ខេត្តសៀមរាប៖ក្រសួងទេសចរណ៍និងគណៈកម្មាធិការជាតិអ្នកជំនាញទេសចរណ៍បានរៀបចំបើកបណ្តុះបណ្តាលនេះឡើងមានរយៈពេល៧ថ្ងៃចាប់ពីថ្ងៃទី៣ដល់ថ្ងៃទី៩ខែកញ្ញាឆ្នាំ២០១៥ជូនដល់សិក្ខាកាមចំនួន៣៥រូប។សិក្ខាកាមចូលរៀនក្នុងវគ្គបណ្តុះបណ្តាលនេះបានជា
សិក្ខាកាមគឺត្រូវមានបទពិសោផ្នែកសេវាកម្មម្ហូបអាហារនិងភេសជ្ជៈយ៉ាងតិច៣ឆ្នាំនិងមានបទពិសោធក្នុងការបណ្តុះបណ្តាលផងដែរ ព្រោះថាបន្ទាប់
ពីបញ្ចប់វគ្គបណ្តុះបណ្តាលនេះទៅអ្នកទាំងនោះត្រូវមានកាតព្វកិច្ចបណ្តុះបណ្តាលបន្តទៅដល់បុគ្គលិកនិងសិស្សរបស់ខ្លួននៅតាមស្ថាប័នរៀងៗខ្លួន។វគ្គនេះជាផ្នែកមួយនៃផែនការសកម្មភាពរបស់ក្រសួងទេសចរណ៍ដើម្បីអភិវឌ្ឍន៍ជំនាញទេសចរណ៍ស្របតាមស្តង់ដារជាតិនិងអាស៊ាននិងការអនុវត្តន៍កិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន ដើម្បីត្រៀមចូលសមាហរណ
កម្មសហគមសេដ្ឋកិច្ចអាស៊ានរួមគ្នានាចុងឆ្នាំ២០១៥ខាងមុខនេះ។លោក ប៉ាក់ សុខុមរដ្ឋលេខាធិការបានមានប្រសាសន៍ក្នុងឱកាសបើកវគ្គបណ្តុះបណ្តាលនោះថា៖ទន្ទឹមនឹងការជម្រុញអនុវត្តស្តង់ដារនានាក្រសួងបានផ្តល់អាទិភាពផងដែរលើការអភិវឌ្ឍន៍ធនានមនុស្សលើគ្រប់ជំនាញមានដូចជាមគ្គុទេសក៍ទេសចរ អ្នកជំនាញម៉ាស្សា ជំនាញសេវាកម្មតាមភោជនីយដ្ឋាន សណ្ឋាគារនិងសេវាកម្មធ្វើដំណើរជាដើមសំដៅបង្កើនគុណភាពសេវាកម្មនិងបដិសណ្ឋារកិច្ចកម្រិតខ្ពស់។មកដល់ពេលនេះក្រសួងបានបណ្តុះបណ្តាលគ្រូបង្គោលនិងអ្នកវាយតម្លបង្គោលជាតិបាន៣៧៣នាក់និងបានបង្កើតស្តង់ដារសមត្ថភាពអ្នកជំនាញទេសចរណ៍កម្ពុជានៃសេវាកម្មសណ្ឋាគារស្របតាមស្តង់ដារអាស៊ានព្រមទាំងបានដាក់ឱ្យអនុវត្តនៅតាមបណ្តាសាលាបណ្តុះបណ្តាលវិជ្ជាជីវៈតាមសណ្ឋាគារនៅកម្ពុជា។ជាមួយគ្នានោះក្រសួងបានសហការជាមួយលេខាធិការដ្ឋានអាស៊ានធ្វើការវាយតម្លៃសមត្ថភាពសិស្សផ្នែកទេសចរណ៍ដែលបានសិក្សាស្របតាមស្តង់ដារអាស៊ានជាជំហានដំបូងបានចំនួន១៥នាក់អាចធ្វើបម្លាស់ទីការងារក្នុងវិស័យទេសចរណ៍បាន។
លោកក៍បានមានប្រសាសន៍ឱ្យដឹងផងដែរពីកិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន(MRA)គឺមានគោលបំណងសម្រួលឱ្យមានបំលាស់ទីការងាររបស់អ្នកជំនាញទេសចរណ៍អាស៊ានដែលមានសមត្ថភាពនិងមានការទទួលស្គាល់ដោយប្រទេសជាសមាជិកអាស៊ានទាំង១០លើមុខជំនាញ៣២ស្ថិតក្នុងផ្នែកសេវាកម្មសណ្ឋាគារ និងសេវាកម្មធ្វើដំណើរ កិច្ចព្រមព្រៀងនេះក៍ចូលរួមកាត់បន្ថយគម្លាតសមត្ថភាពរបស់អ្នកជំនាញក្នុងតំបន់ផងដែរតាមរយៈការអនុវត្តន៍ស្តង់ដាររួមជាអប្បបរមា។ទន្ទឹមនឹងលទ្ឋផលសម្រេចបានខាងលើវិស័យទេសចរណ៍ក៍នៅមានបញ្ហាប្រឈមមួយចំនួនដែលត្រូវរៀបចំដោះស្រាយដូចជាបញ្ហាអ្នកកំពុងបំរើសេវាក្នុងវិស័យទេសចរណ៍បច្ចុប្បន្នមានតែ១៣%និងបញ្ហាកង្វះខាតសាលាបណ្តុះបណ្តាល។ឆ្លើយតបទៅនឹងកង្វះខាតនេះឯកឧត្តមប៉ាក់សុខុមបានមានប្រសាសន៍ថា៖ដោយមានការឯកភាពពីរាជរដ្ឋាភិបាលក្រសួងទេសចរណ៍បាននឹងកំពុងសហការជាមួយទីភ្នាក់ងារបារាំងដើម្បីបង្កើតសាលាបណ្តុះបណ្តាលវីជ្ជាជីវៈចំនួន២កន្លែងគឺនៅក្រុងភ្នំពេញនិងនៅខេត្តព្រះសីហនុនិងការលើកទឹកចិត្តដល់ការវិនិយោគលើសាលាបណ្តុះបណ្តាលដោយផ្នែកឯកជនផងដែរជាពិសេសការបណ្តុះបណ្តាលខាងលើត្រូវការឱ្យមានការចូលរួមបំពេញបន្ថែមពីផ្នែកឯកជនជាអ្នកប្រត្តិបត្តផ្ទាល់និងទទួលផលពីការបណ្តុះបណ្តាលដំបូង។គួររំលឹកដែរថា៖ក្នុងរបាយការណ៍របស់មន្ទីរទេសចរណខេត្តសៀមរាប ក្នុងទូទាំងខេត្តមានសណ្ឋាគារ186កន្លែងស្មើ12.053បន្ទប់.អាផាតមេន មាន9កន្លែងស្មើ223យូនីត399បន្ទប់.
ភោជនីយដ្ឋានចំនួន195កន្លែងស្មើ4911តុនិង17530តុ.ម៉ាស្សាមាន51កន្លែងស្មើ621គ្រែខារ៉ាអូខេមាន17កន្លែងស្មើ268បន្ទប់ទីភ្នាក់ងារទេសចរណ៍មាន274សាខា.មគ្គុទេសក៍ទេសចរចំនួន4457នាក់(ស្រី632នាក់) ៕
