ខេត្តព្រះវិហារ៖ប្រទ្បងសញ្ញាបត្រមធ្យមសិក្សាទុតិយភូមិឆ្នាំ២០១៥នៅខេត្តព្រះវិហារបានចាប់ផ្ដើមហើយដែលមានរយះពេលប្រទ្បងចំនួន២ថ្ងៃចាប់ពីថ្ងៃទី២៤ដល់២៥សីហា២០១៥គឺមានបេក្ខជនប្រុសស្រីចូលរួមប្រទ្បងជាង៥រយនាក់មាន២មណ្ឌលប្រទ្បងស្ថិតក្នុងសង្កាត់កំពង់ប្រ
ណាក្រុងព្រះវិហារនិងបន្ទប់ថ្នាក់ប្រទ្បងសរុបមានចំនួន៤៥បន្ទប់។នៅព្រឹកថ្ងៃទី២៤សីហានេះអាជ្ញាធរខេត្តបានចុះកាត់ហិបនិងបើកវិញ្ញាសារប្រទ្បងហើយក្រុមអ្នកសង្កេតការណ៍ទាំងអស់បានត្រួតពិនិត្យផ្ទៀងផ្ទាត់ដោយផ្ទាល់ជាមួយលោកអភិបាលខេត្តព្រះវិហារ។
ទិដ្ឋភាពនៃការប្រទ្បងសញ្ញាបត្រទុតិយភូមិនៅខេត្តព្រះវិហារឆ្នាំនេះមានដំណើរល្អរលូនដូចឆ្នាំ២០១៤កន្លងមកដែរដោយមានឆ្មាំការពារសន្តិសុខគ្រប់គោលដៅជុំវិញមណ្ឌលប្រទ្បងគណះកម្មការមេប្រយោគនិងក្រុមអ្នកសង្កេតការណ៍រួមមានអង្គភាពប្រឆាំងអំពើពុករលួយ(ACU)សហព័ន្ធសហភាពយុវជនខេត្តរួមទាំងអង្គការសង្គមស៊ីវិលបានចុះឃ្លាំមើលយ៉ាងយកចិត្តទុកដាក់។
លោកស្រីសាស្ត្រាចារ្យគឹមគន្ធារីប្រធានគ្រប់គ្រងមណ្ឌលប្រទ្បងប្រចាំខេត្តព្រះវិហារបានអោយអ្នកសារព័ត៌មានដឹងនៅព្រឹកថ្ងៃទី២៤សីហាថាបេក្ខជនចូលរួមប្រទ្បងសញ្ញាបត្រទុតិយភូមិនៅឆ្នាំនេះមានចំនួន៥៨៨នាក់ក្នុងនោះបេក្ខនារីមានចំនួន២៨៤នាក់មានមណ្ឌលប្រទ្បង២សរុបចំនួន៤៥បន្ទប់។មណ្ឌលប្រទ្បងទី១នៅវិទ្យាល័យជាស៊ីមត្បែងមានជ័យមាន២១បន្ទប់និងទី២នៅអនុវិទ្យាល័យហ៊ុនសែនត្បែងមានជ័យមាន២៤បន្ទប់ប្រទ្បង។
លោកស្រីសាស្ដ្រាចារ្យបានថ្លែងថាទិដ្ឋភាពប្រទ្បងនាពេលនេះកំពុងប្រព្រឹត្តទៅបានល្អនិងរលូនមិនមានបាតុភាពអ្វីកើតទ្បើងនៅតាមមណ្ឌលប្រទ្បងណាមួយនោះទេគឺមានភាពស្ងាត់ស្ងៀមដោយមានក្រុមអ្នកសង្កេតការណ៍ចូលរួមឃ្លាំមើលយ៉ាងយកចិត្តទុកដាក់។ផ្នែកវិញ្ញាសារប្រទ្បងមានជម្រើស២សំរាប់បេក្ខជនគឺផ្នែកវិទ្យាសាស្ដ្រនិងវិទ្យាសាស្ដ្រសង្គម។មណ្ឌលប្រទ្បងអនុវិទ្យាល័យហ៊ុនសែនត្បែងមានជ័យសំរាប់បេក្ខជនប្រទ្បងផ្នែកវិទ្យាសាស្ដ្រសង្គមរីឯមណ្ឌលជាស៊ីមត្បែងមានជ័យវិញសំរាប់បេក្ខជនប្រទ្បផ្នែកវិទ្យាសាស្ដ្រ។លោកស្រីបញ្ជាក់ថាមុខវិជ្ជាប្រទ្បងនៅព្រឹកថ្ងៃទី១នេះគឺគីមីវិទ្យានិងជីវវិទ្យា៕
