សៀមរាប៖ នារីក្រមុំចាស់ម្នាក់ត្រូវបានអ្នកភូមិក្បែរគ្នា ប្រទះឃើញចងកដោយខ្សែនីឡុងសម្លាប់ខ្លួនឯងនិង ធ្នឹមផ្ទះ ដោយសាខូចចិត្តមានជំងឺប្រចាំកាយ។
ហេតុការណ៍នេះបានបង្កការភ្ញាក់ផ្អើលនៅវេលាម៉ោង ១០ព្រឹកថ្ងៃទី១៥ខែសីហា ឆ្នាំ២០១៥
ក្នុងភូមិកំពង់ថ្កូវ១ ឃុំកំពង់ថ្កូវ ស្រុកក្រឡាញ់ ខេត្តសៀមរាប។
អ្នកភូមិនៅកន្លែងកើតហេតុបាននិយាយថា សពជនរងគ្រោះមុនពេលសម្រេចធ្វើឃាតខ្លួនឯងគឺមិនមានប្តីទេ(ក្រមុំចាស់)។ លុះពេលមានជំងឺប្រចាំកាយ គាត់ក៏បានសម្រេចចិត្តចងកសម្លាប់ខ្លួនតែ ម្តង។
លោកវរៈសេនីយ៍ទោ ចាន់ សារ៉េន អធិការនគរបាលស្រុកក្រឡាញ់ បានមឲ្យដឹងថា ស្ត្រីជាជនរងគ្រោះមានឈ្មោះលឿន បុប្ផា ៥២ឆ្នាំមានមុខរបរជាអ្នលក់ដូរនៅផ្សារកំពង់ថ្កូវ ហើយគាត់នៅលីវទេ។ ជនរងគ្រោះទំនងជាតូចចិត្តមានជំងឺប្រចាំកាយ ម្យ៉ាងទៀតមិនមានកូនចៅនៅមើលថែ ទើបបានសម្រេចចិត្តបែបនេះ។លោកបន្តថា ឆ្លងតាមការធ្វើកោសល្យវិច្ច័យសាកសព ពីសំណាក់សមត្ថកិច្ចជំនាញ ជនរងគ្រោះបានចងក ដោយខ្លួនឯង គឺពុំមែនជាករណីអំពើឃាតកម្មអ្វីនោះទេ។បច្ចុប្បន្នសមត្ថកិច្ចបានប្រគល់សពទៅឲ្យក្រុមសាចញាតិចាត់ចែងធ្វើបុណ្យតាមប្រពៃណី៕ដោយ ខេង ឧត្តម
