រាជធានីភ្នំពេញ៖ ក្នុងពេលដែលនាយករដ្ឋមន្ដ្រីថៃ លោកស្រី យីងឡាក់ ស៊ីណាវ៉ាត្រា អបអរសាទរដល់ទស្សនៈដោះស្រាយវិបត្ដិរបស់មេដឹកនាំគណបក្សប្រជាធិបតេយ្យ ថៃ លោកអាប់ភីស៊ីត វេចាជីវ៉ា ប៉ុន្ដែធ្វើឱ្យមេដឹកនាំគណៈកម្មាធិការកែទម្រង់ ប្រជាធិបតេយ្យប្រជាជន PDRC របស់លោក ស៊ូថេប បង្ហាញការមិនពេញចិត្ដ។
លោកអាប់ភីស៊ីត បានលើកឡើងពីទស្សនៈនយោបាយដោះស្រាយវិបត្ដិរបស់លោកថា នឹងអញ្ជើញបណ្ដាគណ បក្សនយោបាយចូលរួមក្នុងកម្មវិធីផ្សះ ផ្សាដោះស្រាយវិបត្ដិ ។ លោកអាប់ភី ស៊ីត បញ្ជាក់ថា ប្រសិនបើយើងមិន អាចធ្វើឡើងក្នុងរយៈពេល១០ថ្ងៃទេនោះ ចាត់ទុកជាការបរាជ័យ ។
នាយករដ្ឋមន្ដ្រីយីងឡាក់ ស៊ីណាវ៉ាត្រា បានចាត់ទុកសកម្មភាពផ្សះផ្សារបស់ លោកអាប់ភីស៊ីត ជាការចាប់ផ្ដើមដ៏ល្អ ប្រសើរមួយឆ្ពោះទៅរកការបញ្ចប់វិបត្ដិ។ លោកស្រីយីងឡាក់ បញ្ជាក់ថា “យើង គួរតែចាប់ផ្ដើមស្វែងរកចំណុចដូចគ្នា ក្នុងការដោះស្រាយវិបត្ដជាជាងការបែរ ខ្នងដាក់គ្នា ទុកឱ្យវិបត្ដិញាំញីបំផ្លាញ ប្រទេសជាតិ” ។
សារព័ត៌មាន The Nation បានដក ស្រង់សម្ដីលោកស៊ូថេបប្រកាសថា លោកមិនស្ដាប់នរណាម្នាក់នោះឡើយ លើកលែងតែមហាជនប៉ុណ្ណោះ ។ អ្នក ដែលដើរតាមលោកកំពុងអំពាវនាវឱ្យ មានការកែទម្រង់ប្រទេសជាតិជាទ្រង់ ទ្រាយមិនពេលឈានដល់ការបោះ ឆ្នោត។ លោកស៊ូថេប ធ្លាប់ជាថ្នាក់ ក្រោមរបស់លោកអាប់ភីស៊ីត ពេល ដែលលោកអាប់ភីស៊ីត ជានាយករដ្ឋ មន្ដ្រី និងលោកស៊ូថេបជាឧបនាយករដ្ឋ មន្ដ្រី ។
នៅពេលមហាបាតុកម្មប្រឆាំង រដ្ឋាភិបាលលោកស្រីយីងឡាក់ កើត ឡើង លោកអាប់ភីស៊ីត និងគណបក្ស ប្រជាធិបតេយ្យឈរខាងលោកស៊ូថេប ប៉ុន្ដែក្រោយមក លោកអាប់ភីស៊ីតក៏ បានងាក់មកគាំទ្រដោះស្រាយវិបត្ដិធ្វើឱ្យ អ្នកទាំងពីរឃ្លាតឆ្ងាយពីគ្នា ។
នៅក្នុងព្រឹត្ដិការណ៍មួយផ្សេងទៀត ដែលពាក់ព័ន្ធនោះផងដែរ កាលពីថ្ងៃទី២៦ ខែមេសា តុលាការឧក្រិដ្ឋកម្មថៃ បានអនុញ្ញាតឱ្យមេដឹកនាំក្រុមបាតុករ លោក Sakhontee Phattiyakul នៅ ក្រៅឃុំ ។ លោកត្រូវបានចាប់ខ្លួននៅ អាកាសយានដ្ឋានសុវណ្ណភូមិនាយប់ថ្ងៃទី ២៤ ខែមេសា ដោយចោទប្រកាន់ពីបទញុះញង់ឱ្យមានវិវាទកើតឡើង ៕
