កំពង់ធំ=មានការភ្ញាក់ផ្អើលមួយបានកើតឡើងក្នុងក្រុងស្ទឹងសែននៅវេលាម៉ោង៤,៤០ល្ងាចថ្ងៃទី២៨ ខែមេសាឆ្នាំ២០១៤ក្នុងនោះគេឃើញមនុស្សប្រុស ស្រីជាច្រើនកំពុងរត់បាតជើងសរព្រៀតមកឈរមើលយ៉ាងច្រើនត្រៀតត្រានៅផ្នែកខាងក្រៅហាងមួយសន្ទុះក្រោយមកគេឃើញមានរថយន្ដពន្លត់អគ្គិភ័យបានមកដល់ធ្វើអោយរឹតតែភ្ញាក់ផ្អើលយ៉ាងខ្លាំងថែមទៀតព្រមទាំងមានសមត្តិកិច្ចមកជាមួយផង។
តាមប្រភពពត៍មានពីរប្រជាពលរដ្នដែលរស់នៅក្បែរនោះបានអោយដឹងថានៅពេលកើតហេតុភ្លាមគេបានលឺស្នូរផ្ទុះឃ្ដាំង ព្រមទាំងមានអណ្ដាតភ្លើងផងដោយនឹកស្មានថារន្ទះបាញព្រោះមេឃស្រទុំចង់រកភ្លៀង ដោយមិននឹកស្មានថាផ្ទុះធុងហ្គាសសោះ មួយសន្ទុះគេលឺសំលេងរថយន្ដពន្លត់អគ្គិភ័យមកដល់ក៏នាំគ្នារត់ឈូរឆរទៅមើលស្រាប់តែឃើញភ្លើងកំពុងឆេះសន្ធរ
សន្ធៅក្នុងហាងផ្កាយរាត្រីផ្នែកខាងក្រោយកន្លែងធ្វើម្ហូបតែត្រូវបានបុគ្គលិកក្នុងហាងពន្លត់អោយរលត់ទៅវិញក្នុងប៉ុន្មាននាទីក្រោយមក ក្នុងហេតុការណ៍នោះក៏មានមនុស្សម្នាក់របួសសុះពេញខ្លួនម្នាក់ ដែលគេស្គាល់ថាជាថៅកែហាងផ្កាយរាត្រីដែលមានឈ្មោះ គៀតរឿន អាយុ៤២ឆ្នាំ និងប្រពន្ធឈ្មោះ អឿនណារី អាយុ៣៥ឆ្នាំរស់នៅក្នុងភូមិទី១ សង្កាត់កំពង់ធំ ក្រុង
ស្ទឹងសែន ខេត្តកំពង់ធំ ។ក្នុងនោះដែរសមត្តិកិច្ចបានធ្វើកំណត់ហេតុ ចំណែកអ្នករង់គ្រោះបានបញ្ចូនទៅមន្ទីរពេទ្យភ្លាមៗ ឯមូលហេតុដែលផ្ទុះធុងហ្គាសនេះអ្នកប្រចាំការក្នុងហាងបានប្រាប់អោយដឹងថាមកពីរត្រយ៉ូធ្លាយចេញហ្គាសមកក្រៅកាលពីរថ្ងៃម្សិលមិុញតែមិនបានដូរត្រយ៉ូថ្មីចេញរហូតមកដល់ថ្ងៃនេះថៅកែរូបនេះបានទៅសារ៉េត្រយ៉ូហ្គាស់ដែលកំពុងចង្អិនម្ហូបក៏ស្រាប់តែឆាបឆេះតែម្ដង៕ 
