ស្ទឹងត្រែង៖ស្ពានអូរកំភុនចាស់ទ្រុឌទ្រោម ត្រូវបានមន្ទីរសាធារណៈការ និងដឹកជញ្ជូនខេត្តស្ទឹងត្រែង ធ្វើការសាងសង់ថ្មីជាបេតុងជំនួសវិញ ដើម្បីសំរួលដល់ការធ្វើចរាចរណ៍របស់ប្រជាពលរដ្ឋ ជាពិសេសភ្ញៀវទេសចរណ៏ទៅកាន់រម្មណីយដ្ឋានបុប្ផាភ្លុក។
ក្នុងសកម្មភាពចុះពិនិត្យ ការសាងសង់ស្ពាន់អូរកំភុននៅភូមិ ឃុំកំភុន ស្រុកសេសាន ស្ទឹងត្រែងថ្ងៃទី២១ខែសីហានេះ លោក គឹម ឆយ អាយុ៦០ឆ្នាំ ជាប្រជាពលរដ្ឋរស់នៅភូមិឃុំនេះ បានលើកឡើងថាៈ ស្ទើរមួយជីវិតហើយមកដល់ឆ្នាំ២០១៥នេះទើបប្រជាពលរដ្ឋមានផ្លូវស្ពានស្រួលធ្វើដំណើរទាក់ទងគ្នាទៅមកជាងនេះគឺបានកូនចៅធ្វើដំណើរទៅរៀនបានទាន់ពេលវេលា ។
លោកអះអាងថាៈស្ពានបេតុងថ្មីនេះពិតជារឹងមាំស្រួលប្រជាពលរដ្ឋធ្វើដំណើរទៅមកមិនលំបាកដូចស្ពានចាស់ឆ្លងកាត់ម្តងៗ ភ័យព្រួយគ្រប់បែបយ៉ាង កាលពីមុនស្ពានឈើវាពិបាកទៅពិបាកមក កាលពីមុនកាល៧៩គ្មានស្ពានទេទៅមកមានតែឆ្លងទូក ស្ពាននោះអាស្ពានឈើដឹងស្រាប់ហើយ ស្ពានឈើទឹកហូរមកវាស្រុតចុះ យើងដើរទៅដើរមកវាអង្គើរដូចយើងយោលអង្រឹងអញ្ចឹង រដ្ឋាភិបាលគាត់ជួយអញ្ចឹងអគុណណាស់ដែលការឈឺគ្រុនអី យើងទៅស្មើណាក៏បានដែរ កាលពីអត់មានស្ពានពិបាក ពិបាកទៅមែនទែន ពិបាកធ្វើដំណើរមែនទែន ទំរាំដល់ពេទ្យដល់អីល្មមចង់ងាប់កណ្តាលផ្លូវបាត់ហើយ ឥឡូវស្រួលហើយអរគុណហើយ ។
លោក ស.គឹមណាត ប្រធានមន្ទីរសាធារណៈការ និងដឹកជញ្ជូនខេត្តបានទទួលស្គាល់ ថា៖ការរៀបចំផ្លូវស្ពាននេះពិតជាយឺតពេលបន្តិចម៉ែនពីព្រោះខេត្តស្ទឹងត្រែងត្រូវការការអភិវឌ្ឍន៏ច្រើននៅគ្រប់ទីកន្លែងដើម្បីបញ្ចៀសភាពលំបាកជូនបងប្អូនប្រជាពលរដ្ឋដូចគ្នាហើយការនោះអភិវឌ្ឍន៍តែងតែទទួលបានសំណូមពរគ្រប់បែបយ៉ាងបន្ថែមទៀត។
លោកប្រធានមន្ទីរបានសំណូមពរឲ្យបងប្អូនប្រជាពលរដ្ឋដែលប្រើប្រាស់ផ្លូវស្ពាននេះជួយរក្សាទាំងអស់គ្នាហើយអាជ្ញាធរខេត្តនិងសាងសង់ផ្លូវកៅស៊ូជូនបន្តទៀតនៅឆ្នាំ២០១៦នេះក្រោយពីស្ពាននេះហើយខ្ញុំសំណូមពរឲ្យប្រជាពលរដ្ឋយើងហ្នឹងដែលនូវភូមិភាគឥសាន្តដាច់ស្រយ៉ាលពីទីក្រុងភ្នំពេញសូមឲ្យបងប្អូនចូលរួមព្រោះអីសមិទ្ធផលនេះបានម៉ូមិនមែនស្រួលទេបើគិតជាលុយប្រមាណ៣០ម៉ឺនដូល្លាអញ្ចឹងសូមឲ្យថែរក្សាស្ពាននេះសូមកុំឲ្យដឹកធ្ងន់ហួសប្រមាណបើយើងដឹកធ្ងន់វាអាចមហន្តរាយសល់ស្ពាន ហើយការងារបន្តទៀតនេះឆ្នាំ២០១៦យើងសុំចាក់កៅស៊ូលើផ្លូវ៧៦.Sនៅស្រុកសេសានយើងនេះដើម្បីតភ្ជាប់ពីខេត្តស្ទឹងត្រែងយើងម៉ូដែលមានផ្លូវកៅស៊ូ២២គីឡូម៉ែត្រ។
សូមបញ្ជាក់ថា ៖ ស្ពាននៅអូរភ្លុកនេះ មានប្រវែង ៣៦ម៉ែត្រ ទទឹង០៨ ម៉ែត្រនិងចាក់ក្រាលកៅស៊ូសងខាងក្បាលស្ពាន៤០០ម៉ែត្រ បន្ថែមទៀត ដែលត្រូវចំណាយថវិកាជាតិជាង១១០០លានរៀល និងបើកឲ្យប្រជាពលរដ្ឋបានធ្វើសរាចរណ៍នៅមុនរដូវភ្ជុំបិណ្យនេះ ៕
