ខេត្តសៀមរាប៖ កាលពីថ្ងៃទី ០៧ ខែ កញ្ញា ឆ្នាំ២០១៥ គណៈកម្មការត្រួតពិនិត្យ និង វាយតម្លៃលើគម្រោងការងារសាងសង់ សំណង់អគារនៃមន្ទីរជំនាញទាំង២៦ នៃរដ្ឋបាលខេត្តសៀមរាប ដឹកនាំដោយលោក បួន លឹមហេង អនុរដ្ឋលេខាធិ ការទីស្តីការគណៈរដ្ឋមន្ត្រី លោកឃឹម ប៊ុន
សុង អភិបាលនៃគណៈអភិបាលខេត្តសៀមរាប បានចុះពិនិត្យគម្រោងសាងសង់អគាររដ្ឋបាលមន្ទីរជំនាញរដ្ឋបាលខេត្ត ទាំង២៦មន្ទីរ ដែលសាងសង់ដោយ ក្រុមហ៊ុន កាំត្រង់ស៊ីប ។
ក្នុងកិច្ចប្រជុំត្រួតពិនិត្យ វាយតម្លៃទៅលើសកម្មភាព និង គម្រោងសាងសង់របស់ក្រុមហ៊ុនក្នុងរយៈពេលកន្លង មកនេះក្នុងនោះតំណាងក្រុមហ៊ុនកាំត្រង់ស៊ីបក៏បានធ្វើសេចក្តីរាយការណ៍ អំពីកិច្ចដំណើរការសាងសង់អគាររដ្ឋបាលជំនាញទាំង២៦មន្ទីរនេះទៅតាមជំហាននីមួយៗ រហូតមកដល់ពេលនេះសម្រេចបាន៦៥%ហើយ។ក្នុងនោះដែរ ក្រុមហ៊ុនក៏បានលើកឡើងនូវគម្រោងបន្ថែមមួយចំនួនដែលក្រុមហ៊ុនបានស្ថាបនាកន្លងមក ព្រមទាំងគម្រោងផែនការ ក្នុងការសាងសង់អគារជាបន្តព្រមទាំងលើកឡើងពីការកែសម្រួលនៅមន្ទីរមួយចំនួន ដែលបានផ្តល់ប្លង់ដល់ក្រុមហ៊ុន ឲ្យត្រូវទៅតាមស្តង់ដារបច្ចេកទេសរបស់មន្ទីរជំនាញទាំងនោះហើយមន្ទីរមួយចំនួនក៏នូវមិនទាន់បានផ្តល់ប្លងកែ សម្រួលមន្ទីររបស់ខ្លួននៅឡើយ ដែលធ្វើឲ្យមានភាពយឺតយ៉ាវក្នុងការសាងសង់នេះ ។
ក្នុងនោះដែរអង្គប្រជុំទាំងមូលក៏បានធ្វើការត្រួតពិនិត្យទៅលើគម្រោងប្លង់សាងសង់ ព្រមទាំងបានឲ្យក្រុមហ៊ុន ធ្វើការកែសម្រួលនូវចំណុចសំណង់អគារមួយចំនួន ព្រមទាំងបញ្ហាការបន្ថែមនូវការងារមួយចំនួន ដែលមានតម្លៃ ថវិកា ជាង២៧ម៉ឺនដុល្លា តើប្រើប្រាស់ទៅលើអី្វ ? បន្ទាប់ពីតំណាងក្រុមហ៊ុនធ្វើការបញ្ជាក់បំភ្លឺជូនអង្គប្រជុំរួចមក មានប្រសាសន៍នោះដែរឯ.ឧ អ៊ុក សាម៉េត ក៏បានធ្វើការណែនាំដល់ក្រុមហ៊ុន និង ក្រុមវិស្វករសំណង់ ត្រូវយកចិត្តទុក ដាក់ខ្ពស់ លើការសាងសង់ឲ្យតាមស្តង់ដារបច្ចេកទេស និង រចនាបទដ្ឋានជាលក្ខណៈរបស់ខ្មែរ ដោយខេត្តសៀមរាបជាជង្រុកនៃសម្បត្តិវប្បធម៌អរីយធម៌ជាតិខ្មែរ ហើយបានកំពុងទាក់ទាញនូវអារម្មណ៍ភ្ញៀវទេសចរណ៍ ចូលមកទស្សនាកម្សាន្តមកពីគ្រប់មជ្ឈដ្ឋាននៅលើពិភពលោក ហើយជាសំណង់ស្ថាបត្យកម្មមួយផងដែរ ។
ក្នុងនោះដែរលោកឃឹមប៊ុនសុង មានប្រសាសន៍ដោយបានសង្កត់ទៅលើការសុំបន្ថែមគម្រោងរបស់ក្រុមហ៊ុន តែឯកឧត្តមសុំឲ្យក្រុមហ៊ុនគោរពឲ្យបាននូវគម្រោរបស់ខ្លួនដែលបានលើកឡើងនាពេលនេះព្រមទាំងធានាឲ្យ បាននូវគុណភាពប្រើប្រាស់បានយូរអង្វែរពីព្រោះថាសំណង់ទាំងនេះគឺជាសំណង់ប្រើប្រាស់យូរអង្វែង ដូច្នេះដាច់ខាត់ត្រូវទាមទាឲ្យក្រុមហ៊ុននិងក្រុមវិស្វករសំណង់ ត្រូវបង្កើនការយកចិត្តទុកដាក់ខ្ពស់ក្នុងការស្ថាបនាសំណង់អាគារទាំង២៦នេះឲ្យបានត្រឹមត្រូវទៅតាមស្តង់ដាបច្ចេកទេសក្នុងការសាងសង់ហើយក៏ដើម្បីជៀសវាងក្នុងការរឹះគុនពីមតិមហាជនខាងក្រៅផងនិង សុវត្ថិភាពដល់មន្ត្រីរាជការបម្រើការងារផងដែរ។លោកឃឹមប៊ុនសុង ក៏បានលើកនូវបញ្ហាមួយចំនួនដែលក្រុមហ៊ុនកាំត្រង់ស៊ីបទាមទានូវប្លង់សម្រាប់មន្ទីរនីមួយៗ សម្រាប់ធ្វើការកែសម្រួលនោះអាជ្ញាធរមិនទទួលខុសត្រូវឡើយ គឺក្រុមហ៊ុនត្រូវតែធ្វើទៅតាមគម្រោងប្លង់រួមរបស់គណៈកម្មការប្រគល់ជូនចំពោះការរៀបចំតែងលម្អនិង បំពាក់នៅតាមអគារនោះគឺសាម៉ីមន្ទីរនីមួយៗទទួលខុសត្រូវមិនមែនជាភារកិច្ចរបស់ក្រុមហ៊ុនឡើយ ក្រុមហ៊ុនមានតែពន្លឿននូវការសាងសង់នេះឲ្យបានឆាប់រួចរាល់នៅចុងឆ្នាំនេះ ។ ក្នុងនោះដែរឯកឧត្តមក៏បានបញ្ជាក់ ដល់ក្រុមហ៊ុន ត្រូវធ្វើការរៀបចំប្រព័ន្ធទឹក និង អគ្គិសនី ឲ្យត្រឹមត្រូវទៅតាមស្តង់ដារបច្ចេកទេស និង រៀបចំបណ្តាញ ប្រព័ន្ធតភ្ជាប់នឹងទឹកស្អាតផងដែរ ។ ក្នុងនោះលោក ក៏បានសុំឲ្យក្រុមហ៊ុនកែសម្រួលដល់មន្ទីរបច្ចេកទេសជំនាញ មួយចំនួន ក្នុងការធានានូវសន្តិសុខសុវត្ថិភាព ក្នុងការគ្រប់គ្រងសម្ភារៈឲ្យបានប្រសិទ្ធភាពខ្ពស់និង ជួយធ្វើការកែលម្អ ហើយក្នុងនោះអាជ្ញាធរខេត្តក៏មានគម្រោង ធ្វើការដាំដុះដើមឈើមានតម្លៃ និង ដើមឈើលម្អសោភណ្ឌភាពក្រុង ដើម្បីបម្រើដល់បរិស្ថានក្រុង និង ភ្ញៀវទេសចរណ៍ផងដែរ ។
ក្នុងនោះដែរលោក បួន លឹមហេង ក៏បានឯកភាពទៅតាមប្រសាសន៍របស់លោក អភិបាលខេត្ត ដែលបាន ជម្រាប់ជូនដល់អង្គប្រជុំ ក៏ដូចក្រុមហ៊ុន ហើយអ្វីដែលក្រុមហ៊ុនបានធ្វើខុសពីគម្រោងរបស់គណៈកម្មការនោះ គឺក្រុម ហ៊ុនជាអ្នកទទួលខុសត្រូវ ពីព្រោះថាគម្រោងសាងសង់នេះមិនមែនជាគម្រោងរបស់សាម៉ីមន្ទីរឡើយ ដូច្នេះក្រុមហ៊ុន គោរពអ្វីដែលបានព្រមព្រៀងជាមួយគណៈកម្មការ ។ ក្នុងនោះដែរឯកឧត្តមក៏បានជម្រុញឲ្យក្រុមហ៊ុន កាំត្រង់ស៊ីប បន្ថែមនូវកម្មករក្នុងការពន្លឿននៃការសាងសង់អគាររដ្ឋបាលនេះឲ្យបានរួចរាល់នៅចុងឆ្នាំ២០១៥នេះ។ ក្នុងនោះដែរលោកបួនលឹមហេង ក៏បានលើកឡើងពីការទូទាត់តម្លៃនៃការសាងសង់របស់ក្រសួងសេដ្ឋកិច្ចនិងហិរញ្ញវត្ថុត្រូវ បានកំណត់ទៅតាមជំហានៗ ដោយក្នុងមួយឆ្នាំ ២០% ជូនដល់ក្រុមហ៊ុនសាងសង់សំណង់ជារៀងរាល់ឆ្នាំ ។ ម្យ៉ាងទៀតនៅពេលអគារសំណង់រដ្ឋបាលសម្ពោធដាក់ឲ្យប្រើប្រាស់ជាផ្លូវការ សូមគ្រប់សាម៉ីមន្ទីរទាំងអស់ត្រូវរក្សានូវទម្ងន់នៃសម្ភារៈនៅផ្នែកខាងលើមកដាក់នៅផ្នែកខាងក្រោម ដើម្បីធានានូវគុណភាពប្រើប្រាស់អគារបានយូរអង្វែងពីព្រោះថាសំណង់អគារនេះជារចនាបទរបស់ខែ្មរ ដែលជាសំណង់ស្ថាបត្យកម្មមួយសម្រាប់ទៅថ្ងៃអនាគត់ ៕ 
