ខេត្តកំពង់ឆ្នាំង៖កូនត្រីចំនួន៣ម៉ឺនក្បាលត្រូវបានលោកនាយខណ្ឌ័រដ្ឋបាលជលផលកំពង់ឆ្នាំង
យកទៅចែកជូនប្រជាពលរដ្ឋចំនួន៣០គ្រួសារ នៅក្នុងឃុំរលាប្អៀរ និងឃុំជើងគ្រាវ ស្រុករលា ប្អៀរ ដើម្បីយកទៅចិញ្ចឹមតាមស្រះក្នុងគ្រួសារទ្រទ្រង់ជីវភាពរស់នៅ ក្រោមជំនួយឧបត្ថម្ភរប ស់សហគមន៍អឺរុប ( EU ) ការចែកកូនត្រីនេះបានធ្វើឡើងនៅព្រឹកថ្ងៃទី២៣ ខែសីហា ឆ្នាំ២០
១៥ នៅក្នុងភូមិត្រពាំងត្រាច ឃុំរលាប្អៀរ ស្រុករលាប្អៀរ ។ លោក សោម ភិរុណ នាយខណ្ឌ័រដ្ឋបាលជលផលកំពង់ឆ្នាំងបាននិយាយអោយដឹងថា៖អ្នកចូលរួមចែកកូនត្រីនៅព្រឹកថ្ងៃទី២៣ ខែសីហា ឆ្នាំ២០១៥ រួមមាន លោក ប៉ុល មីមូសារ តំណាងសហគមន៍អឺរ៉ុប លោកស្រី វង សាតស៊ុនលី អភិបាលស្រុករលាប្អៀរ លោកមេឃុំរលាប្អៀរ និងលោកមេឃុំជើងគ្រាវ ព្រមទាំង
ប្រជាពលរដ្ឋក្នុងទាំង២ផងដែរ។ ប្រជាពលរដ្ឋដែលបានទទួលកូនត្រីចំនួន៣ម៉ឺនក្បាល ខាងលើនេះយកទៅចិញ្ចឹមតាមស្រះក្នុងគ្រួសារ គឺមាននៅក្នុងឃុំរលាប្អៀរមានចំនួន១៩គ្រួសារ និងនៅឃុំជើងគ្រាវ១១គ្រួសារ ដែ លក្នុង១គ្រួសារៗទទួលបានកូនត្រីចំរុះទាំង៣ប្រភេទ ចំនួន១ពាន់ក្បាល ក្នុងនោះមាន ត្រីឆ្ពឹន ត្រីពីឡាព្យា និងត្រីកាបឥណ្ឌា ដែលជាជំនួយឧបត្ថម្ភរបស់សហគមន៍អឺរ៉ុប ( E U )។ លោក សោម ភិរុណ បានធ្វើការផ្តាំផ្ញើរដល់ប្រជាកសិករដែលបានមកទទួលយកកូនត្រីយកទៅចិញ្ចឹមថា៖សូមបងប្អូនអនុវត្ត ការចិញ្ចឹមត្រីតាមស្រះទៅតាមមេរៀនដែលមន្ត្រីជំនាញបានបង្រៀនអោយកន្លងមក អំពីការចិញ្ចឹមត្រី ការលែងកូនត្រីក្នុងស្រះ និងការអោយ
ចំណីត្រី។ក្នុងពេលនោះដែរ លោកបានលើកឡើងទៀតថា៖ ប្រជាកសិករយើងគ្រប់រូបត្រូវការហូបត្រីប្រចាំថ្ងៃមិនអាចខ្វះបាន ហើយបើយើងអនុវត្តការចិញ្ចឹមត្រីមានការលូតលាស់ ត្រីធំធាត់បានល្អនោះយើងមានស្រះចិញ្ចឹមត្រីមួយ ប្រៀបបានដូចជាមានប្រាក់មួយកេះសន្សំទុកប្រចាំថ្ងៃ ដែលកន្ល ងយើងធ្លាប់ដកយកប្រាក់នោះទៅចំណាយទិញត្រីហូបរាល់ថ្ងៃ តែពេលនេះយើងមានត្រីហូបហើយ នឹងមិនចាំបាច់ចំណាយប្រាក់ទិញត្រីទៀតឡើយ។ លោកស្រីអភិបាលរងស្រុករលាប្អៀរ លោកមេឃុំរលាប្អៀរ លោកមេឃុំជើងគ្រាវ និងប្រជាពលរដ្ឋដែលបានទទួលយកកូនត្រីទាំង៣០គ្រួសារ មានទឹកចិត្តសប្បាយរីករាយយ៉ាងខ្លាំងនិងសូមថ្លែងអំណរគុណ ចំពោះលោកនាយខណ្ឌ័រដ្ឋបាលជលផលកំពង់ឆ្នាំង និងតំណាងសហគមន៍អឺរុប ដែលបានផ្តល់កូនត្រីដល់ពួកគាត់ ហើយពួកគាត់សូមប្តេជ្ញាយកចិត្តទុកដាក់ចិញ្ចឹមត្រីណេះអោយបានផលល្អ ដើម្បីសើកស្ទួយជីវភាពរស់នៅក្នុងគ្រួសារអោយបានធូរធា៕
