ខេត្តបន្ទាយមានជ័យ ថ្មីៗនេះរដ្ឋាភិបាលបានទម្លាក់លុយប្រមាណ៣០លានដុល្លារ សម្រាប់កែលំអផ្លូវដែកដ៏ចាស់ទ្រុឌទ្រោមមួយខ្សែពីភ្នំពេញទៅបន្ទាយមានជ័យដល់ក្រុងប៉ោយប៉ែត ធ្វើយ៉ាងណាជួសជុលពង្រឹងឲ្យរថភ្លើងបានធ្វើចរាចណ៍សិនបើទោះបីរត់យឺតៗក៏ដោយចុះ។នេះបើតាមលោកលីបូរិនអ្នកនាំពាក្យក្រសួងសាធារណការនិងដឹកជញ្ជូនបានប្រាប់ឲ្យដឹងកាលទី១៦ខែសីហាឆ្នាំ២០១៥ថារដ្ឋាភិបាលបានផ្ដល់លុយ៣០លានដុល្លាសម្រាប់ពង្រឹងផ្លូវរទេះភ្លើងនេះធ្វើយ៉ាងណាឲ្យរទេះភ្លើងរត់បានសិនពីព្រោះកំណាត់ផ្លូវដែកមួយនេះទាមទារធ្វើឡើងវិញជំរុញ
ការដឹកកសិផលដែលចេះតែកើនឡើងនៅតំបន់ខេត្ដសំខាន់ៗ ក្នុងភូមិភាគពាយព្យរហូតជាប់ព្រំដែនថៃ។លុយនេះត្រូវបានយកចិត្ដទុកដាក់ជួសជុលកែលម្អគ្រប់ស្ពានផ្លូវដែកដែលមាន១៦៨ស្ពានដែលធ្លាប់រងត្រូវគ្រាប់ មុីននាសម័យសង្គ្រាម ។ ការកែលម្អផ្លូវ ដែកនេះគេគ្រោងឲ្យចប់អាចឲ្យរថភ្លើង
បើកបរបាននៅឆ្នាំ២០១៧ ។ ថៃកំពុង តភ្ជាប់ផ្លូវដែកគេឲ្យជាប់ជាមួយផ្លូវដែកកម្ពុជាសម្រេចឲ្យចប់នៅឆ្នាំ២០១៦ បច្ចុប្បន្ននេះក្នុងកញ្ចប់លុយ៣០លានដុល្លារនេះត្រូវបានយកមកប្រើ ប្រាស់ជួសជុលកែលម្អផ្លូវដែកនេះបាន ជាបណ្ដើរៗហើយ៕
