ខេត្តកំពង់ឆ្នាំង៖លោក ឈួរ ច័ន្ទឌឿនអភិបាលខេត្តកំពង់ឆ្នាំង រួមដំណើរដោយលោកងិនហ៊ុន ប្រធានមន្ទីរកសិកម្មខេត្ត លោកសោមវឺនអភិបាលស្រុករលាប្អៀរលោកនិងលោកសូ គឹមសាន សមាជិក្រុមប្រឹក្សាស្រុក នៅវេលាម៉ោង១០និង៣០នាទីព្រឹក ថៃ្ងទី០៣ ខែកញ្ញាឆ្នាំ២០១៥ បាន
ចុះពិនិត្យអណ្តូងលូរ នៅភូមិអាឡែង ឃុំជ្រៃបាក់ ស្រុករលាប្អៀរដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន ប្រធានកាកបាទក្រហមកម្ពុជាជូនប្រជាពលរដ្ឋក្នុងស្រុករលាប្អៀរ។
លោក សោម វឺន អភិបាលស្រុករលាប្អៀរបានអោយដឹងថា៖នៅក្នុងឱកាសអបអរសាទរទិវានារីអន្តរជាតិ៨មីនា ឆ្នាំ១៩៩៦សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែនប្រធានកាកបាទក្រហមកម្ពុជាបានផ្តល់អណ្តូងលូរចំនួនសរុប២៦អណ្តូង ដល់ឃុំ ចំនួន១៣ឃុំ ដែលក្នុង១ឃុំៗទទួលបាន២អណ្តូង ក្នុងឆ្នាំ១៩៩៦។លោកអភិបាលស្រុកបានបន្តទៀតថា៖បច្ចុប្បន្នអណ្តូងទាំង២៦អណ្តូងនេះបានអន់គុណភាពចំនួន១០អណ្តូងតែអាជ្ញាធរមូលដ្ឋានសហការជាមួយប្រជាពលរដ្ឋក្នុងមូលដ្ឋានបានជួសជុលជាបន្តបន្ទាប់នៅប្រើប្រាស់បានធម្មតានៅឡើយទេ។
ប្រសាសន៍ក្នុងឱកាសនោះ លោក ឈួរច័ន្ទឌឿនអភិបាលខេត្តបានពាំនាប្រសាស
ន៍ផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនិងសម្តេចកិតិ្តព្រឹទ្ធ ប៊ុនរ៉ានីហ៊ុនសែន ប្រធានកាកបាទក្រហមកម្ពុជាសម្តេចតែងតែនឹករលឹក ជួយដោះស្រាយការលំបាកជូនប្រជាពលរដ្ឋគ្រប់ទីកន្លែងដោយមិនប្រកាន់ពូជសាសន៍និងនិន្នាការនយោបាយឡើយ។
លោកក៏បានផ្តាំផ្ញើដល់លោកអភិបាលស្រុកអាជ្ញាធរមូលដ្ឋាននិងប្រជាពលរដ្ឋដែលបានប្រើប្រាស់ទឹកអណ្តូងដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជា លោកសុំអោយប្រជាពលរដ្ឋត្រូវជួយថែរក្សាដើម្បីបន្តទុក្ខអោយកូនចៅជំនាន់ក្រោយបានប្រើប្រាស់បន្តទៅអនាគតយូរអង្វែង។
អាជ្ញាធរដែនដីនិងប្រជាពលរដ្ឋក្នុងស្រុករលាប្អៀរ សូមគោរពជួនពរសម្តេច អគ្គម
ហាសេនាបតីតេជោ ហ៊ុន សែន សម្តេចកិត្តិព្រឹត្តិបណ្ឌិត ប៊ុនរ៉ានី ហ៊ុនសែន សូមទទួលបានជ័យជំនះឈ្នះមារសត្រូវគ្រប់ទិសទី ដើម្បីដឹកនាំប្រទេសជាតិប្រកបដោយសុខសន្តិភាព សុខដុម្យរមនា និងឆ្ពោះទៅកាន់វឌ្ឍភាព សម្បូរសប្បាយរុងរឿងជារៀងរហូតតទៅអនាគត៕
