ខេត្ត្តស្វាយរៀង÷កាលពីម៉ោង១៥.០០នាទីថ្ងៃទី៨ខែកញ្ញាឆ្នាំ២០១៥នៅខេត្តស្វាយរៀងមានភ្លៀងធ្លាក់ធំមួយមេលាយឡំទៅដោយរន្ទះនិងខ្យល់កន្ត្រាក់យ៉ាងខ្លាំងបណ្តាលឲ្យដួលរលំរបើកដំបូលផ្ទះរបស់ប្រជាពលរដ្ឋជាង៣០ខ្នងនៅស្រុករមាសហែកនិងស្រុកស្វាយជ្រំខេត្តស្វាយរៀង។លោកអធិការនគរបាលស្រុករមាសហែកឲ្យដឹងថា ភ្លៀងមានខ្យល់កន្ត្រាក់នោះបណ្តាលឲ្យដួលរលំផ្ទះទាំងស្រុងចំនួន៦ខ្នងក្នុងនោះផ្ទះធំៗ៤ខ្នងផ្ទះតូច២ខ្នងនិងរបើកដំបូលរបើកជញ្ជាំងប៉ើងលោតចុះពីជើងសរសរទាំងអស់៣០ខ្នងនិងបណ្តាកឲ្យមនុស្សរងរបួសធ្ងន់ម្នាក់ឈ្មោះ តូច ស្រីម៉ៅ ភេទស្រីអាយុ២៤ឆ្នាំមានទីលំនៅភូមិកំពង់ត្រាចឃុំកំពង់ត្រាចរង
គ្រោះពេលសុំផ្ទះអ្នកភូមិជ្រកភ្លៀងនៅភូមិឈើភ្លើងឃុំកំពង់ត្រាចជាមួយគ្នា។ប្រភពនោះបានបន្តថា ផ្ទះដែលរលំនោះនៅក្នុងឃុំជ្រៃធំនិងឃុំកំពង់ត្រាចស្រុករមាសហែកខេត្តស្វាយរៀងនៅព្រឹកថ្ងៃទី៩ខែកញ្ញាឆ្នាំ២០១៥នេះកម្លាំងនគរបាលខេត្តស្រុកចំនួន៥៣នាក់កពុងចុះជួយជុសជុលផ្ទះរបស់ប្រជាពលរដ្ឋដែលដួលរលំកាលពីថ្ងៃទី៨ម្សិលមិញនៅតាមមូលដ្ឋានដែលកើតហេតុ។ករណីខ្យល់កន្ត្រាក់ទី២.ថ្ងៃដដែលនោះនៅ
វេលាម៉ោង១៥.៣០នាទីរសៀលនៅភូមិត្រោកឃុំឈើទាលស្រុកស្វាយជ្រំមានដួលរលំផ្ទះមួយខ្នងដែលមានទំហំទទឹង៦x៧ម៉ែតជាផ្ទះរបស់ឈ្មោះ ឈុន សុខ ភេទប្រុសអាយុ៣៦ឆ្នាំនិងបណ្ដាលឲ្យរងរបួសមន្ត្រីនគរបាលខេត្តម្នាក់ឈ្មោះ នៅ ផល្លា ដែលនៅជ្រកភ្លៀងនៅផ្ទះកើតហេតុ។
