ស្ទឹងត្រែង៖នៅតាមបណ្តាភូមិឃុំនៅក្នុងខេត្តស្ទឹងត្រែង បន្លែរបង្ការគ្រប់ប្រភេទ ត្រូវបានបងប្អូនប្រជាពលរដ្ឋ បាននាំយកមកលក់នៅលើទីផ្សារ បង្ហាញឲ្យឃើញពីភាពរីកចំរើន បន្ទាប់ពីពួកគាត់ទទួលបានការណែនាំពីមន្ទីរកសិកម្មបានធើ្វការបង្ហាត់បង្រៀន ពីបច្ចេកទេសដាំដុះនិងផ្តល់ពូជឲ្យ ។ ប្រជាពលរដ្ឋនៅខេត្តស្ទឹងត្រែងឃើញថា ប្រមាណ៤០%បានធ្វើការផ្លាស់ប្តូរនូវទម្លាប់ពីការធ្វើស្រែចម្ការខ្លះៗ មកចាប់យកអាជីពដាំបន្លែរជាលក្ខណះគ្រួសារ សំរាប់ដោះស្រាយជីវភាពហើយសល់ ពីការហូបចុក អាចយកមកលក់នៅទីផ្សារ ទទួលបានប្រាក់ចំណូលថែមទៀត ។
លោកស្រ៊ុន ផេង អាយុឆ្នាំ៤៥ នៅភូមិរាជានុកូល សង្កាត់ក្រុងស្ទឹងត្រែង ក្រុង ខេត្តស្ទឹងត្រែងបាននិយាយអះអាងថាៈ ពីមុនមកគ្រួសារគាត់ ពុំដែលចេះដាំដំណាំបន្លែរបង្កា សំរាប់ជីវភាពប្រចាំគ្រួសារនោះទេ គឺធ្វើតែស្រែនិងចំការ រកប្រាក់ទិញបន្លែរបង្ការមកហូបចុក ធ្វើឲ្យជីវភាពរស់នៅជួបការលំបាកច្រើន តែពេលនេះពួកគាត់ បានធ្វើការដាំដុះទទួលបានផលល្អ យកទៅលក់នៅទីផ្សារ បានប្រាក់កំរៃគួរសម ដោយសារបន្លែរមានរស់ជាតិឆ្ងាញ់ ជាងបន្លែនាំចូលពីប្រទេសជិតខាង ព្រោះបន្លែដែលប្រជាកសិករដាំ នៅតាមជនបទគ្មានជាតិគីមី ។
លោកបានបន្តថាៈ ចាប់ពីឆ្នាំ២០០៨មក លោកទទួលបានការបណ្តុះបណ្តាលបច្ចេកទេសដាំដុះដំណាំកសិកម្ម និងទទួលបានគ្រាប់ពូជ ប្រើជីធម្មជាតិមិនមានការប៉ះពាល់ ដល់សុខភាពអ្នកទិញហូប នេះជាគំរោងអភិវឌ្ឍន៏ របស់អង្គការដៃគូរ និងមន្ទីរកសិកម្មបានផ្តល់ឲ្យ បងប្អូនប្រជាពលរដ្ឋ មិនមែនតែនៅក្នុងភូមិរបស់លោកនោះទេ នៅមានតាមបណ្តាឃុំផ្សេងៗទៀត ក៏ចេះដាំបន្លែរបង្កា ទទួលបានផលល្អប្រសើរ ដែលនៅសល់ពីការហូបចុក អាចយកទៅលក់លើទីផ្សារ យកមកទ្រទ្រង់ជីវភាព គ្រួសារបានបន្ថែមទៀត ។
លោកស្រ៊ុន ផេងបានបន្តទៀតថា ពីមុនលោកដាំបន្លែមានផ្ទៃដីតូចល្មមទេ តែក្រោយពីលោកប្រកបរបរដាំបន្លែនេះ ឃើញថាក្រុមគ្រួសារបានធូធាច្រើន ព្រោះនៅក្នុងខេត្តស្ទឹងត្រែងទាំងមូល មានតម្រូវការបន្លែកក្នុងស្រុកច្រើនជាង បន្លែនាំចូលពីប្រទេសជិតខាង ហើយនៅពេលនេះ លោកបានពង្រីកផ្ទៃដីដាំដុះបន្ថែមទៀត ដើម្បីតម្រូវទីផ្បារ។
លោក ទូច ធា ប្រធានមន្ទីរកសិកម្មខេត្តបានបញ្ជាក់ឲ្យដឹងថាៈ ប្រជាកសិករ ប្រមាណជា៤០%ក្នុងចំណោម៩៥% នៅក្នុងខេត្តប្រកបរបរកសិកម្ម បច្ចុប្បន្នបានធ្វើការដាំដំណាំរួមផ្សំ តាមការណែនាំ និងទទួលបានការបណ្តុះបណ្តាល បច្ចេកទេសកសិកម្មផង ទទួលបានគ្រាប់ពូជផង ពួកគាត់បានអនុវត្តទៅតាមបច្ចេកទេស សំរេចបានលទ្ធផលល្អប្រសើរ ពីមួយឆ្នាំទៅមួយឆ្នាំ ។
លោកប្រធានមន្ទីរ បានបញ្ជាក់ទៀតថាៈ មន្ទីរកសិកម្មនិងបន្តអនុវត្តនៅគំរោងស្តារនិងអភិវឌ្ឍន៏វិស័យកសិកម្ម ជួយដល់កសិករនៅឆ្នាំបន្តបន្ទាប់ នាពេលខាងមុខទៀត ដើម្បីជំរុញឲ្យកសិករយើង ចេះផ្តល់នៅបទពិសោធន៍ អោយគ្នាទៅវិញទៅមក និងទទួលបានបច្ចេកទេសបង្កើតមុខរបរថ្មីៗ បន្ថែមទៀត ៕
