ្សែ គឺខ្សែទី១ ប្រវែង ១.៣៩៦ម៉ែត្រ ស្ថិតក្នុងភូមិស្រែក្នុង ឃុំអូជ្រៅ ស្រុកព្រៃនប់ ខ្សែទី២ ប្រវែង ១.៣០៥ម៉ែត្រ ស្ថិតក្នុងភូមិបន្តាយប្រិយ៌ ឃុំអណ្តូងថ្ម ស្រុកព្រៃនប់ ។ និងជួសជុលអណ្តូងស្នប់បានចំនួន៥០ សាងសង់អណ្តូងស្នប់អាហ្វ្រីដេវចំនួន០២អណ្តូង នៅឃុំកំពង់សិលា ស្រុកកំពង់សិលា និងធ្វើការសាងសង់អណ្តូងលូបានចំនួន ១៩ក្នុងស្រុកព្រៃនប់ និងស្រុកកំពង់សិលា ។
លោក នេន ម៉ាល័យ បញ្ជាក់ថា មន្ទីរអភិវឌ្ឍន៌ជនបទ មានភារកិច្ចធ្វើការងារជាមួយប្រជាពលរដ្ឋនៅជនបទលើគម្រោងចំនួន០៣ មានដូចជា ផ្លូវលំ ទឹកស្អាត និងបង្គន់អនាម័យ ។ ការអនុវត្តគម្រោងជាច្រើននៅស្រុកចំនួន០២ គឺស្រុកកំពង់សិលា និងស្រុកព្រៃនប់ ៕
