ស្ទឹងត្រែង៖ក្នុងដំណើរចុះពិនិត្យអាគាររងចាំផ្នែកទេសចរណ៏នៅច្រកទ្វារអន្តរជាតិ ត្រពាំងគ្រៀល កម្ពុជា ឡាវ សំរាប់ភ្ញៀវទេសចរណ៏ចេញចូលនៅច្រកទ្វារអន្តរជាតិត្រពាំងគ្រៀល ព្រឹកថ្ងៃទី០២ខែកញ្ញានេះ ត្រៀមសម្ពោធដា ក់ឲ្យប្រើប្រាស់នៅដើមឆ្នាំ២០១៦ខាងមុខតែ
អាគារនេះមានស្នាមបាក់ខូចផ្នែកមួយ ចំនួនហើយអាជ្ញាធរខេ ត្តតម្រូវឲ្យក្រុមហ៊ុនធ្វើការជួសជុលឡើងវិញ។
លោក កុល សំអុល អភិបាលខេត្តស្ទឹងត្រែង មានប្រសាសន៍ថា៖អាគាររងចាំនេះត្រូវតែធ្វើការជួសជុលនិងកែលំអរឡើងវិញ ហើយផ្នែកបច្ចេកទេសត្រូវពិនិត្យពីគុណភាពសំណង់មុនពេលធ្វើកិច្ចសន្យាប្រគល់ទទួលយកមកប្រើប្រាស់ ។
លោកអភិបាលខេត្តបានមានប្រសាសន៍បន្តថាថា៖ ការទាមទារបែបនេះគឺចង់ឲ្យសមិទ្ធផលថ្មីមួយនេះមានគុណភាព បំរើផ្នែកសេវាកម្មទេសចរណ៏ធ្វើបដិសណ្ឋាកិច្ចចំពោះភ្ញៀវបានល្អនិងធានាបាននូវសុវត្តិភាព ដែលក៏ជាផ្នែកមួយលើកទឹកចិត្តដល់ភ្ញៀវប្រយោជន៍ធ្វើ ឲ្យវិស័យទេសចរណ៏មានការរីកចំរើននិងទាក់ទាញភ្ញៀវមកលេងនៅខេត្តរបស់យើងបានច្រើន។
លោកអភិបាលខេត្តមានប្រសាសន៏ទៀតថា៖យន្តការនេះផ្នែកនាយករដ្ឋបាលធ្វើការទាក់ទងទៅក្រុមហ៊ុនដែលបានសាងសង់អាគារនេះឲ្យមកពិនិត្យនូវសំណង់របស់ខ្លួនឡើងវិញ ដើម្បីយើងរៀបចំបំពាក់សម្ភារៈបំរើឲ្យវិស័យទេសចរណ៏ឲ្យមានគុណភាពមុននិងដាក់សម្ពោធឲ្យប្រើប្រាស់នោះ។
លោកចៅមុន្នីរ៉ានាយករដ្ឋបាលសាលាខេត្តបានទទួលស្គាល់ថា៖តាមការពិនិត្យជាក់ស្តែងអាគារនេះមានខូចបាក់បែកមួយចំនួនគួរឲ្យព្រួយបារម្ភណ៏មែនហើយសមិទ្ធផលថ្មីនេះក្រសួងមហាផ្ទៃជាអ្នកទទួលខុសត្រូវដូចនេះការជួសជុលឡើងវិញពិតជាមានភាពងាយស្រួលពីព្រោះសាលាខេត្តស្ទឹងត្រែងមិនទាន់បានទទួលយកផ្លូវការទេគ្រាន់តែមានភារកិច្ចត្រួតពិនិត្យជាជំហ៊ានដំបូងតែប៉ុណ្ណោះ។
លោកនាយករដ្ឋបាលបានអះអាងថាៈសាលាខេត្តនិងធ្វើរបាយកាណ៏ស្តីពីការខូចខាតជូនទៅក្រសួងមហាផ្ទៃដើម្បីជូនជ្រាបជាព័ត៌មានហើយការធ្វើការសម្រួលយ៉ាងណានោះវាជាមជ្ឈការរបស់ក្រសួងមហាផ្ទៃ។
សូមបញ្ជាក់ថាៈនៅច្រកទ្វារព្រំដែនអន្តរជាតិត្រពាំងក្រៀល បច្ចុប្បន្នមានរថយន្តទេសរណ៍បន្តចេញចូលភាគច្រើនទុកភ្ញៀវចោលឲ្យរងចាំរថយន្តផ្ទេរ ចុះផ្ទេរឡើងធ្វើឲ្យភ្ញៀវជួបការលំបាកធុញទ្រាន់និងអាក់អន់ចិត្តដោយសាអាគាររងចាំនេះសាងសង់រួចជាង១ឆ្នាំហើយមិនទាន់បានប្រើប្រាសនូវឡើយ ៕
