ស្ទឹងត្រែង៖នៅព្រឹកថ្ងៃទី០៣ខែសីហានេះកុមារកំព្រាចំនួន៥នាក់នៅភូមិវាលព្រីងសង្កាត់សាមគ្គីក្រុងស្ទឹងត្រែងទទួលបានអំណោយពីកាកបាតក្រហមកម្ពុជា រួមមានថវិកា អង្ករ គ្រឿងឧបភោគបរិភោគ និងសម្ភារៈប្រើប្រាស់មួយចំនួនក្នុងពេលដែលកុការទាំងនេះ ស្ថិតនៅគ្មានអ
នាព្យាបាល ហើយអង្កការផ្ទះកុមារ ត្រៀមជូយយកទៅចិញ្ចឹម។
លោកចូសសេ តេហ្សិន ម្ចាស់ជំនួយអង្គការផ្ទះកុមារនៅស្រុកថាឡាបរិវ៉ាត់ខេត្តស្ទឹងត្រែងបានបញ្ជាក់ថា៖ផ្ទះកុមារហ្នឹងទទួលយកកុមារកំព្រា ទៅចិញ្ចឹមបីបាច់ថែរក្សាឲ្យតែកុមារទាំងនោះ មានការទទួលយល់ព្រមពីអាជ្ញាធរមូលដ្ឋាន និងក្រុមគ្រូសារត្រឹមត្រូវដើម្បីជួយកុមារទាំងនេះ ឲ្យបានរៀនសូត្រដូចកុមារឯទៀត។
លោកបន្ថែមថា៖ការទាមទារបែបនេះគឺចង់ឲ្យមានការធានាខុសត្រូវចំពោះមុខច្បាប់និងអាចចៀសវាងបាននូវការចោទប្រកាន់ពី ការកេងប្រវញ្ញ័ទៅលើកំលាំងកុមារ ដោយសារបច្ចុប្បន្នយើងកំពុងរួមគ្នាទប់ស្កាត់ការជួញដូរមនុស្សនិងការជួញដូរផ្លូវភេទលើស្ត្រីនិងកុមារនោះ។
លោកប៊ុនណារីអភិបាលក្រុងស្ទឹងត្រែងបានបញ្ជាក់ថា៖ចំពោះកុមារទាំង៥នាក់នេះលោកនិងពិភាក្សាជាមួយអង្កការកុមារកំព្រាស្រុកថាឡាបរិវ៉ាត់ ដើម្បីយកកុមារទាំងនោះ ទៅចិញ្ចឹមបីបាច់ថែរក្សានិងឲ្យបានរៀនសូត្រដូចគេឯង។
លោកអភិបាលក្រុងបានស្នើឲ្យប្អូនប្រុសមេង នាងអាយុ ២០ឆ្នាំជាបងបង្កើតពេលទទួលបាននូវអំណោយពីកាកបាត និងពីសប្បុរសេជនហើយនេះ ត្រូវយកចិត្តទុកដាក់គ្រប់គ្រងនិងថែរក្សាប្អូនៗឲ្យបានល្អពេលមានជំងឺឈឺស្កាត់ត្រូវនាំប្អូនៗទៅជូបគ្រូពេទ្រដែលនៅជិតបំផុត។
សូមបញ្ជាក់ថា៖កុមារដែលទទួលបានអំណោយនេះ ទី១ឈ្មោះមេង នាង អាយុ២០ឆ្មាំ ភេទប្រុសទី២ ឈ្មោះមេង លន់អាយុ១៣ឆ្នាំភេទស្រី ទី៣ ឈ្មោះ មេងខួចអាយុ១១ឆ្នាំភេទស្រី ទី៤ ឈ្មោះមេង ឃនភេទស្រី អាយុ៦ឆ្នាំ និងទី៥ ឈ្មោះមេង សំណាង ភេទប្រុសអាយុ៣ឆ្មាំត្រូវម្តាយស្លាប់ចោល ជាងពីឆ្នាំហើយ ចំណែកឪពុកមានទៅរស់នៅជាមួយប្រពន្ធក្រោយ ទុកកូនចោលនៅតែជាមួយបងប្អូន គ្មានការថែរក្សានិងគ្រប់គ្រងឲ្យបានរៀនសូត្រនោះទេ៕
