កំពង់ធំ = ឈ្មួញគោ ក្របី បានតំឡើងរឹកព្រមទាំងបានអួតអាងថា សម័យឥលូវដឹកគោ ក្របី និងជ្រូកពុំមានច្បាប់ទូទាំងប្រទេស ដោយសារតែ ច្បាប់មិនទាន់ចេញអោយដូចគ្នាទាំងអស់ ហើយម្យ៉ាងទៀតក្នុងខេត្តកំពង់ធំ លោកបាន ជួយខេត្តក្នុងមួយឆ្នាំ៣ទៅ៤ម៉ឺនដុល្លា គ្មាននណាហ៊ានបង្ក្រាបទេ មិនតែប៉ុណ្ណោះបានបង់ជូនមន្ត្រីជំនាញ និងអង្គភាពពាក់ ព័ន្ឋអស់ហើយដែរ។
ជារៀងរាល់ថ្ងៃមហាជនបានសង្កេតឃើញគោ ក្របី របស់លោក បូរ ដែលបានដឹកជញ្ជូនដោយគ្មានច្បាប់ បានដឹកដោយរលូន ពុំត្រូវបានសមត្ថកិច្ចបង្ក្រាប មិនតែប៉ុណ្ណោះលោក បូរ ដែលជាឈ្មួញគោ ក្របី បាននិយាយថា លោក បាន បង់ជូនបក្សក្នុងមួយឆ្នាំ ៣ទៅ៤ម៉ឺដុល្លា ដោយមិនចាំបាច់ធ្វើច្បាប់ក៏បានដែរ ដោយសារតែគេយោគយល់។
លោក ម៉ក៉ យុទ្ធនា អនុប្រធានមន្ទីរទទួលបន្ទុកពេទ្យសត្វ ខេត្តកំពង់ធំ បានឲ្យដឹងថា សម្រាប់ឈ្មួញគោ ក្របីដឹក នេះគឺគេធ្វើសកម្មភាពដឹកនេះ គឺគេបានរកចំណូលឲ្យខេត្តមែនគេបានបង់ត្រឹមត្រូវ ហើយការដឹកលើស គឺមានគាមើលតើ គេអ្នកនៅដើមទីហើយឆែកមើលតាំងពីពេលវេលាទៀត ចំណែកច្បាប់បើតាមស្មានប្រហែលជាផ្ញើរមកហើយ រីឯអាខាង ចុះត្រួតពិនិត្យគឺខាងពេទ្យសត្វ ខ្ញុំមកនៅឯណេះទាល់តែព្រះរាជអាជ្ញាហៅបានខ្ញុំទៅ ព្រោះមិនមែនជា សមត្ថកិច្ច របស់ខ្ញុំផង ចំណែកការបង់ជូនខេត្តនេះគឺគេមានដីការរបស់គេណា បើមិនអញ្ជឹងគេមិនអាចធ្វើអញ្ជឹងបានទេ ។
លោក ឆាង ប្រធានផ្នែក ពេទ្យសត្វក្រុងស្ទឹងសែន បានឲ្យដឹងថា លោកត្រៀមតែនឹងចាប់ទេ ឲ្យតែមានបទបញ្ចាពីលោក ម៉ក យុទ្ធនា ព្រោះគាត់ជាអនុប្រធានមន្ទីរពេទ្យសត្វ តែគេមិនអោយតំលៃទៅលើ ពេទ្យសត្វក្រុងស្ទឹងសែន គឺចាំតែធ្វើ ទេឲ្យតែមានបទបញ្ជារ ប៉ុន្តែមេៗពុំមានការគោរពសិទ្ធ ហើយពាក់ព័ន្ឋប្រើមន្ត្រីចូលនិវត្តជាសិទ្ធរបស់អស់លោកខាង លើ កន្លងមកបានសុំគោលការណ៍ ត្រួតពិនិត្យ ឡានដឹកជ្រូក មាន់ គោ ក្របី តែពុំមានការឯកភាព បច្ចុប្បន្នជ្រូកកាប់ ក្រៅសត្វឃាត ជ្រូកមានជំងឺ ពាសពេញ តែពុំត្រូវបានលោក ម៉ក យុទ្ធនា ចាត់វិធានការនោះទេ ចំណែកខ្ញុំមិនអាចចាប់បានទេ ដោយសារតែពុំមែនជាមន្ត្រីនគរបាលយុត្តធម៌ ពេលចាប់មក ពុំមានសិទ្ធក្នុងការ កសាងសំណុំរឿង និងពុំមានការទទួលខុសត្រូវ តែបើព្រះរាជអាជ្ញាបញ្ជាមក មេខ្ញុំមិនអោយទៅឲ្យខ្ញុំធ្វើម៉េ បើខ្ញុំរស់នៅជាមួយគេ តែជ្រូក គោ ក្របី ក្នុងមួយថ្ងៃចេញ៤ ទី៥ ឡាន ដាក់ច្បាប់ទៅភ្នំពេញ តែដឹកទៅវៀតណាម ហើយអត់មានបទបញ្ជា មេឲ្យខ្ញុំធ្វើម៉េច។
លោក ធីវ វណ្ណធី ប្រធានមន្ទីរកសិកម្ម ខេត្តកំពង់ធំ បានឲ្យដឹងថា ការចោទប្រកាន់ថា លោក បូរ ដែលជាឈ្មួញបាន អួតថា បានបង់ជូនបក្សក្នុងមួយឆ្នាំ ៣ទៅ៤ ម៉ឺនដុល្លានោះ លោកបានទទួលដំណឹងដែរ លោកកំពុងតែតាមដាន មន្ត្រីខិលខូចយ៉ាងម៉តចត់ ដើម្បីសួរនាំ លោក បានជឿជាក់ថា ឯកឧត្តម អភិបាលខេត្តកំពង់ធំ ពុំមានការពាក់ព័ន្ឋក្នុងរឿងនេះជាដាច់ខាត ហើយនេះជាកន្ទេលធំបន្លំដេកហើយ ។
ពាក់ព័ន្ធទៅនិងបញ្ហានេះ ឯកឧត្តម អ៊ុត សំអន អភិបាលខេត្តកំពង់ធំបានមានប្រសាសន៍ថារឿងនេះឯកឧត្តម បាន ទទួលព័ត៌មានអញ្ចឹងដែរ គឺទី១ គឺបានប្រាប់ឲ្យទៅលោក ប្រធានមន្ទីរហៅ លោក បូរ មកសួរនាំ អំពីយកឈ្មោះខ្ញុំទៅប្រើ អំពីការបង់ចំណូលខេត្ត ហើយឲ្យយក វិក័យបត្រ មកដាក់ដោយបុគ្គលដែលបានអនុឡោមពីក្រសួងថា នាំចូលមកប៉ុន្មានៗអញ្ចឹង ទី២ គឺឲ្យសមត្ថកិច្ច ត្រួតពិនិត្យរថយន្តដឹកជ្រូក គោ ក្របី បើពិនិត្យថា មានលើសចំនួនក្នុងច្បាប់ និង ពុំមានលិខិតត្រឹមត្រូវ និងឲ្យសមត្ថកិច្ចចាប់។
ដោយ ប៊ុន រដ្ឋា
