ខេត្តបន្ទាយមានជ័យ បុរស់ម្នាក់ជិះមូតូយ៉ាងលឿនទៅបុកនិងគូថរថយន្តដែលគេកំពុងតែឈប់នៅលើផ្លូវជាតិពេញទំហឹងបណ្តាលឲ្យរងរបួសធ្ងន់ត្រូវបានប្រជាពលរដ្ឋនៅទីនោះដឹកជញ្ជូនទៅមន្ទីរពេទ្យដើម្បីសង្គ្រោះជីវិត។ហេតុការគ្រោះថ្នាក់ចរាចរណ៍កើតឡើងនៅវេលាម៉ោង៦ល្ងាចថ្ងៃទី១១ខែកញ្ញាឆ្នាំ២០១៥នៅចំណុចផ្លូវជាតិលេខ៥ក្នុងភូមិកូប ឃុំកូប ស្រុកអូរជ្រៅ ខេត្តបន្ទាយមានជ័យ។បើតាមប្រជាពលរដ្ឋនៅទីនោះបានឃើញហេតុការណ៍និងភ្នែកបាននិយាយឲ្យដឹងថាជនរងគ្រោះមិនស្គាល់អត្តសញ្ញាណនោះទេ ហើយមុនពេលកើតហេតុប្រជាពលរដ្ឋនៅទីនោះបានឃើញរថយន្តកាមរី ព៌ណឆ្លូញមិនដឹងស្លាកលេខបានបើកចេញ
មកពីខេត្តបន្ទាយមានជ័យឆ្ពោះទៅក្រុងប៉ោយប៉ែតលុះបើកមកដល់ចំណុចកើតហេតុក៏បានឈប់នៅថ្នល់ជាតិដោយមិនបានដាក់ភ្លើងជាសញ្ញានៅពេលព្រលប់ នៅពេលនោះដែរក៏មានម៉ូតូមួយគ្រឿងម៉ាកហុងដាទ្រីម ព៌ណខ្មៅពាក់ស្លាកលេខបន្ទាយមានជ័យ ១I៧៥៥៧ជិះចេញពីទីរួមខេត្តឆ្ពោះទៅក្រុងប៉ោយប៉ែតពីកើតទៅលិច ស្របទិសគ្នាដោយល្បឿនលឿនលុះជិះមកដល់ចំណុចកើតហេតុដោយមេឃងងឹតមើលមិនឃើញរថយន្តក៏បើកទៅបុកគូថរថយន្តពេញទំហឹងទាំងគំរោលមនុស្សនិងម៉ូតូប្លោងទៅទើនៅមាត់ស្រះនៅជិតផ្លូវជាតិបណ្តាលឲ្យស
ន្លាប់ស្តូកស្តឹងរងរបួសធ្ងន់។ប្រជាពលរដ្ឋនៅទីនៅដោយឃើញរបួសធ្ងន់ពេកក៏ដឹកទៅមន្ទីរពេទ្យនៅជិតនោះដើម្បីសង្គ្រោះជីវិតចំណែករថយន្តវិញដឹងថាមានម៉ូតូមកបុករថយន្តខ្លួនសន្លប់ប្អូនងាប់នោះក៏បើករថយន្តគេចខ្លួនបាត់តែម្តង៕
