ខេត្តបន្ទាយមានជ័យ៖ព្រឹកថ្ងៃទី១១ខៃកញ្ញាឆ្នាំ២០១៥នៅសាលប្រជុំសាលាខេត្តបន្ទាយមានជ័យ លោកញឹមវណ្ណដា ទេសរដ្ឋមន្ត្រីទទួលបន្ទប់បេសកម្មពិសេសនិងជាអនុប្រធានទី១គណកម្មាធិការគ្រោះមហន្តរាយលោកបានចុះមកផ្សព្វផ្សាយច្បាប់ស្តីពីការគ្រប់គ្រងគ្រោះ
មហន្តរាយ។ពិធីនេះមានការចូលរួមលោកគោស៊ុំសារឿត អភិបាលខេត្តបន្ទាយមានជ័យ និងមន្ត្រីពាក់ព័ន្ធជាច្រើននាក់ទៀត។លោកញឹមវណ្ណដាបានមានប្រសាសន៍ក្នុងកិច្ចប្រជុំនោះថាក្នុងកិច្ចប្រជុំគ្រោះមហន្តរាយនោះមានគោលបំណងការគ្រប់គ្រងគ្រោះមហន្តរាយ មានដូចជា ត្រៀមបង្ការ បន្សាំ កាត់បន្ថយគ្រោះថ្នាក់មុនពេលមានគ្រោះថ្នាក់មហន្តរាយដែលបង្កឡើងដោយធម្មជាតិនិងមនុស្សសត្វជាដើម។លោកបានបន្តទៀតថាគ្រោះមហម្តរាយសំដៅលើផលប៉ះពាល់ដល់មនុស្ស សត្វ សម្ភារះ សេដ្ឋកិច្ច ឬបរិស្ថានជាដើមខេត្តបន្ទាយមានជ័យរយះពេល២ឆ្នាំចុងក្រោយនេះមានគ្រោះមហន្តរាយដូចជាទឹកជំនន់ ប្រជាពលរដ្ឋបានជួបប្រទះគ្រោះមហន្តរាយដោយខ្យល់កន្ត្រាក់នៅក្នុងត្រីមាសទី១និងគ្រោះរាំងស្ងួតនៅត្រីមាសទី២។ខ្យល់កន្ត្រាក់នោះបានធ្វើឲ្យប៉ះពាល់ដល់ជីវភាពរបស់ប្រជាពលរដ្ឋនិងលំនៅដ្ឋានអស់ជាច្រើនខ្នងនៅស្រុក ក្រុងទាំង៩ស្មើនិង៣៧ឃុំសង្កាត់ប៉ះពាល់ប្រជាពលរដ្ឋ១.០៩២នាក់រងរបួស១១នាក់ប៉ះពាល់ដល់លំនៅដ្ឋាន១.០៨៤ខ្នងហើយបានសង្គ្រោះបន្ទាន់១.៨៨៧ក្រួសារជួយបូមទឹកដាក់ស្រែជូនដល់ប្រជាពលរដ្ឋបានចំនួន៨.៤៩០ហិចតា។លោកបានបន្តទៀតថាកិច្ចប្រជុំផ្សព្វផ្សាយច្បាប់ស្តីពីការគ្រប់គ្រងគ្រោះមហន្តរាយក្នុងខេត្តបន្ទាយមានជ័យនោះដែលមន្ត្រីពាក់ព័ន្ធទាំងអស់កំពុងស្តាប់នេះដើម្បីឲ្យយល់ដឹងអំពីខ្លឹមសារនៃច្បាប់នេះដើម្បីយកទៅអនុវត្តការងារគ្រប់គ្រងគ្រោះមហន្តរាយនៅថ្នាក់ក្រោមជាតិឲ្យបានរលូនកាន់តែមានប្រសិទ្ធភាពនិងតម្លាភាពថែមទៀត៕
