ខេត្តកំពង់ឆ្នាំង៖ការចិញ្ចឹមអន្ទុងគឺជាមុខរបរមួយអាចលើកស្ទួយជីវភាពគ្រួសារអោយកាន់តែប្រសើរឡើង ដើម្បីស្វែងយល់អំពីបទពិសោធន៍នេះ នៅល្ងាចថ្ងៃទី២៥ ខែសីហា ឆ្នាំ២០១៥ លោកហាវ ពិសិដ្ឋ អនុប្រធាននាយកដ្ឋានរដ្ឋបាលជលផល និងក្រុមការងារ បានចុះមកពិនិត្យសិក្សាស្វែងយល់អំពីការចិញ្ចឹមអន្ទុង នៅក្នុងកសិដ្ឋានមួយកន្លែង ស្ថិតនៅក្នុងភូមិក្តីត្នោត ឃុំស្រែថ្មីស្រុករលាប្អៀរ ខេត្តកំពង់ឆ្នាំង។ លោក ថូ វណ្ណា ម្ចាស់កសិដ្ឋានចិញ្ចឹមអន្ទុងបានរៀរាប់អំពីបទពិសោធន៍ក្នុងការចិញ្ចឹមអន្ទុងរបស់លោកជាង៥ឆ្នាំមកហើយនោះអោយដឹងថា៖ ២ឆ្នាំដំបូងដោយមិនទាន់មានបទពិសោធន៍ល្អ ការចិញ្ចឹមអន្ទុងក្នុងកសិដ្ឋានរបស់លោកបានបរាជ័យខាតលុយរាប់ម៉ឺនដុល្លា។ប៉ុន្តែក្នុង រយៈពេល៣ឆ្នាំចុងក្រោយនេះ ដោយសារការខិតខំព្យាយាមតស៊ូរៀនសូត្រយកបទពិសោធន៍មួយចំនួនពីស្រុកជិតខាងមក ការចិញ្ចឹមអន្ទុងរបស់លោកបានមានការរីកចំរើនល្អឡើងវិញ។
នៅក្នុងកសិដ្ឋានរបស់លោក មានអាងចិញ្ចឹមអន្ទុង២៩អាង ដែលអាងនិមួយៗមានទំហំ១៨ម៉ែត្រការ៉េ សព្វថ្ងៃកំពុងចិញ្ចឹមអន្ទុងចំនួន១៣អាង ក្នុង១អាងៗមានអន្ទុងចំនួន៣០០គីឡូ និងត្រូវចិញ្ចឹមថែទាំអោយចំណី ជារៀងរាល់ថ្ងៃ រយៈពេលពី៥ទៅ៦ខែ ទើបទទួលផល។
ជំហានដំបូងលោកបានជ្រើសរើសប្រមូលទិញ ពូជអន្ទុងដំណើបតូចៗ ក្នុង១គីឡូមានត
ម្លៃ ៧.០០០រៀល និងមានអន្ទុងជាង៣០ក្បាល ពីប្រជាកសិករក្នុងស្រុកមកដាក់ចិញ្ចឹម ក្នុងអាង
ហើយរើសអន្ទុងដាក់តាមប្រភេទ ធំដោយធំ តូចដោយតូច និងនៅក្នុងអាងត្រូវដាក់រនាបឬស្សី៦ទៅ៧ផ្ទាំង សំរាប់អោយអន្ទុងដេក។
ការអោយចំណី ក្នុង១ថ្ងៃត្រូវអោយចំណីម្តង អស់ពី៥ទៅ៧គីឡូ ក្នុង១អាងៗ នៅរៀងរាល់ព្រឹក ជាចំណីធម្មជាតិទិញមកពីប្រទេសជិតខាង និងត្រូវផ្លាស់ប្តូរទឹកក្នុងអាងជារៀងរាល់ថ្ងៃក្រោយពេលអោយចំណីរួច។ប្រភពទឹកដែលត្រូវផ្លាស់ប្តូរក្នុងអាងជាទឹកស្អាត ចេញពីអាងចំរោះបរិសុទ្ធ ដែលកត្តាទឹកនេះជាបញ្ហាចម្បងក្នុងការចិញ្ចឹម ទើបទទួលផលបានល្អ។
ការប្រមូលផល ក្រោយពីចិញ្ចឹមថែទាំរយៈពេលពី៥ខែទៅ៦ខែ អន្ទុងបានធំធាត់ដោយ
ក្នុង១គីឡូមានអន្ទុងពី៣ទៅ៤ក្បាល ហើយអាចលក់បានថ្លៃពី ១៨.០០០រៀល ទៅ២០.០០០រៀល នៅតាមទីផ្សារក្នុងស្រុក ហើយក្នុង១ឆ្នាំៗលោកអាចចិញ្ចឹមលក់បានចំនួន១៥តោន។
លោក សោម ភិរុណ នាយខណ្ឌ័រដ្ឋបាលជលផលកំពង់ឆ្នាំងបានវិភាគថា៖ការចិញ្ចឹមអន្ទុងតាមកសិដ្ឋានធំៗ ត្រូវចំណាយដើមទុនច្រើនរាប់ម៉ឺនដុល្លាទៅលើធុងចំរោះទឹកស្អាត អាងចិ ញ្ចឹម ចំណី ឈ្នួលកម្មរ ពេលវេលា និងដើមទុនសំរាប់ទិញអន្ទុង និងត្រូវមានបទពិសោធន៍ ការតស៊ូព្យាយាម ធត់ធ្មត់ ទើបចំណេញលុយបាន គឺមិនមែនជារឿងងាយពេកនោះទេ។ ប៉ុន្តែគេក៏អាចចិញ្ចឹមអន្ទុងតាមស្រះតូចៗ តាមអាងតូចៗ ជាលក្ខណៈគ្រួសាបានរផងដែរ ទៅតាមបទពិសោធន៍ការព្យាយាម និងពេលវេលា៕
