បន្ទាយមានជ័យ៖ ព្រឹកថ្ងៃទី៣ខែកញ្ញាឆ្នាំ២០១៥នៅសាលប្រជុំសាលាខេត្តបន្ទាយមានជ័យបានបើកកិច្ចប្រជុំត្រួតពិនិត្យលើផ្ទៃដីបឹងបួររបស់រដ្ឋក្នុងខេត្តបន្ទាយមានជ័យ។លោកលីសារីអភិបាលរងខេត្តបន្ទាយមានជ័យបានដាក់វិធានការដល់មន្ត្រីស្ថាប័នពាក់ព័ន្ធស្រុក/ក្រុងសូមឲ្យ
ត្រួតពិនិត្យឡើងវិញលើផ្ទៃដីរបស់រដ្ឋក្នុងខេត្តឆ្នាំ២០១៥។លោក លី សារី អភិបាលរងខេត្តបន្ទាយមានជ័យបានមានប្រសាសន៍ថាខេត្តបន្ទាយមានជ័យមានផ្ទៃដីសរុបរបស់ខេត្តប្រវែង៦.៦៧៩គីឡូម៉ែត្រការ៉េ ក្នុងនោះមានផ្ទៃដីដាំដុះចំនួន៣៦៣,៦៥៧ហិកតា ក្នុងនោះផ្ទៃដីស្រែចំនួន៣០៨,៩០៧ហិកតា ផ្ទៃដីព្រៃភ្នំចំនួន១៦៤,៣៦១ហិកតា មានផ្ទៃដីស្ទឹង.បឹងបួរចំនួន៤០,៥៧១ហិកតា ផ្ទៃដីលំនៅដ្ឋានចំនួន៩៩.៣១១ហិកតា។លោកបានរំលឹកថាក្នុងខេត្តបន្ទាយមានជ័យគឺមានដីទំនាស់ដីធ្លីដែលមិនទាន់ដោះស្រាយបញ្ចប់មានពាក់ព័ន្ធនិងដីបុគ្គលនិងរដ្ឋមានកើតឡើងដូចជាការរំលោភបំពានពីសំណាក់អ្នកមានអំណាចនិងមានលុយនិងប្រជាពលរដ្ឋដូចជាការរំលោភយកដីព្រៃរដ្ឋនិងចាក់ដីរំលោភចំណីមាត់ស្ទឹងនិងអូរបឹងបួរជាដើម។លោកបានជុំរុញឲ្យមន្ត្រីជំនាញស្រុក/ក្រុងត្រូវយកចិត្តទុកដាក់ត្រួតពិនិត្យនិងស្រង់ស្ថិតិផ្ទៀងផ្ទាត់ឡើងវិញតើបាត់បង់ដីរដ្ឋអស់ប៉ុន្មាននិងនៅសល់ប៉ុន្មាន។លោកលីសារីបានដាក់វិធានការដល់មន្ត្រីស្ថាប័នពាក់ព័ន្ធនិងស្រុក/ក្រុងឲ្យធ្វើការត្រួតពិនិត្យដីធ្លីមានដីសរុបស្រុក/ក្រុងដូចជាផ្ទៃដីដាំដុះ ផ្ទៃដីស្រែ ដីព្រៃភ្នំ ផ្ទៃដីស្ទឹង.បឹងបួរ ផ្ទៃដីលំនៅដ្ឋាន ដើម្បីផ្ទាងផ្ទាត់ឡើងវិញក្នុងឆ្នាំ២០១៥នេះ៕
