ឧត្តរមានជ័យ៖ កាលវេលាម៉ោង៨និង៤០នាទីថ្ងទី១១ ខែកញ្ញា ឆ្នាំ២០១៥ ករណីគ្រោះថ្នាក់ចរាចរណ៍ មួយបានកើតឡើងនៅចំណុចផ្លូវបំបែកជាបួនហាយវ៉េ ស្ថិតនៅក្នុងស្លែងពណ៍ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។សមត្ថកិច្ចប៉ូលិសចរាចរណ៍ស្រុកបានឲ្យដឹងថា
នៅមុនពេលកើតហេតុ ដោយរថយន្តហាយលិនឌ័រពណ៍ទឹកមាស គ្មានលេខ បានបុកម៉ូតូ ម៉ាកសង់សេរី០៩ពណ៍ខ្មៅ ពាកស្លាកលេខ សៀមរាប១J២២៤៤បណ្តាលឲ្យស្លាប់ភ្លាមៗនៅនិងកន្លែងកើតហេតុ។សមត្ថកិច្ចប៉ូលិសចរាចរណ៍ស្រុកបានបន្តទៀតថា ជនរងគ្រោះដែលត្រូវរថយន្តបុកស្លាប់នោះ មានឈ្មោះង៉ូវ ហេង ភេទប្រុសអា៥៧ឆ្នាំជាមេភូមិ ភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ចំណែកជនបង្កបានរត់គេចខ្លួនបាត់ បច្ចុប្បន្នកំពុងចាត់វិធានការទៅតាមនិតិវិធីច្បាប់ សាកសពត្រូវបានសមត្ថកិច្ចចរាចរណ៍ស្រុកប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
