បន្ទាយមានជ័យ៖ជនពិការគ្មានទីពឹងនិងពលរដ្ឋក្រីក្ររ ៩គ្រួសារ នៅភូមិស្នាយល្អនិងភូមិអន្លង់វិល ឃុំទឹកជោរ ស្រុកព្រះនេតព្រះខេត្តបន្ទាយមានជ័យ ត្រូវបានឯកឧត្ដម លី សារីអភិបាលរង
ខេត្តបន្ទាយមានជ័យ និងជាប្រធានសាខាកាកបាទក្រហមខេត្តព្រម ទាំងក្រុមការងារចុះជួយស្រុក និងរដ្ឋបាលស្រុក នាំអំណោយពីសាខាកាកបាទ ក្រហមខេត្តចែកជួនផ្ទាល់កាលពីថ្ងៃទី ១១កញ្ញា២០១៥។
លោក ហែម សារិន អភិបាលរងស្រុកព្រះនេតព្រះនិយាយថា: ពលរដ្ឋ៩ គ្រួសារ ដែលត្រូវបានទទួលអំណោយ ពីសាខាកាកបាទក្រហមខេត្តនាថ្ងៃនេះ មកពី២ភូមិគឺភូមិស្នាយល្អ និងភូមិ អន្លង់វិល ស្រុកព្រះនេតព្រះ ស្ថិតក្នុងគ្រួសារក្រីក្ររ និងជនពិការភ្នែកគ្មានទីពឹង ។
លោក ហែម សារិន ថ្លែងនូវអំណរគុណដល់លោកជំទាវគតិព្រឹទ្ធបណ្ឌឹត ប៊ុនរានី ហ៊ុនសែន ប្រធានកាកបាទក្រហមកម្ពុជា តាមរយះ ឯកឧត្ដម លី សារី ប្រធានសាខាកាកបាទក្រហមខេត្ត និងក្រុមការងារដែលបាននាំអំណោយផ្ដល់ជូនចំគោលដៅនាពេលនេះ។
ឯកឧត្ដម លី សារី ប្រធានសាខាកាកបាតក្រហមខេត្តបន្ទាយមានជ័យប្រាប់ថា: ដោយមានការយកចិត្តដាក់ គិតគូសុខទុក្ខប្រជាពលរដ្ឋ ពីសម្ដេច គតិព្រឹទ្ធបណ្ឌិត ប៊ុន រានី ហ៊ុនសែន ប្រធានកាកបាតក្រហមកម្ពុជា ធ្វើការណែនាំ ដល់សាខាកាកបាតក្រហមគ្រប់ខេត្តក្រុង ត្រូវនាំយកអំណោយសង្គ្រោះបន្ទាន់អោយឆាប់រហ័សជូនដល់ពលរដ្ឋ ទុរគត់ជន ជនក្រីក្ររ ជនពិការគ្នានទីពឹង និងជនរង គ្រោះធម្មជាតិផ្សេងៗ ដោយមិនគិតពីនិន្នាការនយោបាយឡើយ ។
ឯកឧត្ដម លី សារី បន្តថា: ការផ្ដល់អំណោយនាពេល គឺជាការគិតគូរផ្ទាល់ ពីរាជរដ្ឋាភិបាលពិសេសសម្ដេចតេជោហ៊ុន សែន នាយករដ្ឋមន្ត្រី ហើយអំណោយនេះពិជាអាចដោះស្រាយជីវភាពប្រចាំថ្ងៃបានគ្រាៗ។
ឯកឧត្ដម លី សារី បន្តប្រាប់ថា: អំណោយកាកបាតក្រហមដែលត្រូវនាំយកមកចែកចាយដល់ជនពិការនិងទុរគត់ជននាពេលនេះរួមមាន អង្ករ២៥ គីឡូក្រាម មី១កេះ ទឹកត្រីទឹកស៊ីអីវ ៦ដប ប្រេងឆា១ដប ត្រីខ៦កំប៉ុងនិងកម្រាលកៅស៊ូ ១និងថវិការជាប់ដៃមួយចំនួនសម្រាប់១គ្រួសារៗផងដែរ៕
