ខេត្តបន្ទាយមានជ័យ កម្លាំងសមត្ថកិច្ចចម្រុះបានបង្ក្រាបកន្លែងស្តុកឈើគ្រញូងមួយកន្លែងដោយរឹបអូសឈើក្រញូងបានចំនួន៩៧ដុំ ប្រមាណជាង២ម៉ែត្រគូប កាលពីវេលាម៉ោង៥ល្ងាច ថ្ងៃទី១១ កញ្ញា ២០១៥ ស្ថិតនៅចំណុចដីឡូត៍មួយកន្លែង ក្នុងភូមិកំពង់ស្វាយសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។កម្លាំងជំនាញរដ្ឋបាលព្រៃឈើខេត្តបន្ទាយមានជ័យក៏បានសហកាជាមួយនឹងនគរបាលប្រឆាំងបទល្មើសសេដ្ឋកិច្ចខេត្ត-ក្រសួងដឹកនាំដោយលោក ចេង សុផាន ក្រឡាបញ្ជីរបស់ព្រះរាជអាជ្ញាសាលាដំបូងខេត្តផងដែរ។
លោក ជា ផល្លី នាយខណ្ឌរដ្ឋបាលព្រៃបន្ទាយមានជ័យបានប្រាប់ថា ក្រោយពេលខណ្ឌរដ្ឋបាលព្រៃឈើបន្ទាយមានជ័យបើកការស្រាវជ្រាវមុខសញ្ញា ហើយបានសហការជាមួយកម្លាំងនគបាលសេដ្ឋកិច្ចខេត្ត និងក្រសួង បានចុះបង្ក្រាបរកឃើញប្រភេទឈើគ្រញូង ហើយបានធ្វើការរឹបអូសបានចំនួន៩៧ដុំ ប្រមាណជាង២ម៉ែត្រគូប ។
លោកបានបញ្ជាក់ថា នៅពេលចុះបង្ក្រាបនោះគឺរឹបអូសបានតែឈើគ្រញូងដែលជាប្រភេទត្រូវប៉ាន់ដុំ និងបន្ទះធំៗ ចំណែកជនល្មើសបានគេចខ្លួន ហើយមន្ត្រីជំនាញបានរកឃើញមុខសញ្ញាហើយកំពុងមានវិធានការតាមចាប់ដើម្បីយកមកអនុវត្តតាមច្បាប់ ។បើតាមព័ត៌មានបានអោយដឹងថា ឈើគ្រញូងដែលមន្ត្រីចម្រុះបង្ក្រាប និងរឹបអូសបានចំនួន៩៧ដុំប្រមាណជាង២ម៉ែត្រគូបនេះមានតម្លៃមិនតិចជាង១០ម៉ឺនដុល្លារឡើយ ដែលឈ្មួញឃុបឃិតជាមួយកម្លាំងដែលឈរជើងតាមបន្ទាត់ព្រំដែនក្នុងភូមិសាស្គ្រខេត្តបន្ទាយមានជ័យនាំយកមកស្តុបទុកបម្រុងនាំចេញទៅប្រទេសវៀតណាម៕
