ស្ទឹងត្រែង៖ពិពរណ៏ផលិតផលកម្ពុជា-ថៃនៅខេត្តស្ទឹងត្រែងចាប់ពីថ្ងៃទី២២សីហាមកដល់ថ្ងៃ២៦សីហានេះផលិតផលជាច្រើននិងទំនិញភ្រប់ប្រភេទបានដាក់តាំងលក់រួមគ្នារវាងប្រទេសថៃនិងប្រទេសកម្ពុជាជាលើកដំបូងនៅខេត្តស្ទឹងត្រែងបាន បង្ហាញភាពរីកចំរើននិងបានផ្តល់នៅបច្ចេកទេសនិងការច្នៃប្រឌិតនួវវត្ថុធាតុដើម ជួយកសិករឲ្យមានមុខរបរ។
លោកស៊ុមម៉ៃ វិឈៀងឆាន់អភិបាលរងខេត្តចាន់បូរីនៃព្រះជាណាចក្រថៃមានប្រសាសន៏ថា៖នេះជាកិច្ចបើកសហប្រតិបត្តិការផ្លាស់ប្តូរបទពិសោធន៏ជូនគ្នាទៅវិញទៅមកពិសេសខេត្តទាំងពីរបានជួយឲ្យកសិករឲ្យចេះច្នៃប្រឌិតវេចខ្ជាប់ផលិតផល មានកម្មសិទ្ធបញ្ញា និងរួមគ្នា ស្វែងរកទីផ្សាជួយដល់កសិករសំរាប់លក់ផលិតផល។
លោកអភិបាលរងបានសន្យាថា៖ខេត្តទាំងពីរចាន់បូរីនៃព្រះជាណាចក្រថៃស្ទឹងត្រែងកម្ពុជានិងរៀបចំការទាក់ទងទៅលើវិស័យទេសចរណ៍មួយទៀតនៅក្នុងខេត្តភូមិ ភាគឥសាន្តមួយនេះដោយសារចប្ចុប្បន្នផ្លូវគមនាគមន៏នៃប្រទេសទាំងពីរមានបណ្តាញតភ្ជាប់គ្នា ចេញពីខេត្តស្ទឹងត្រែងទៅខេត្តចំប៉ាសាក់ឡាវឆ្លងកាត់ស្រុកប៉ាកសេនិងភូមិភូនថងឡាវទៅភូមិស.ឃេតស្រុកភីប៊ូនម៉ាំងសាហានខេត្តអូរប៊ុនរ៉ាត់ថានីនិងភ្ជាប់ទៅខេត្តចាន់បូរីនៃព្រះជាណាចក្រថៃ។
លោកថៃ ចាន់ធឿនអាជីវករលក់ផលិតផលកម្ពុជាមកពីខេត្តបាត់ដំបងបានសាទរចំពោះការសន្យានេះដោយប្រទេសយើងមានផ្លូវស្រួលធ្វើដំណើរមានសន្តិភាពពេញលេញ ហើយប្រជាពលរដ្ឋក៏ចង់បាននូវការគាំទ្រនិងការដោះដូរផ្នែកពាណិជ្ជកម្មនេះផងដែរ។
លោកបញ្ជាក់ថា៖ការលក់ផលិតផលបែបស្តង់ដានេះលោកបានមកចូលរួមចំនួន៧លើករួចមកហើយរាប់ដោយ រាប់បញ្ជូលទាំងខេត្តស្ទឹងត្រែងនេះក្នុងចំណោមខេត្តទាំង២៥នៅក្នុងប្រទេសកម្ពុជា។
លោកជា.ថាវរិទ្ធអភិបាលរងខេត្តស្ទឹងត្រែងបានចាត់ទុកថា៖ពិពរណ៏ផលិតផលនេះជាលើកទីមួយហើយនៅក្នុងខេត្តស្ទឹងត្រែងដែលប្រទេសថៃបានបង្កើតឡើងជាកិច្ចសហប្រតិបត្តិការមួយស្របទៅនឹងគម្រោងរបស់រាជរដ្ឋាភិបាលនិងក្រសួងទេសចរណ៍កម្ពុជាដែលកំពុងតែ អំពាវនាវរកដៃគូឲ្យចូលមកវិនិយោគនៅក្នុងខេត្ត។
លោកអភិបាលរងខេត្តបានអះអាងថា៖អាជ្ញាធរខេត្តនឹងជំរុញឲ្យមានអ្នកវិនិយោគធំៗចូលមកកាន់ខេត្តស្ទឹងត្រែងសិក្សាអំពីសក្តានុពលធនធានផ្នែកពាណិជ្ជកម្មនិងទេសចរណ៍ហើយពិភាក្សាគ្នាលើកគំរោងឲ្យបានច្បាស់លាស់ដើម្បីធ្វើការអភិវឌ្ឍន៏ឈានលើកកំពស់កំណើនផ្នែកសេដ្ឋកិច្ចជាតិនិងគ្រួសារ។
លោកស្រីជា.សារឹមប្រជាពលរដ្ឋនៅក្រុងស្ទឹងត្រែងបានសំដែងការគាំទ្រដល់ចំពោះការរៀបចំឲ្យមានពិពរណ៏ផលិតផលនេះដោយប្រជាពលរដ្ឋយើងចំណាយលុយតិច ទិញបានទំនិញ មានគុណភាពល្អយកទៅប្រើប្រាស់គ្រឿងឧបភោគបរិភោគគ្នានជាតិគីមី ហើយកសិករក៏បាននាំយកទំនិញដែល ច្នៃប្រឌិតខ្លួនឯងនៅក្នុងស្រុកមកចូលរួមលក់រកបានប្រាក់ចំណូលសំរាប់ដោះស្រាយជីវភាពថែមទៀត។
សូមបញ្ជាក់ថា៖ស្តង់ពិពរណ៏ដែលបានរៀបចំនេះមានចំនួន ១៦១ស្តង់ ក្នុងនោះមានស្តង់ផលិតផលខេត្តស្ទឹងត្រែងចំនួន២០ស្តង់ សំរាប់ពាណិជ្ជករកម្ពុជា ចំនួន២៦ស្តង់ និង១១៥ស្តង់សំរាប់ពាណិជ្ជករ ថៃហើយបន្ទាប់ពីបញ្ជាប់នៅខេត្តស្ទឹងត្រែងនៅថ្ងៃទី២៨សីហានេះពិពរណ៏ពាណិជ្ជកម្មគ្រោងនិងទៅ រៀបចំនៅខែតុលាតាម ខេត្តផ្សេងៗទៀតនៅក្នុងប្រទេសកម្ពុជា៕
