កំពង់ធំ = ឈ្មួញដឹកគោ ក្របី បានតំឡើងរឹកព្រមទាំងបានអួតអាងថា សម័យឥឡូវការដឹកគោ ក្របី និងជ្រូកពុំមានច្បាប់ទូទាំងប្រទេស ហើយម្យ៉ាងទៀតក្នុងខេត្តកំពង់ធំ គ្មាននណាហ៊ានបង្ក្រាបទេ ព្រោះលោកឈ្មួញថាបានបង់ជូនមន្ត្រីជំនាញ និងអង្គភាពពាក់ ព័ន្ឋអស់ហើយ 
មហាជនក៏ដូចជាមន្ដ្រីរាជការ បានប្រាប់អោយដឹងថាតាមការ សង្កេតមើលឃើញថា គោ ក្របី របស់លោក ឆោម សំ បូរ ដែលបានដឹកជញ្ជូនដោយគ្មានច្បាប់បានយ៉ាងរលូនពុំត្រូវបានសមត្ថកិច្ចបង្ក្រាប នោះទេព្រោះលោក ឆោម សំបូរ បាននិយាយថា លោក បាន បង់លុយជូនបក្ស ៣ទៅ៤ម៉ឺដុល្លាក្នុង១ឆ្នាំ ដោយមិនចាំបាច់ធ្វើច្បាប់ក៏បានដែរ ព្រោះគេយោគយល់ ហើយមន្ដ្រីដែលចុះឆែកឆេរក៏ពុំហ៊ានធ្វើនោះដែរ ចំណែកប្រជាពលរដ្នដែលបានបាត់គោ ក្របី ពុំដែលរកឃើញម្ដងណាទេ ដោយសារតែការដឹកគោ ក្របីអត់ច្បាប់នេះ។ 
លោក ម៉ក៉ យុទ្ធនា អនុប្រធានមន្ទីរ ទទួលបន្ទុកពេទ្យសត្វ ខេត្តកំពង់ធំ បានឲ្យដឹងថា សម្រាប់ឈ្មួញដឹកគោ ក្របីដែលដឹកចេញនេះ គឺគេបានរកចំណូលបង់អោយឲ្យខេត្តយ៉ាងត្រឹមត្រូវ ហើយការដឹកលើស គឺមានគេពិនិត្យមើលពីដើមទី ព្រមទាំងកំណត់ពេលវេលាទៀតផង ចំណែកច្បាប់បើតាមស្មានប្រហែលជាផ្ញើរមកហើយ រីឯអ្នកចុះត្រួតពិនិត្យគឺខាងពេទ្យសត្វ ទាល់តែព្រះរាជអាជ្ញាហៅបានខ្ញុំទៅ ព្រោះខ្ញុំមិនមែនជាសមត្ថកិច្ចទេ ចំណែកការបង់ជូនខេត្តនេះគឺគេមានដីការរបស់គេ បើមិនអញ្ជឹងគេមិនអាចធ្វើអញ្ជឹងបានទេ ។
លោក តាន់ម៉ែងឆាង ប្រធានផ្នែក ពេទ្យសត្វក្រុងស្ទឹងសែន បានឲ្យដឹងថា លោកត្រៀមខ្លួនជានិច្ចនិង ចុះចាប់ ឲ្យតែមានបទបញ្ចាពីលោក ម៉ក យុទ្ធនា អនុប្រធានមន្ទីរពេទ្យសត្វ តែលោកពុំបានផ្ដល់តំលៃអោយទៅលើ ពេទ្យសត្វក្រុងស្ទឹងសែនទេ ហើយក៏ពុំមានការគោរពសិទ្ធគ្នាដែរ ពាក់ព័ន្ឋទៅនិងការប្រើមន្ត្រីចូលនិវត្តជាសិទ្ធរបស់អស់លោកខាងលើ កន្លងមកខ្ញុំបានសុំគោលការណ៍ចុះ ត្រួតពិនិត្យ ឡានដឹកជ្រូក គោ ក្របី តែពុំមានការឯកភាព បច្ចុប្បន្នជ្រូកកាប់ ក្រៅសត្វឃាត ជ្រូកមានជំងឺ ពាសពេញ តែពុំត្រូវបានលោក ម៉ក យុទ្ធនា ចាត់វិធានការនោះទេ ចំណែកខ្ញុំមិនអាចចាប់បានទេ ដោយសារតែខ្ញុំពុំមែនជាមន្ត្រីនគរបាលយុត្តធម៌ ពេលចាប់មក ពុំមានសិទ្ធក្នុងការកសាងសំណុំរឿង និងពុំមានការទទួលខុសត្រូវ ពីព្រះរាជអាជ្ញាបញ្ជាមក ម្យ៉ាងបើមេខ្ញុំមិនអោយទៅឲ្យខ្ខ្ញុំៗក៏ហ៊ានទៅដែរព្រោះខ្ញុំរស់នៅក្រោមបញ្ចាគេ ប៉ុន្ដែជ្រូក គោ ក្របី ក្នុងមួយថ្ងៃចេញ៤ ទី៥ ឡាន ដាក់ច្បាប់ទៅភ្នំពេញ តែបែរជាដឹកទៅវៀតណាមទៅវិញ ។
លោក ធីវ វណ្ណធី ប្រធានមន្ទីរកសិកម្ម ខេត្តកំពង់ធំ បានឲ្យដឹងថា ការចោទប្រកាន់ថា លោកឆោមសំ បូរ ដែលជាឈ្មួញបាន អួតថា បានបង់ជូនបក្សក្នុងមួយឆ្នាំ ៣ទៅ៤ ម៉ឺនដុល្លានោះ លោកបានទទួលដំណឹងដែរ លោកកំពុងតែតាមដាន មើលមន្ត្រីខិលខូចយ៉ាងម៉តចត់ ដើម្បីសួរនាំអោយបានជាក់លាក់ លោកបានជឿជាក់ថា ឯកឧត្តម អភិបាលខេត្តកំពង់ធំ ពុំមានការពាក់ព័ន្ឋក្នុងរឿងនេះជាដាច់ខាត ហើយនេះប្រហែលជាកន្ទេលធំបន្លំដេកហើយ ។
ពាក់ព័ន្ធទៅនិងបញ្ហានេះ ឯកឧត្តម អ៊ុត សំអន អភិបាលខេត្តកំពង់ធំបានមានប្រសាសន៍ថារឿងនេះឯកឧត្តម បាន ទទួលព័ត៌មានអញ្ចឹងដែរ គឺទី១ គឺប្រាប់ឲ្យទៅលោក ប្រធានមន្ទីរហៅ លោកឆោម សំ បូរ មកសួរនាំ អំពីយកឈ្មោះខ្ញុំទៅប្រើប្រាសនិងការបង់ចំណូលចូលខេត្ត ហើយឲ្យយក វិក័យបត្រ មកដាក់និងបុគ្គលិកដែលបានអនុឡោមពីក្រសួងថាអោយនាំចូលមកប៉ុន្មាន ទី២ គឺឲ្យសមត្ថកិច្ច ត្រួតពិនិត្យរថយន្តដឹកជ្រូក គោ ក្របី បើពិនិត្យថា មានការដឹកលើសចំនួនក្នុងច្បាប់ និង ពុំមានលិខិតត្រឹមត្រូវ និងឲ្យសមត្ថកិច្ចចាប់។
ដោយ ប៊ុន រិទ្ធី
