ពោធិ៍សាត់ ៖ ទូរស័ព្ទដៃមួយគ្រឿងប្រភេទ iPhone បានឆក់យកជីវិតបុរសម្នាក់ស្លាប់យ៉ាងទាន់ហន់ពេលដែលបញ្ជូនដល់មន្ទីពេទ្យចំងាយពីផ្ទះប្រមាណជាពីទៅបីរយម៉ែត្រប៉ុណ្ណោះ ដោយសាតែបុរសនេះ ប្រើប្រាស់ខុសបច្ចែកទេសក្នុងពេលបញ្ចូលថ្មទូរស័ព្ទនេះ។
ហេតុការណ៍ដ៍ភ្នាក់ផ្អើលនេះបានកើតឡើងកាលពីវេលាម៉ោង៧និង៣០នាទីថ្ងៃទី២ ខែកញ្ញា ឆ្នាំ២០១៥ នៅចំណុចក្រោមផ្ទះជនរងគ្រោះស្ថិតក្នុងភូមិសំរោង ឃុំក្បាលត្រាច ស្រុកក្រគរ ខេត្តពោធិ៍សាត់។
លោក ខៀវ សុធា មេភូមិសំរោងបានប្រាប់កម្ពុជាថ្មីនៅព្រឹកថ្ងៃទី៣កញ្ញាថា ជនរងគ្រោះឈ្មោះ អាន សារិទ្ធ អាយុ២៦ឆ្នាំ មានទីលំនៅភួមិកើតហេតុខាងលើ ។ ដោយជនរងគ្រោះនោះបានទៅងូតទឹកក្បែរផ្ទះនោះរូចរាល់ហើយ បុរសនោះមិនបានប្រើកន្សែងសម្អាតជូតខ្លួនប្រាណឲ្យស្ងួតខ្លួនឡើយ ហើយក៍ដើរទៅក្រោមផ្ទះទាំងសើមខ្លួនសុតតែជាតិទឹក ព្រមទាំងមិនបានពាក់ទ្រនាប់ស្បែកជើងទៀត ក៍ទៅចាប់ទូរស័ព្ទ iPhone ដោតឌុយឆ្នាំងសាករូច ដៃម្ខាងកាន់ទូរស័ព្ទ ដៃម្ខាងកាន់ឆ្នាំងសាកទូរស័ព្ទ ក៍ដោតឌុយឆ្នាំងសាកនោះទៅភ្ជាប់និងព្រីភ្លើងដែតតភ្ជាប់ពីចរន្តអគ្គិសនីរបស់រដ្ឋ ដើម្បីបញ្ចូលថ្មឲ្យមានភ្លើង ។ ដោយខុសបច្ចែកទេសពេលដែលដោតភ្ជាប់ភ្លាមត្រូវចរន្តអគ្គិសនីនោះ ដូចជាច្រាល់ភ្លើងឆ្លងចរន្តបែកផ្កាភ្លើង ក៍ឆក់ជនរងគ្រោះនោះខ្ទៀតចេញពីព្រីភ្លើងបណ្ដលឲ្យបុរសរងគ្រោះនោះគាំងបេះដូងត្រដខ្យល់ និយាយលេងចេញញ័ខ្លួនប្រាណគ្រប់កន្លែង ភ្លាមនោះក្រុមគ្រួសារក៍ស្ទុះទៅចាប់បីហើយរិទ្ធធ្វើចលនាបេះដូង រូចត្រូវដឹកទៅមណ្ឌលសុខភាពក្រគរដើមិបីសង្គ្រោះ ដែលចម្ងាយពីផ្ទះ២០០ម៉ែត្រ២៥០ម៉ែត្រប៉ុណ្ណោះ ពេលដែលដឹកទៅដល់មន្ទីពេទ្យក៏បានដាច់ខ្យល់ស្លាប់នៅទីនោះតែម្ដង៕
លោក ខៀវ សុខា នាយប៉ុស្ត៍រដ្ឋបាលឃុំក្បាលត្រាចបានឲ្យដឹងថា តាមកាពិនិត្យកន្លែងកើតហេតុរបស់មន្ត្រីជំនាញនគរបាលបច្ចែកទេសនិងវិទ្យាសាស្ត្ររួមជាមួយគ្រូពេទ្យនិងអាជ្ញាធរនិងសពជនរងគ្រោះនេះឲ្យដឹងថា ជនរងគ្រោះបានបញ្ចូលថ្មទូរស័ព្ទជាប្រភេទ iPhone 4 នេះខុសបច្ចែកទេសរបស់វា ដោយខ្លួលប្រាណជើងជាន់ផ្ទាល់ដីហើយមានធាតុសើមក៍ទៅប៉ះនិងចរន្តអគ្គិសនីដែលកំពង់តែដំណើរកា បណ្ដាលឲ្យឆ្លងចរន្តនោះច្រាលបុកមកវិញឆក់ជនរងគ្រោះនេះគាំងបេះដូងស្លាប់តែម្ដង។ លោកបន្តថាក្រោយពីធ្វើកាពិនិត្យរូចរាល់ហើយសមត្ថកិច្ចនិងអាជ្ញាធរក៍បានប្រគល់សពជូនក្រុមគ្រួសារធ្វើបុណតាមប្រពៃណី ហើយជាមួយគ្នានេះដែរលោកក៍បានសូមអំពាវនាវដល់អ្នកប្រើប្រាស់ទូរស័ព្ទដៃគ្របៀប្រភេទឫក៍ឧបបករណ៍ផ្សេងៗដែលទាក់ទងនិងចរន្តអគ្គិសនី សូមមេត្តាប្រុងប្រយ័ត្នផងមិនត្រូវធ្វេសប្រហេសដូចករណីនេះឡើយ៕
