ខេត្តកំពង់ឆ្នាំង៖ការព្យាបាលជម្ងឺរបស់លោកគ្រូម្ជុលពេជបែបវេទមន្តអាគមគាថា នៅក្នុងភូមិចន្លោះរេន ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដោយបានយកម្ជុល មកព្យាបាលជម្ងឺដោយអំពើអាបធ្មប់ដកបានសុទ្ធតែឆ្អឹង ត្រូវបានប្រជាពលរដ្ឋមកពីស្រុកខេត្តមួយចំនួនមានជំនឿ និងបាននាំគ្នាមកព្យាបាលជម្ងឺក្នុងមួយថ្ងៃរាប់រាប់សិបនាក់ ដែលមើលទៅទំនងជាមាន
អ្នកជាច្រើននាក់ ទើបមានគេជឿជាយូរឆ្នាំមកដល់ពេលនេះ។
នៅរសៀលថ្ងៃទី៣០ ខែសីហា ឆ្នាំ២០១៥ អ្នកយកព័ត៌មានយើងបានចុះស្វែងយល់អំពី
ការព្យាបាលខាងលើនេះ បុរសម្នាក់មានទីលំក្នុងភូមិចន្លោះរេន ឃុំស្វាយជ្រុំ ស្រុករលាប្អៀរ នៅខាងលិចផ្ទះលោកគ្រូម្ជុលពេជ បានអោយអ្នកយកព័ត៌មានយើងដឹងថា៖ លោកគ្រូម្ជុលពេជ
ឈ្មោះពិតរបស់គាត់គឺ ជា សារា ហៅកឹង អាយុជាង៣០ឆ្នាំ មានប្រពន្ធនិងកូន៤នាក់ ដោយគាត់បានធ្វើគ្រូព្យាបាលជម្ងឺដូចខាងលើនេះរយះពេល៧ឆ្នាំហើយ។
ដំបូងឡើយគាត់បានដេកយល់សប ខ្មោចអោយម្ជុលពេជមួយដើម ដើម្បីទុកអោយជួយ ព្យាបាលជម្ងឺអំពើធ្មប់អាបអោយអ្នកស្រុក ដោយមិនកំណត់អោយដាក់លុយទំនឹបគ្រូធំដុំឡើយ
ហើយលុយដែលបានមកពីការព្យាបាលត្រូវយកទៅធ្វើបុណ្យ អោយបានច្រើនមិនត្រូវយកទុក
ធ្វើជាកម្មសិទ្ទទាំងអស់នោះឡើយ ទើបការព្យាបាលសាកសិទ្ធ។
ក្នុងការព្យាបាលយើងឃើញអ្នកជម្ងឺនាំគ្នា យកស្លឹកត្រួកួនត្រគែចមកបុកអោយម៉ត់ធ្វើជាថ្នាំ ហើយប្រគល់ជូនលោកគ្រូម្ជុលពេជនៅមុខអាសនៈគ្រូនៅលើផ្ទះ បន្ទាប់មកលោកគ្រូបានយកថ្នាំន៉មកផ្ទាប់ជាមួយម្ជុលពេជ ដកយកឆ្អឹងពីលើចំណុចខ្លួនប្រាណរបស់អ្នកជម្ងឺដែលមាន
ការឈឺចាប់ ហើយអ្នកដែលត្រូអំពើគេធ្វើនឹងដកបានឆ្អឹងនៅលើខ្លួនប្រាណដែលកន្លែងឈឺចា
ប់ ចំពោះអ្នកមិនត្រូអំពើគេ គឺដកមិនបានអីទេដែលគេថាជាជម្ងឺខ្លួនឯង ហើយអ្នកមកព្យាលជ
ម្ងឺភាគច្រើន គឺដកបានឆ្អឹងដុំតូចៗ ២ទៅ៣ដុំ ឃើញនឹងភ្នែកច្បាស់មិនជឿក៏មិនកើត និងភាគច្រើនអ្នកជម្ងឺដាក់ទំនឹបជូនលោកគ្រូក្នុងម្នាក់ៗ ៥ពាន់រៀលទើបសមរម្យ តែគ្រូមិនកំណត់ទេ។
នៅម៉ោង១និង៣០នាទីថ្ងៃទី៣០ ខែសីហា អ្នកយកព័ត៌មានយើងបានរាប់អ្នកជម្ងឺផ្ទាល់ដៃទាំងនៅលើផ្ទះលោកគ្រូ និងនៅក្រៅផ្ទះ ដែលមកព្យាលបាលជម្ងឺមានចំនួន៦៣នាក់ ដែលនេះ
មិនគិតចំនួនអ្នកជម្ងឺមកពីព្រឹកនោះទេ។អ្នកស្រុកនៅក្នុងភូមិអោយដឹងថា ថ្ងៃសៅរ៍ និងថ្ងៃអាទិ
ត្យគឺមានអ្នកជម្ងឺរាប់រយនាក់មកពីខេត្តឆ្ងាយៗ ចំណែកខុសនេះ មានអ្នកជម្ងឺតិចជាង។
ប្អូនប្រុសម្នាក់ជាអ្នករត់រ៉ឺម៉កម៉ូតូបានអោយដឹងថា ប្អូនដឹកអ្នកជម្ងឺ៦នាក់មកពីខេត្តកំពង់ចា
ម គឺប្អូនបានមក៣ដងហើយ ចំណែកប្អូនប្រុសម្នាក់ជាអ្នតបើករថយន្តតាក់ស៊ីតូរីស ប្រាប់ថាប្អូ នដឹកអ្នកឈឺមកពីភ្នំពេញមកទីនេះ៤ដងមកហើយ ប្អូនគិតថាប្រហែលជាមានអ្នកជាច្រើនទើបគេមានជំនឿមកទីនេះ បើចង់ដឹងសាកមើលទៅគឺមិនផ្សាយលើកជើងគ្រូទេ៕
