សៀមរាប៖ ទីតាំងហាងម៉ាស្សាបង្កប់សេវាផ្លូវភេទមួយកន្លែងត្រូវបាន តំណាងអយ្យការអមសាលាដំបូងខេត្តសៀមរាបដឹកនាំមន្ត្រីប៉ូលិសការិយាល័យប្រឆាំងការជួញដូរមនុស្សនិងការពារអនីតិជនខេត្តធ្វើការចុះបង្ក្រាបដោយខ្លួនថៅកែប្ដីប្រពន្ធទាំង២នាក់រួមជាមួយនារី៧នាក់ផងដែរ
។
ប្រតិបត្តិការចុះបង្ក្រាបនេះនៅវេលាម៉ោង១០និង១៥នាទីយប់ថ្ងៃទី២៨ខែមេសាឆ្នាំ២០១៤ដោយហាងម៉ាស្សាមាន(យីហោពេញចិត្ត)ស្ថិតនៅភូមិស្ទឹងថ្មីសង្កាត់ស្វាយដង្គុំក្រុង.ខេត្តសៀមរាបដែលដឹកនាំដោយលោកសំរិទ្ធសាខុនតំណាងអយ្យការអមសាលាដំបូងខេត្ត។
លោកស្រីវរសេទោដួងថាវរីនាយការិយាល័យប្រឆាំងការជួញដូរមនុស្សនិងការពារអនីតិជនខេត្តបានឲ្យដឹងថាការចុះបង្ក្រាបនេះដឹកនាំដោយព្រះរាជអាជ្ញារងខេត្តដោយសមត្ថកិច្ចបានឃាត់ខ្លួននារី៧នាក់និងថៅកែជាប្ដីប្រពន្ធ(ប្ដីឈ្មោះឈៀងគង់អាយុ៣៨ឆ្នាំជនជាតិខ្មែរប្រពន្ធឈ្មោះអៀងគឹមឡៃអាយុ៤២ឆ្នាំស្រុកកំណើតនៅភូមិ.ឃុំព្រះពន្លាក្រុងសេរីសោភ័ណខេត្តបន្ទាយមានជ័យ ។បានមកជួលផ្ទះខាងលើរកស៊ីតាំងពីខែ៧ឆ្មាំ២០១១មកម្លេះ។
លោកស្រីបន្ថែមថាករណីសញ្ចរកម្មនេះការិយាល័យបានរៀបចំកសាងសំណុំរឿងបញ្ជូនទៅតុលាការក្នុងថ្ងៃទី២៩នេះចំណែកស្ត្រីបំរើសេវាផ្លូវភេទទាំង៧នាក់នោះនិងត្រូវបញ្ជូនទៅមន្ទីរសង្គមកិច្ច។
