ខេត្តកំពង់ធំ៖ នៅក្នុងសាលប្រជុំសាលាខេត្តកំពង់ធំ កាលពីព្រឹកថ្ងៃទី ២៩ ខែ មេសា ឆ្នាំ ២០១៤ មានបើក កិច្ចប្រជុំគណៈបញ្ជាការដឹកនាំត្រួតពិនិត្យនិងដើម្បីលុបបំបាត់ទាំងស្រុង ការដាក់កុងត្រូលអានាធិបតេយ្យទាំងផ្លូវគោកនិងផ្លូវទឹក ក្រោមអធិបតីភាព ឯកឧត្តម គង់ វិមាន ទីប្រឹក្សាឯកឧត្តម ងួន ញ៉ិល អនុប្រធានទី១ រដ្ឋសភា និងជាអភិបាលរងខេត្តកំពង់ធំ ប្រធានលេខាធិការដ្ឋានទប់ស្កាត់បទល្មើសដែលដឹកជញ្ជូនឆ្លងកាត់ ខេត្តកំពង់ធំ ក្រោមការចូលចូលពីសំណាក់អភិបាលស្រុកពាក់ព័ន្ឋ និងកងកម្លាំងប្រដាប់អាវុធទាំង៣ប្រភេទ ព្រមទាំងសមត្ថកិច្ចជំនាញនិងបរិស្ថាន ។
បន្ទាប់ពីលោកអភិបាលស្រុកក្រុង បានឡើងអាននូវរបាយការណ៍ សកម្មភាពការដឹកឈើរបស់ឈ្មួញ និង សកម្មភាពការប្រដេញរថយន្ត សកម្មភាពដាក់កុងត្រូវជជុះ និងការលបលួចឆ្មក់ធ្វើសកម្មភាពរបស់ កម្លាំង ស្ថាប័នមួយចំនួន ព្រមទាំងបញ្ហារអង្គភាពសង្គមស៊ីវិល ដាក់បើកឡានប្រដេញរថយន្តនៅតាមបណ្តោយផ្លូវ ជាតិលេខ ៦២ ផ្លូវជាតិលេខ៦ របស់ស្ថាប័នមិនប្រាកដនោះ ត្រូវបានគណៈបញ្ជាការឯកភាពស្រុក ធ្វើរបាយការណ៍ បញ្ជូនមកថ្នាក់ខេត្តដើម្បី កោះហៅបុគ្គលទាំងនោះមកធ្វើការអប់រំ ណែនាំ ករណីបុគ្គលប្រព្រឹត្តផ្ទុយ ពីច្បាប់ និងត្រូវចាត់វិធានការក្តៅដាច់ខាតតែម្តង ។
លោក មេបញ្ជាការង តំណាងឲ្យ អង្គភាពប៉ូលិស និងប៉េអ៊ឹម និងកងយោធពលខេមរៈភូមិន្ទ បានឯកភាពនូវ គោលការលុបបំបាត់ឲ្យបាន ចំពោះបុគ្គលណា អង្គភាពណាប្រព្រឹត្តផ្ទុយពីច្បាប់ មិនថាប៉េអ៊ឹម ប៉ូលិស បរិស្ថាន ឬអង្គការ និងត្រូវចាត់ការទៅតាមច្បាប់ ក្នុងនោះដែរលោក មេបញ្ជាការតំណាងឲ្យអង្គភាពស្ថាប័ន បានសំណូមពរឲ្យ រដ្ឋបាលស្រុក ក្រុង ដាក់ឈ្មោះបុគ្គលដែលប្រព្រឹត្ត ខុសឲ្យចំៗ ដើម្បីងាយស្រួលចាត់វិធាន និងជៀសវាងផលប៉ះពាល់ដល់ ឈ្មោះអង្គភាពទាំងស្រុង ។
ក្នុងនោះដែរឯកឧត្តម គង់ វិមាន បានជម្រុញឲ្យអាជ្ញាធរស្រុក ធ្វើរបាយការណ៍ ឲ្យបានច្បាស់លាស់ ពីសកម្ម ភាពបុគ្គលដែលប្រដេញរថយន្ត ដាក់កុងត្រូវជជុះ មន្ត្រីចូលនិវត្តន៍ លួចពាក់ស័ក្កបំភាន់ភ្នែកប្រជាពលរដ្ឋ ដើម្បីទារលុយពីរទេះឈើ ការដាក់ក្រុងត្រូលបែបលួចឆ្មក់ ការយករថយន្តដឹកបទល្មើសដែលចាប់បាន មក បើកប្រដេញរថយន្តដឹកបទល្មើស សកម្មភាពទាំងនេះត្រូវតែលុបបំបាត់ឲ្យអស់ ព្រមទាំងលុបបំបាត់ចោល ការដឹកជញ្ជូនលផល អនុផលព្រៃឈើដោយគ្មានច្បាប់អនុញ្ញាតិ ។ 
