សៀមរាប៖មន្ត្រីនគរបាលប្រឆាំងបទល្មើសសេដ្ឋកិច្ចនៃស្នងការ ខេត្តសៀមរាបបានឲ្យដឹងថាកម្លាំងប៉ូលិសការិយាល័យប្រឆាំងបទល្មើសសេដ្ឋកិច្ចខេត្តបានឃាត់រថយន្តទូរិស១គ្រឿងបន្ទាប់មានការសង្ស័យដឹកទំនិញគេចពន្ទ។ នាយការិយាល័យប្រឆាំងបទល្មើសសេដ្ឋកិច្ចនៃស្នងការនគរបាលខេត្តសៀមរាបលោកវរសេនីយ៍ទោ សឿនសេន បានឲ្យដឹងថាប្រតិបត្តិការឃាត់រថយន្តដឹកទំនិញសង្ស័យ គេចពន្ទ នេះធ្វើឡើងនៅវេលាម៉ោង១០និង៣០នាទីយប់ថ្ងៃទី២៦ខែមេសាឆ្នាំ២០១៤ត្រង់ចំ ណុចផ្លូវហាយវ៉េស្ថិតក្នុងភូមិសាស្ត្រស្រុកប្រាសាទបាគងខេត្តសៀមរាប។
លោកវរសេនីយ៍ទោសឿនសេន បន្ថែមថារថយន្តដែលលោកបានដឹកនាំកម្លាំងឃាត់ ត្រួតពិនិត្រនេះម៉ាកទូរិសពណ័សំបកឪឡឹកពាក់ស្លាកលេខ.សៀមរាប២អា៩០៧៧បានដឹកឥវ៉ាន់មកពីច្រកជាំសាង៉ាំស្រុកអន្លង់វែងចូលមកខេត្តសៀមរាបតាមផ្លូវលេខ៦៧ក្រោយពី កម្លាំងនគរបាលត្រួតពិនិត្រឥវ៉ាន់ដែលមាននៅក្នុងរថយន្តនោះពុំមានបារ៉ែបបង់ពន្ទទាំង អស់ទើបលោកបានសហការហៅជំនាញគយឲ្យទទួលទាំងយប់តែគយហាក់បីជាមិនចង់ ទទួលនោះទេ។
នាយការិយាល័យប្រឆាំងបទល្មើសសេដ្ឋកិច្ចខេត្តសៀមរាបបញ្ជាក់ថាឥវ៉ាន់គេចពន្ទ ទាំងអស់មាន១០មុខ(ទី១សាប៊ូកញ្ចប់តូច១០កេស)(ទី២សាប៊ូកញ្ចប់ធំ១០កេស)(ទី៣ទឹក ក្រូច២០៨កេស)(ទី៤ទឹកដោះគោឆៅក្រហម២០កេស)(ទី៥ទឹកដោះគោឆៅ៥កេស)(ទី៦ម៉ីម៉ាម៉ា២កេស)(ទី៧ដែកដុះឆ្នាំង៤កេស)(ទី៨ចង្អើអាំងត្រី៤៨០រាយ)(ទី៩ទឹកក្រូចកំប៉ុង៨កេស)(ទី១០ម្ទេសក្រៀម៣បាវ)។
មន្ត្រីនគរបាលប្រឆាំងបទល្មើសសេដ្ឋកិច្ចខេត្តបន្ថែមថាទំនិញទាំងអស់នេះត្រូវបាន ប្រគល់ឲ្យសាខាគយនិងរដ្ឋាករខេត្តសៀមរាបធ្វើការបង់ពន្ទទៅតាមផ្លូវច្បាប់។ អនុប្រធានសាខាគយនិងរដ្ឋាករខេត្តសៀមរាបលោកហេងសុឬទ្ធីបានឲ្យដឹងថាទំនិញគេចពន្ទដែលកម្លាំងនគរបាលប្រឆាំងបទល្មើសសេដ្ឋកិច្ចខេត្តប្រគល់ឲ្យសាខាគយនេះគឺតម្រូវឲ្យម្ចាស់ទំនិញធ្វើការបង់ពន្ទទៅតាមនីតិវិធីច្បាប់គយ។
