កំពងធំ=កាលពីរវេលាម៉ោង១១,៤០នាទីថ្ងៃត្រង់ ថ្ងៃទី២៧ ខែមេសា ឆ្នាំ២០១៤មានគ្រោះថ្នាក់ចរាចរណ៍មួយរវាងរថយន្ដយីឌុបដឹកស្រូវបុកនិងយីឌុបដឹកដែកហើយបន្ដបុកនិងរថយន្ដហីយឹនដាយដែលពុំមានដឹកអ្វី គ្រោះថ្នាក់ចរាចរណ៍នេះបានកើតឡើងនៅចំនុច ភូមិថ្នល់បែក ឃុំចំនារក្រោម ស្រុកស្ទោង ខេត្តកំពង់ធំ។
តាមប្រភពពត៍មាន ពីរប្រជាពលរដ្ននៅនិងកន្លែងកើតហេតុបានអោយដឹងថា រថយន្ដហីយឹនដាយ បានបើកបរស្របទិសជាមួយរថយន្ដយីឌុបដឹកដែក ពីរត្បូងទៅជើងមកដល់កន្លែងកើតហេតុ រថយន្ដហីយឹនដាយ ក៏បង្អន់ល្បឿនភ្លាមធ្វើអោយរថយន្ដដឹកដែកមកពីរក្រោយចាប់ប្រាំងមិនទាន់ក៏បុកកាងផ្នែកខាងក្រោយរថយន្ដហីយឹនដាយ ហើយជ្រុលទៅបុករថយន្ដ
យីឌុបដឹកស្រូវដែលកំពុងបើកបរបញ្ចាស់ទិសគ្នាពេញទំហឹងលាន់ដូចរន្ទះចុងខែចេត្រ ផ្អើលមនុស្សមនាប្រុសស្រីដែលរស់នៅសងខាងផ្លូវនិងអ្នកធ្វើដំណើរភ្ញាក់ផ្អើលយ៉ាងខ្លាំង ក្រោយមកក៏ពិនិត្យឃើញថា រថយន្ដដឹកដែកខូចខាតផ្នែកខាងមុខទាំងស្រុងឯ រថយន្ដដឹកស្រូវខូចខាតដែកកាងផ្នែកខាងមុខតិចតួច ដោយរថយន្ដយីឌុបដឹកស្រូវពណ៍ប្រផះលាយ ខៀវ ពាក់ផ្លាកលេខភ្នំពេញ3A0921 រថយន្ដយីឌុបដឹកដែកពណ៍សពាក់ផ្លាកលេខកំពង់ធំ3A1122 ឯរថយន្ដ ហីយឹនដាយពណ៍សរ
លាយត្រួយចេកចំនុះ៥តោន ពាក់ផ្លាកលេខ ប មានជ័យ 3A0636 គ្រោះថ្នាក់នេះពុំមាននណារម្នាក់គ្រោះថ្នាក់ដល់ជីវិតទេគ្រាន់តែខូចខាតរថយន្ដតែប៉ុណ្ណោះ រថយន្ដទាំងអស់ ជាមួយតៃកុងរថយន្ដបានបញ្ចូនទៅរក្សាទុកនៅប៉ុស្ដិ៍ នគរបាល ក្នុងភូមិថ្នល់បែក ឃុំចំនារក្រោម ស្រុកស្ទោង ខេត្តកំពង់ធំ ក្រោយពីរវាស់វែងរួចនិងដោះស្រាយតាមវិធីច្បាប់៕
ដោយ ប៊ុន រទ្ធី 
