បន្ទាយមានជ័យ៖ ទោះបីជាស្ថានភាពសន្តិសុខនៅប្រទេសថៃ មានភាពវឹកវរ និងមានការលេចលឺនៃការបណ្តេញចេញពលករខ្មែរពីប្រទេសថៃ យ៉ាងណាក៏ដោយ ក៏នីតែមានការចំណាកស្រុកដោយខុសច្បាប់របស់រដ្ឋខ្មែរ ចូលទៅរកការងារធ្វើនៅប្រទេសថៃ ។
ជាក់ស្តែងកាលពីរសៀលថ្ងៃទី០៣ កញ្ញា ២០១៥ ពលករខ្មែរ៣៣នាក់ ដែលសម្រុងឆ្លងដែនដោយខុសច្បាប់ចូលទឹកដីថៃ ត្រូវបានសមត្ថកិច្ចនគរបាលកាពារព្រំដែន៨០៧ នៃប៉ុស្តិ៍ការពារព្រំដែនភ្នំប្រាក់ ស្រុកថ្មពួក ខេត្តបន្ទាយមានជ័យ ធ្វើការឃាត់អប់រំអោយត្រឡប់ទៅស្រុកវិញ ។
ពលករទាំង៣៣នាក់ ដែលត្រូវឃាត់ខ្លួនអោយត្រឡប់ទៅស្រុកវិញ ក្នុងនោះមានស្ត្រីចំនួន១៣នាក់ ដែលភាគច្រើនមកពីខេត្ត កំពង់ធំ ស្វាយរៀង និងអ្នកស្រុកថ្មពួកខេត្តបន្ទាយមានជ័យតែម្តង ដោយធ្វើដំណើរតាមរយៈ រថយន្តតូរីស និងគោយន្តកន្ត្រៃទៅដល់ព្រំដែន មុនពេលឆ្លងដែន ។
ពួកគាត់ទាំង៣៣នាក់ត្រូវបាននគរបាលធ្វើការអប់រំ ណែនាំ បីការធ្វើចមណាកស្រុកដោយប្រថុយប្រថាន តែងជួបបញ្ហាជាច្រើនកើតឡើង ដូចជាការចាញ់បោកមេខ្យល់ គ្មានការងារធ្វើ តម្រួតចាប់ខ្លួន និងអាចគ្រោះថ្នាក់ដល់ជីវិត និងការធ្វើទារុណកម្មពីសំណាក់សមត្ថកិច្ចថៃ ។ ដោយបានពន្យល់អោយពួកគាត់បើមានបំណងចង់ធ្វើការនៅប្រទេសថៃតត្រូវទៅតាមរយៈក្រុមហ៊ុនស្របច្បាប់ ។ ក្រោយធ្វើការអប់រំណែនាំ បានអោយពួកគាត់ធ្វើកិច្ចសន្យា មិនធ្វើចំណាកស្រុកដោយខុសច្បាប់ ហើយត្រឡប់ទៅលំនៅដ្ឋានវិញ ៕
