ខេត្តសៀមរាប នៅល្ងាចថ្ងៃទី ២៥ ខែ សីហា ឆ្នាំ២០១៥នេះ លោក ប៊ុន ថាប្ញទ្ធិ អភិបាលខេត្តស្តីទី បានអនុញ្ញាតឲ្យលោកSITLHOUលេខាទី១នៃស្ថានអគ្គរដ្ឋទូតឥណ្ឌាប្រចាំនៅព្រះរាជាណាចក្រកម្ពុជា ចូលជួបធ្វើកិច្ចពិភាក្សា ស្តីពីការ រៀបចំ សន្តិសុខសណ្តាប់ធ្នាប់ក្នុងដំណើរទស្សនកិច្ចផ្លូវការ របស់គណៈប្រតិភូជាន់ខ្ពស់ នៃសាធារណរដ្ឋឥណ្ឌា មក ធ្វើ ទស្សនកិច្ចនៅលើទឹកដីប្រវត្តិ សាស្ត្រខេត្តសៀមរាប នាថ្ងៃទី១៧ កញ្ញា ឆ្នាំ២០១៥ ។ ក្នុងកិច្ចពិភាក្សានោះក៏មាន វត្តមានរបស់ លោក សុខសង្វារ អគ្គនាយករងអាជ្ញាធរជាតិអប្សរា ព្រមទាំងអស់លោក លោកស្រីជាកម្លាំងសមត្ថកិច្ច និងមន្ត្រីរដ្ឋបាលសាលាខេត្តផងដែរ ។
ឆ្លងតាមសេចក្តីរាយការណ៍របស់លោកSITLHOUលេខាទី១ នៃស្ថានអគ្គរដ្ឋទូតឥណ្ឌាប្រចាំនៅព្រះរាជាណាចក្រកម្ពុជា អំពីកម្មវិធីនៃដំណើរទស្សនកិច្ច របស់អនុប្រធានាធិបតីឥណ្ឌា នៅព្រះរាជាណាចក្រកម្ពុជា ក៏ដូចនៅលើទឹក ដីខេត្តសៀមរាប ដែលជាទឹកដីសម្បូរទៅដោយសម្បត្តិវប្បធម៌បុរាណ មានប្រាង្គប្រាសាទដ៏ល្បីល្បាញ និង ជាគោល ដៅរបស់ភ្ញៀវទេសចរណ៍នៅលើពិភពលោកមកទស្សនាផងដែរ ។
មានប្រសាសន៍នោះដែរលោក ប៊ុន ថាប្ញទ្ធិ ក៏បានបញ្ជាក់ជូនដល់តំណាងស្ថានអគ្គរដ្ឋទូតឥណ្ឌា អំពីតួនាទីរបស់អាជ្ញាធរខេត្ត ក្នុងការទទួលបដិសណ្ឋាកិច្ចចំពោះគណៈប្រតិភូនៅអាកាសយានដ្ឋានអន្តរជាតិសៀមរាប និង ទទួល ខុសត្រូវលើការងារថែរក្សា ការពារនូវសន្តិសុខ សុវត្ថិភាពជូនដល់គណៈប្រតិភូតែប៉ុណ្ណោះ ។ ចំពោះការស្នាក់នៅ ការ ហូបចុករបស់គណៈប្រតិភូ ខេត្តពុំមែនជាភារកិច្ចរបស់អាជ្ញាធរខេត្តឡើយ គឺជាភារកិច្ចរបស់ក្រសួងការបរទេស និង ស្ថាន អគ្គរដ្ឋទូតឥណ្ឌា វាមិនមែនជាបន្ទុករបស់ខេត្តឡើយ ។ លោក ប៊ុនថាប្ញទ្ធិបានបន្តទៀតថា ចំពោះការសុំឲ្យមាន បងប្អូន ជាជនជាតិឥណ្ឌា ទៅទទួលបដិសណ្ឋាកិច្ចចំពោះគណៈប្រតិភូ លុះត្រាតែស្ថានអគ្គរដ្ឋទូតឥណ្ឌា ធ្វើជាលិខិត ស្នាមទៅ រាជរដ្ឋាភិបាល ឬ ក្រសួងការបរទេស នោះទើបខេត្តធ្វើការអញ្ជើញពួកគាត់បាន ។ ឯកឧត្តមក៏បានបន្តទៀត ថា កិច្ចការ ទាំងនេះអាជ្ញាធរខេត្ត នៅពុំ ទាន់បានទទួលនូវលិខិតណែនាំជាផ្លូវការ ពីក្រសួងការបរទេស និង រាជរដ្ឋាភិ បាលកម្ពុជានៅ ឡើយ ដោយខេត្តពុំដឹងពី ការអញ្ជើញរបស់គណៈប្រតិភូ មកទស្សនកិច្ចជាផ្លូវការនៅកម្ពុជា បើក្រសួង សាមីណាអញ្ជើញ គឺ ក្រសួងនោះជាអ្នក ទទួលបន្ទុក ។
ក្នុងនោះដែរលោកសុខ សង្វារ អគ្គនាយករងអាជ្ញាធរជាតិអប្សរា ក៏បានបញ្ជាក់ថា ចំពោះដំណើរទស្សន កិច្ច នេះ សូមឲ្យស្ថានអគ្គរដ្ឋទូតឥណ្ឌា ត្រូវធ្វើនូវកម្មវិធីក្នុងដំណើរទស្សនៈកិច្ចរបស់ខ្លួនឲ្យបានច្បាស់លាស់ ក្នុងភាពងាយ ស្រួល ក្នុងការរៀបចំនូវសន្តិសុខ សណ្តាប់ធ្នាប់ សុវត្ថិភាពជូនដល់គណៈប្រតិភូផងដែរ ។ ម្យ៉ាងទៀតក្នុងដំណើរទស្សន កិច្ច រយៈពេលមួយថ្ងៃនេះ គឺជាការសមស្របក្នុងការទស្សនានៅតាមប្រាសាទមួយចំនួនរបស់ភ្ញៀវផងដែរ ៕
ដោយគឿនវ៉េត
