ឧត្តរមានជ័យ.កាលពីវេលាម៉ោង២និង៣០នាទី ថ្ងៃទី២៣ ខែសីហា ឆ្នាំ២០១៥.ជនសង្ស័យចំនួន២នាក់ប្តីប្រពន្ធជួយដូរគ្រឿងញៀននិងចែកចាយ ត្រូវបានកម្លាំងកងរាជអាវុធហត្ថស្រុកអន្លង់វែង ដោយមានការចង្អុលបង្ហាញពីលោកឧត្តមសេនីយ៍ត្រីពុទ្ធ សា រ៉ាន់ មេបញ្ជាការកងរាជអាវុធហត្ថខេត្តនិងលោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុកបានដឹកនាំកម្លាំងបញ្ជាផ្ទាល់ ចុះបង្ក្រាបចាប់ឃាត់ខ្លួនជនសង្ស័យទាំង២នាក់ប្តីប្រពន្ធ រួមជាមួយវត្ថុតាងថ្នាំញៀនប្រភេទមេតំហ្វេតាមីនWYចំនួន១៧គ្រាប់ ប្រាក់រៀលចំនួន៣សែនរៀល 
ទូរស័ព្ទដៃម៉ាកណូគា១គ្រឿង ម៉ាកSAMSUNG.១គ្រឿងនិងឃាត់ខ្លួនជនសង្ស័យទាំង២នាក់ប្តីប្រពន្ធ។លោកវរសេនីយ៍ត្រីងួន ទ្ធីរិទ្ធមេបញ្ជាការអាវុធហត្ថស្រុកអន្លង់វែង បានឲ្យដឹងទៀតថា កាលដែលឃាត់ខ្លួនជនសង្ស័យ២នាក់ប្តីប្រពន្ធនោះ នៅចំណុចភូមិកណ្តាលលើ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ. ជនសង្ស័យទី១ឈ្មោះស៊ុន ភារុនភេទប្រុសអាយុ២៥ឆ្នាំត្រូវជាប្តី ទី២ឈ្មោះប៊ុត រ៉ានីភេទស្រីអាយុ២៩ឆ្នាំរស់នៅចំណុចកើតហេតុខាងលើ នៅពេលបច្ចុប្បន្ន កម្លា្ំងកងរាជអាវុធហត្ថស្រុកកំពុងកសាងសំណុំរឿងបញ្ជូនទៅសាលាដំបូងខេត្តឧត្តរមានជ័យ ដើម្បីចាត់ការទៅតាមនិតិវិធីច្បាប់៕
