ខេត្តបន្ទាយមានជ័យ នៅព្រឹកថ្ងៃទី១៦ខែសីហាឆ្នាំ២០១៥ លោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យបានដឹកនាំក្រុមការងារចុះទៅដោះស្រាយបញ្ចប់វិវាទដីធ្លីរវាងនគរបាល និងប្រជាពលរដ្ឋដែលអូសបន្លាយជាង១០ឆ្នាំមកហើយ ស្ថិតនៅ ភូមិក្បាលស្ពាន សង្កាត់ម្កាក់ ក្រុងសិរីសោភ័ណខេត្តបន្ទាយមានជ័យ ។ចំពោះដំណោះស្រាយខាងលើនេះលោកអាត់ខែមបានសម្រេចកាត់ដីនិងប្រគល់ដីដែលមានទំហំ៥ គុណ១០០ម៉ែត្រជូនដល់ប្រជាពលរដ្ឋសម្រាប់ធ្វើផ្លូវសាធារណ: ក្រោមការជួយឧបត្ថម្ភពីសំណាក់លោកឧបនាយករដ្ឋមន្ត្រីកែគឹមយ៉ានប្រធានក្រុមការងារថ្នាក់ជាតិចុះជួយខេ្តបន្ទាយមានជ័យងាយស្រួលធ្វើដំណើររបស់ប្រជាពលរដ្ឋនៅតំបន់នោះ ។
លោកអាត់ខែមបាននិយាយថាជម្លោះដីធ្លីខាងលើបានកើតឡើងតាំងពីឆ្នាំ២០០៤មកម្លេះដោះស្រាយមិនចេះចប់សោះទើបតែនៅពេលនេះដោយមានការណែនាំពីលោកកែគឹមយ៉ានលោកនិងក្រុមការងារចុះទៅដោះស្រាយបញ្ចប់ក្រោមគោលនយោបាយឈ្នះឈ្នះរបស់រាជរដ្ឋាភិបាលហើយជាលទ្ធផលប្រជាពលរដ្ឋមានការសប្បាយចិត្តយ៉ាងខ្លាំនិងចូលរួមជាមួយថ្នាក់ដឹកនាំលើការធ្វើផ្លូវនៅតំបន់នោះយ៉ាងយកចិត្តទុកដាក់ទៀតផង។លោក អាត់ ខែម និងថ្នាក់ដឹកនាំបានផ្តាំផ្ញើ ពីការសួរសុខទុក្ខ ពីសំណាក់លោកឧបនាយករដ្ឋមន្ត្រី កែ គឹមយ៉ាន
អភិបាលខេត្តដែលអស់លោកបានយកចិត្តនិងគិតគូ ចំពោះការរស់នៅប្រចាំថ្ងៃរបស់ប្រជាពលរដ្ឋគ្រប់ទីកន្លែង ។ក្រោយបញ្ចប់សំណេះសំណេះ ថ្នាក់ដឹកនាំនិងក្រុមការងារ បាននាំយកអំណោយ របស់លោក កែ គឹមយ៉ាន ជាសារុង ទៅចែកជូន ដល់ប្រជាពលរដ្ឋ នៅទីនោះផងដែរ និងជំរុញ អោយខិតខំបង្កបង្កើនផល និងរកសីុ ចិញ្ចឹមគ្រួសារ ខណ:ដែប្រទេសជាតិ មានសន្តិភាព និងរីកចំរើន ជាបន្តបន្ទាប់មកនោះ៕
