ខេត្តស្វាយរៀង៖បុរសម្នាក់បែកក្បាលស្លាប់ភ្លាមៗរីឯអ្នករួមដំណើរម្នាក់ទៀតរងរបួសធ្ងន់ដោយសារករណីគ្រោះថ្នាក់ចរាចរណ៏គួរអោយរន្ធត់លើកំណាត់ផ្លូវជាតិលេខ១បន្ទាប់ពីបើកបរម៉ូតូក្នុងល្បឿនលឿនខ្វះការប្រុងប្រយត្ន័ព្រមទាំងមានភ្លៀងធ្លាក់យ៉ាងខ្លាំងកាលពីវេលាម៉ោង១១៖៥០នាទីយប់ថ្ងៃទី៨ខែកញ្ញាឆ្នាំ២០១៥ស្ថិតក្នុង ភូមិដើមពោធិ៍ ឃុំស្វាយតាយាន ស្រុកកំពងរោទិ៍ខេត្តស្វាយរៀង។ ជនរងគ្រោះដែលស្លាប់មានឈ្មោះសុខ ចន្ទ្រា អាយុ២៥ ឆ្នាំ មុខរបរសន្តិសុខមានទីលំនៅក្នុងភូមិចំបក់កោងឃុំកំពង់ចកស្រុករំដួលនិងអ្នករួមដំណើរមានឈ្មោះឡាត់ ចន្ថា ភេទប្រុសអាយុ ២២ ឆ្នាំ មានទីលំនៅក្នុងសង្កាត់បាទីក្រុងបាវិត។
យោងតាមសាក្សីបានប្រាប់ថាមុនពេលកើតហេតុមានភ្លៀងធ្លាក់យ៉ាងខ្លាំងខណះនោះស្រាប់តែមានបុរស២នាក់បានជិះម៉ូតូមួយគ្រឿងម៉ាកវីស្តុនពណ៏ខៀវអត់ស្លាកលេខធ្វើដំណើរពីលិចមកកើតលើផ្លូវជាតិលេខ១ក្នុងល្បឿនលឿនគោលបំណងឆ្ពោះទៅក្រុងបាវិតហើយមិនដឹងយ៉ាងម៉េចស្រាប់តែលឺសូរសំលេងដូចរន្ទះបាញ់ខែចែត្ររីឯមនុស្សនិងម៉ូតូខ្ទាតដួលរណូករណែលតាមផ្លូវតែម្ដង។
ក្រោយកើតហេតុប្រជាពលរដ្ឋក៏បានរាយការណ៏មកសមត្ថកិច្ចនគបាលមូលដ្ឋានមកអន្តរាគមន៏និងលើជនរងគ្រោះមកកាន់មន្ទីពេទ្យបង្អែកខេត្តប៉ុន្តែអកុសសដោយបុរសឈ្មោះសុខ ចន្ទ្រារងរបួសបែកក្បាលហូរឈាមធ្ងន់ធ្ងរពេកក៏ដាច់ខ្យល់ស្លាប់បាត់ទៅ។
ចំពោះសាកសពជនរងគ្រោះត្រូវបានសមត្ថកិច្ចនគបាលប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី។
