ខេត្តបន្ទាយមានជ័យ ផ្លូវ២ខ្សែ ស្ថិតនៅភូមិ២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យផ្លូវ២ខ្សែនេះពេលមានមេឃភ្លៀងមកម្តងៗផុកវាល់ដូចផ្លូវទៅឋាននរកអញ្ចឹងប្រជាពលរដ្ឋ និងសិស្សានុសិស្សជួបការលំបាកក្នុងការធ្វើដំណើរទៅមកយ៉ាងខ្លាំងជាច្រើនឆ្នាំមកហើយមកដល់ពេលនេះគេមិនទាន់ឃើញលោកអភិបាលខេត្តចុះមកធ្វើទៀត។ប្រជាពលរដ្ឋរស់នៅតាមផ្លូវនោះបាននាំគ្នានិយាយរិះគន់លោកអភិបាលខេត្តខ្លាំងៗថាផ្លូវ២ខ្សែមិនចេះធ្វើទុកឲ្យប្រជាពលរដ្ឋរស់នៅទីនេះទុក្ខលំបាកយ៉ាងខ្លាំងក្នុងការធ្វើដំណើរទៅមក។គាត់និយាយបន្តទៀតថាពេលខែវស្សាចរាចរណ៍ទៅមកនៅទីនោះត្រូវផ្អាក់ព្រោះវាវល់ខ្លាំងពេករង់ចាំដល់ស្ងួតផ្លូវទើបធ្វើចរាចរណ៍ទៅមកបានចំណែកខែប្រាំងវិញដីហុយសំពោងចូលច្រមុះធ្វើឲ្យសុខភាពរបស់ប្រជាពលរដ្ឋមានការទ្រុតទ្រមយ៉ាងខ្លាំង។ប្រជាពលរដ្ឋបាននិយាយបន្ត
ទៀតថាដោយរងចាំការធ្វើរបស់លោកអភិាបាលខេត្តមិនបានមានប្រជាពលរដ្ឋមួយចំនួននិងប្រធានភូមិកំពង់ស្វាយបានចូលលុយគ្នាទិញដីយកមកចាក់ផ្លូវមួយខ្សែដែលផ្លូវចុះពីផ្ទះលក់អេកចាយទៅក្រោមដើម្បីសំរួលចរាចរណ៍ទៅមក។លោក វ៉ៃ គេងលី អភិបាលរងក្រុងសិរីសោភ័ណបានប្រាប់ថា ផ្លូវ២ខ្សែនេះខ្សែទី១ដែលពីលិចទៅកើតមានប្រវែងជាង ១ពាន់ម៉ែត្រ និងខ្សែទី២ដែលពីត្បូងទៅជើងជាប់ខាងកើតផ្សារមានប្រវែង ៥០០ម៉ែត្រ ហើយផ្លូវនេះផងដែរគឺជាគម្រោងរបស់មូលនីធិឃុំ/សង្កាត់ដែលគ្រោងនឹងកសាងនៅឆ្នាំ២០១៦ខាងមុខ ហើយគម្រោងឃុំ/សង្កាត់នៅឆ្នាំ២០១៥នេះគឺកសាងផ្លូវអាប្រវែង ១៥០០ម៉ែត្រ ដែលឆ្លងកាត់ភូមិ/សង្កាត់កំពង់ស្វាយ ទៅដល់ភូមិចក សង្កាត់ព្រះពន្លា ដែលនឹងត្រូវកសាងនៅខែសីហា ឆ្នាំ២០១៥ ដោយមន្ទីសាធារណៈការ និងដឹកជញ្ជូនខេត្ត៕
